Novak Djokovic ATP કપમાંથી ખસી ગયો, ઓસ્ટ્રેલિયન ઓપન રમવા પર સસ્પેન્સ

Novak Djokovic  ATP કપમાંથી ખસી ગયો, ઓસ્ટ્રેલિયન ઓપન રમવા પર સસ્પેન્સ
Novak Djokovic withdraws from ATP Cup

સર્બિયાના જોકોવિચના સિડનીમાં યોજાનારી મેન્સ ટીમ ટુર્નામેન્ટમાંથી ખસી જવાના સમાચાર એવા સમયે આવ્યા છે જ્યારે 34 વર્ષના કોવિડ-19 રસીકરણને લઈને અટકળો વધી ગઈ છે. અનુભવી ખેલાડીએ તેને રસી અપાઈ છે કે નહીં તે જાહેરમાં જણાવવાનો ઈન્કાર કરી દીધો છે.

TV9 GUJARATI

| Edited By: Nirupa Duva

Dec 30, 2021 | 12:53 PM

Novak Djokovic : વિશ્વના નંબર વન નોવાક જોકોવિચે (Novak Djokovic) 2022 એટીપી કપ (ATP Cup)ટેનિસ ટુર્નામેન્ટમાંથી ખસી ગયો છે ઓસ્ટ્રેલિયાના કડક નિયમો અનુસાર, તમામ ખેલાડીઓ, અધિકારીઓ અને ફેન્સને કોવિડ-19 (Covid-19)સામે સંપૂર્ણ રસીકરણ (Vaccination) કરાવવું જરૂરી છે. એટીપી કપ(ATP Cup)ના આયોજકોએ ટીમ અપડેટમાં જોકોવિચ દુર થવાનો ખુલાસો કર્યો હતો.

ઓસ્ટ્રેલિયન ઓપન 17 જાન્યુઆરીથી મેલબોર્નમાં શરૂ થશે

16 દેશોની આ ટૂર્નામેન્ટમાં ઓસ્ટ્રિયાના સ્થાને ફ્રાન્સનો સમાવેશ કરવામાં આવ્યો છે ,દુસાન લાજોવિચ સર્બિયા માટે જોકોવિચ (Novak Djokovic )નું સ્થાન લેશે. વિશ્વના ત્રીજા નંબરના એલેક્ઝાન્ડર ઝ્વેરેવ અને ચોથા નંબરના ખેલાડી સ્ટેફાનોસ સિત્સિપાસ 2022ની પ્રથમ ગ્રાન્ડ સ્લેમ ટેનિસ ટુર્નામેન્ટ ઓસ્ટ્રેલિયન ઓપન પહેલા બુધવારે ઓસ્ટ્રેલિયાના સિડની પહોંચ્યા હતા. આ બંને ખેલાડીઓએ 2021 ઓસ્ટ્રેલિયન ઓપન (Australian Open)ની સેમિફાઇનલમાં જગ્યા બનાવી હતી.

ઓસ્ટ્રેલિયન ઓપન 17 જાન્યુઆરીથી મેલબોર્નમાં શરૂ થશે અને ખેલાડીઓ આગામી સપ્તાહમાં યોજાનારી પ્રેક્ટિસ ટુર્નામેન્ટ માટે દેશમાં આવવા લાગ્યા છે. એક નિવેદનમાં ટેનિસ ઓસ્ટ્રેલિયાએ કહ્યું કે એટીપી કપમાં સર્બિયાની ટીમનું નેતૃત્વ વિશ્વના 33 નંબરના ખેલાડી ડુસાન લાજોવિક કરશે.

જોકોવિચ ઓસ્ટ્રેલિયન ઓપન રમવા માંગે છે: પિતા

આ મહિનાની શરૂઆતમાં, જોકોવિચના પિતાએ સંકેત આપ્યો હતો કે, વિશ્વના નંબર-1 ટેનિસ ખેલાડીને હજી સુધી કોરોનાની રસી લીધી નથી. નોવાકના પિતાએ સર્બિયામાં એક ટીવી ચેનલ સાથેની વાતચીતમાં કહ્યું કે, ઓસ્ટ્રેલિયન ઓપનના આયોજકોએ નક્કી કરવાનું છે કે તેઓ નોવાકને એન્ટ્રી આપશે કે નહીં.તે (જોકોવિચ) 9 વખત ઓસ્ટ્રેલિયન ઓપન જીતી ચૂક્યો છે, તે હવે રમવા માંગે છે,

એટીપી કપ સિડનીમાં રમાશે

2022માં ઓસ્ટ્રેલિયાના સિડનીમાં 16 દેશો વચ્ચે એટીપી કપ યોજાનાર છે. અત્યાર સુધીમાં ઘણા દેશોના ખેલાડીઓએ આ ટૂર્નામેન્ટમાંથી પોતાના નામ પાછા ખેંચી લીધા છે. આ ટૂર્નામેન્ટમાં ઓસ્ટ્રિયાના ખસી જવાને કારણે ફ્રાંસને ઉતાવળમાં તેમાં સામેલ કરવામાં આવ્યું હતું. દરમિયાન, રશિયા અને યુએસના ઘણા ખેલાડીઓ પહેલેથી જ ટૂર્નામેન્ટમાંથી ખસી ગયા છે. આ જ કારણ છે કે આવતા વર્ષે યોજાનારી આ મેગા ઈવેન્ટના સફળ આયોજનને લઈને આયોજકો ચિંતિત છે.

આ પણ વાંચો : 50 રૂપિયામાં દારૂ આપીશું,ના BJP નેતાના નિવેદન પર વિપક્ષ ગુસ્સે, કહ્યું- વોટ માટે ભાજપ આટલી હદે ઝૂકી

Follow us on

Related Stories

Most Read Stories

Click on your DTH Provider to Add TV9 Gujarati