Messi vs Ronaldo: આજે ફૂટબોલના મેદાન પર ટકરાશે દિગ્ગજો, જાણો મેચના સ્થળ, સમય અને લાઈવ સ્ટ્રિમિંગ વિશે
Messi vs Ronaldo Friendly match : આજે સાઉદી અરેબિયાના રિયાદમાં ફૂટબોલના દિગ્ગજ ખેલાડીઓ વચ્ચે જંગ જામશે. રોનાલ્ડો અને મેસ્સી વચ્ચેની આ ધમાકેદાર મેચ માટે આખી દુનિયામાં ભારે રોમાંચ જોવા મળી રહ્યો છે.
ફિફા ફૂટબોલ વર્લ્ડ કપની ફાઈનલ મેચ એક મહિના પહેલા કતારમાં થઈ હતી. 18 ડિસેમ્બર, 2022ના મેસ્સીના નેતૃત્વવાળી આર્જેન્ટિના ટીમ ત્રીજીવાર વર્લ્ડ કપ ચેમ્પિયન બની હતી. ફિફા વર્લ્ડ કપના એક મહિના બાદ ફૂટબોલ ચાહકો માટે આજે ખુશીનો દિવસ છે. દુનિયાના લોકપ્રિય અને દિગ્ગજ ખેલાડીઓમાંથી એક આર્જેન્ટિનાના મેસ્સી અને પોર્ટુગલના રોનાલ્ડો આજે ફૂટબોલના મેદાન પર ટકરાશે. ચાલો જાણીએ આજની મેચના સ્થળ,સમય અને લાઈવ સ્ટ્રિમિંગ વિશે.
આજે 19 જાન્યુઆરીના રોજ સાઉદી અરેબિયાના રિયાદમાં ફૂટબોલ દિગ્ગજ રોનાલ્ડો અને મેસ્સી આમને-સામને હશે. બંને ખેલાડીઓ પોતાની નવી ફૂટબોલ કલબની ટીમ સાથે જોવા મળશે. રોનાલ્ડો તેની નવી ફૂટબોલ કલબ અલ નાસર અને મેસ્સી પેરિસ સેન્ટ જર્મેન તરફથી રમતા જોવા મળશે. આ ફ્રેન્ડલી મેચને લઈને આખી દુનિયાના ફૂટબોલ પ્રેમીઓમાં ભારે ક્રેઝ જોવા મળી રહ્યો છે.
આ પહેલા આર્જેન્ટિનાના મેસ્સી બાર્સિલોના કલબ તરફથી રમતો હતો. થોડા સમય પહેલા જ તે પેરિસની ફૂટબોલ કલબ પેરિસ સેન્ટ જર્મેન સાથે જોડાયો હતો. પોર્ટુગલ ટીમનો કેપ્ટન રોનાલ્ડો ઈંગ્લિશ ક્લબ મેનચેસ્ટ યૂનાઈટેડ છોડીને સાઉદી અરબની અલ નાસરમાં જોડાયો હતો. આજની મેચ પેરિસ સેન્ટ જર્મેન અને સાઉદી અરબની બે ક્લબ અલ નાસર અને અલ હિલાલના ખેલાડીઓને મળીને બનાવેલી ટીમ રિયાદ ST-11 વચ્ચે રમાશે.
આ સ્ટેડિયમમાં રમાશે ફ્રેન્ડલી મેચ
King Fahd International Stadium pic.twitter.com/imSh9r8aKr
— Inter (@Inter) January 18, 2023
આર્જેન્ટિનાના કેપ્ટન મેસ્સી અને પોર્ટુગલના કેપ્ટન રોનાલ્ડો ઘણા લાંબા સમય બાદ એકબીજા સામે રમતા જોવા મળશે. આજે 19 જાન્યુઆરીના રોજ ભારતીય સમય અનુસાર રાત્રે 10.30 વાગ્યે રમાશે. આ મેચ સાઉદી અરબના રિયાદમાં કિંગ ફહદ ઈન્ટરનેશનલ સ્ટેડિયમમાં રમાશે. પેરિસિનો યુવા ફૂટબોલર એમબામ્બે અને બ્રાઝિલનો લોકપ્રિય ફૂટબોલર નેમાર પણ આ મેચમાં જોવા મળશે.
મેસ્સી સહિતા ટીમના ખેલાડીઓ પહોંચ્યા રિયાદ
A great welcome for our Parisians upon arrival in ! ❤️#PSGQatarTour2023 | @qatarairways pic.twitter.com/aMn4KKxkuk
— Paris Saint-Germain (@PSG_English) January 19, 2023
આજે રાત્રે રમાનારી મેચ માટે પેરિસ સેન્ટ જર્મેન ફૂટબોલ કલબના ખેલાડીઓ રિયાદ પહોંચી ચૂકયા છે. મેસ્સી સહિત અનેક દિગ્ગજ ખેલાડીઓ આજે આ મેચમાં રમતા જોવા મળશે. જણાવી દઈએ કે આજની મેચ ભારતના કોઈપણ ટીવી ચેનલ પર જોવા મળશે નહીં. પણ તમે પેરિસ સેન્ટ જર્મેન ફૂટબોલ કલબના સોશિયલ મીડિયા પેજ પરથી આ મેચને લાઈવ નિહાળી શકશો.
મેસ્સી અને રોનાલ્ડોનું ફિફા વર્લ્ડ કપ 2022નું પ્રદર્શન
રોનાલ્ડોના નેતૃત્વવાળી પોર્ટુગલ ટીમ ફિફા વર્લ્ડ કપની કવાર્ટર ફાઈનલ સુધી પહોંચી શકી હતી. રોનાલ્ડો આ વર્લ્ડ કપમાં કોઈ ખાસ પ્રદર્શન કરી શક્યો ન હતો. જ્યારે મેસ્સીના નેતૃત્વવાળી આર્જેન્ટિના ટીમ ફિફા વર્લ્ડ કપના ઈતિહાસમાં ત્રીજીવાર વર્લ્ડ કપ જીતી હતી. દિગ્ગજ ખેલાડી મેસ્સી વર્લ્ડ કપમાં શ્રેષ્ઠ પ્રદર્શન કરી ગોલ્ડન બોલ એવોર્ડ જીત્યો હતો.