Asia Cup Hockey માં ભારતના વિરાટ વિજયથી પાડોશી દેશને લાગ્યો મોટો ઝટકો, પાકિસ્તાન World Cup 2023 ની બહાર
2023 હોકી વર્લ્ડ કપ (Hockey World Cup 2023) 13 જાન્યુઆરીથી 29 જાન્યુઆરી દરમિયાન યોજાવાનો છે. ભારત આ મેગા ઈવેન્ટનો યજમાન દેશ છે.
જકાર્તાના મેદાન પર ભારતીય હોકી (India Hockey) ની જીતીની ઉજવણી થઈ. યજમાન ઈન્ડોનેશિયાને ભારતના યુવાનોએ હરાવ્યું નથી, પરંતુ તેને કચડી નાખ્યું છે. યંગિસ્તાનને સુપર 4માં સ્થાન મેળવવા માટે મોટી જીતની જરૂર હતી. પરંતુ, તેણે એટલી મોટી જીત મેળવી છે કે માત્ર ઈન્ડોનેશિયા (Indonesia) જ નહીં, પડોશી દેશ પાકિસ્તાન (Pakistan) ને પણ ઊંડો આંચકો લાગ્યો છે. ભારતે ઈન્ડોનેશિયાને 16-0 થી હરાવ્યું અને સાથે જ એશિયા કપની જ નહીં પરંતુ આવતા વર્ષે યોજાનાર હોકી વર્લ્ડ કપમાંથી પણ પાકિસ્તાનની ટિકિટ કાપી નાખી.
એશિયા કપના પુલ Aમાં સામેલ પાકિસ્તાનને છેલ્લી મેચમાં જાપાનના હાથે 3-2 થી હારનો સામનો કરવો પડ્યો હતો. આવી સ્થિતિમાં, તેની તક આવી રહી ગઈ, કે આ માટે ઇન્ડોનેશિયાએ ભારતના મહત્તમ 14 ગોલ અટકાવવુ પડે એમ હતુ. પરંતુ, ઉત્સાહથી ભરેલા ભારતીય ખેલાડીઓએ 16 ગોલ કર્યા હતા. પરિણામે, એવું બન્યું કે નવા ભારતના દમથી, પાકિસ્તાનની 2023 વર્લ્ડ કપ રમવાની આશાઓ પર પાણી ફરી વળ્યું.
પાકિસ્તાન 2023 હોકી વર્લ્ડ કપમાંથી બહાર
ભારતે ઈન્ડોનેશિયા સામે 16-0થી જીત મેળવીને એશિયા કપના સુપર 4 માં પોતાનું સ્થાન નિશ્ચિત કર્યું છે. પુલ Aમાંથી ભારત ઉપરાંત જાપાનની ટીમ સુપર 4માં પહોંચી ગઈ છે. તે જ સમયે, મલેશિયા અને દક્ષિણ કોરિયાની ટીમોએ પુલ બીથી સુપર 4 માં પ્રવેશ કર્યો છે.
ભારત 2023 હોકી વર્લ્ડ કપનું યજમાન હોવાથી તે ટુર્નામેન્ટ માટે ક્વોલિફાય થઈ ચૂક્યું છે. એશિયા કપ 2022ના સુપર 4 તબક્કામાં પહોંચ્યા બાદ, જાપાન, મલેશિયા અને દક્ષિણ કોરિયાની ટીમો પણ 2023 હોકી વર્લ્ડ કપ માટે ક્વોલિફાય થઈ ગઈ છે. પરંતુ પાકિસ્તાન હોકી વર્લ્ડ કપ 2023 માટે તેની ટિકિટ કાપી શક્યું નથી. આનો અર્થ એ થયો કે આવતા વર્ષે હોકી વર્લ્ડ કપમાં ભારત અને પાકિસ્તાન વચ્ચેનો મુકાબલો ચાહકોને જોવા નહીં મળે.
India beats Indonesia 16-0 and qualifies for the Super 4s #AsiaCupHockey2022. This means that Japan, S. Korea & Malaysia qualify for the FIH World Cup 2023. India qualify as hosts. Pakistan OUT of the 2023 Hockey World Cup
— Viren Rasquinha (@virenrasquinha) May 26, 2022
આવતા વર્ષે જાન્યુઆરીમાં હોકી વર્લ્ડ કપ રમાશે
હોકી વર્લ્ડ કપનું આયોજન આવતા વર્ષે જાન્યુઆરીમાં થવાનું છે. આ મેગા ઈવેન્ટ 13 જાન્યુઆરીથી શરૂ થશે અને 29 જાન્યુઆરી 2023 સુધી ચાલશે. કારણ કે ભારત યજમાન હશે, તો તે ટાઇટલ જીતમાં ઘણો દાવો કરશે. અને, એશિયા કપ 2022માં જે રીતે યંગિસ્તાનની હોકી જોવા મળી છે, તે સ્પષ્ટ છે કે જો તેઓ તેમની શ્રેષ્ઠ હોકી રમશે તો તેઓ ચેમ્પિયન બની શકે છે.