FIFA એ AIFF ને કેમ સસ્પેન્ડ કર્યું ? જાણો આ 5 કારણોથી આખો મામલો

FIFA : ભારતીય ફુટબોલ ખેલાડી અને ચાહકો માટે આ સારા સમાચાર નથી. ફૂટબોલની સર્વોચ્ચ સંસ્થા FIFAએ ઓલ ઈન્ડિયા ફુટબોલ ફેડરેશનને સસ્પેન્ડ કરી નાંખ્યું છે.AIFF (All India Football Federation)ને સસ્પેન્ડ કરવાનો નિર્ણય FIFA અચાનક લીધો નથી પરંતુ આની પાછળ એક લાંબી પ્રકિયા છે. તે ઘટનાક્રમ છે જે ભારતીય ફુટબોલમાં જોવા મળી રહ્યું હતુ અને જે FIFAના નિયમો વિરુદ્ધ છે. ચાલો એક નજર કરીએ એ ઘટનાઓ પર જે અંતે FIFAએ AIFFને કેમ સસ્પેન્ડ કરી નાંખ્યું છે.

1. FIFA એ સર્વોચ્ચ અદાલત દ્વારા રચવામાં આવેલ થર્ડ પાર્ટી એટલે કે પ્રશાસકોની સમિતિના હસ્તક્ષેપને કારણે ઓલ ઈન્ડિયા ફૂટબોલ ફેડરેશનને સસ્પેન્ડ કરવાનો નિર્ણય લીધો હતો.
2. ફીફાએ કહ્યું કે ભારતીય ફૂટબોલ સંઘમાં પ્રશાસકોની સમિતિની દખલગીરી તેના નિયમોનું ઉલ્લંઘન છે, જેના કારણે તેણે સસ્પેન્શનનું પગલું ભરવું પડ્યું. AIFFને આ અંગે પહેલાથી જ ચેતવણી આપવામાં આવી હતી.
3. AIFF દ્વારા પોતાની એક્ઝિક્યુટિવ કમિટીની રચના ન કરવાને કારણે FIFAએ પણ તેને સ્થગિત કરવાનો નિર્ણય લીધો હતો. ફૂટબોલની હાઈકમાન્ડ સંસ્થા ઈચ્છે છે કે, ફૂટબોલ એસોસિએશન ઑફ ઈન્ડિયાની પોતાની એક સમિતિ હોવી જોઈએ જે તેની રોજબરોજની પ્રવૃત્તિઓનું ધ્યાન રાખે.
4. FIFA દ્વારા AIFFના સસ્પેન્શનને તેના ભૂતપૂર્વ પ્રમુખ પ્રફુલ પટેલ સાથે પણ જોડવામાં આવી રહ્યું છે. એવું કહેવામાં આવી રહ્યું છે કે, તેણે FIFAને AIFFને સસ્પેન્ડ કરવા માટે ઉશ્કેર્યો છે. તમને જણાવી દઈએ કે પ્રફુલ પટેલ વર્ષ 2009માં પહેલીવાર AIFFના પ્રમુખ બન્યા હતા. તેઓ વર્ષ 2022 સુધી આ પદ પર રહ્યા, ત્યારબાદ સુપ્રીમ કોર્ટે તેમને પદ પરથી હટાવી દીધા. કોઈ પણ વ્યક્તિ 3 વખતથી વધુ સમય સુધી અધ્યક્ષ રહી શકે નહીં.
Web Stories View more



લગ્નન પત્રિકા પર ભગવાનનો ફોટો છાપવો જોઈએ કે નહીં? પ્રેમાનંદ મહારાજે જણાવ્યું



ડાયાબિટીસમાં ખાઈ શકો છો આ 8 મીઠી વસ્તુ, જુઓ લિસ્ટ



કથાકાર જયા કિશોરીને રસોઈ બનાવતા આવડે છે? જાતે આપ્યો જવાબ



700 કારીગરોએ બનાવ્યો હિરામંડીનો સૌથી મોટો સેટ , જુઓ ફોટો



ઉનાળામાં વધી રહ્યો છે ચિકનપોક્સનો ખતરો, જાણો બચવાના ઉપાય



ગરમીમાં વારંવાર થઈ જતા Loose Motionથી બચવા શું કરશો? જાણો અહીં.

5. AIFFને સસ્પેન્ડ કરવાનો નિર્ણય FIFAના તમામ અધિકારીઓએ પરસ્પર સંમતિથી અને ફૂટબોલના હિતને ધ્યાનમાં રાખીને લીધો છે.

ભારતીય ફૂટબોલ એસોસિએશનના સસ્પેન્શનને કારણે અહીં યોજાઈ રહેલી ફૂટબોલ ઈવેન્ટ્સ પર પણ અસર પડી છે. AIFFના સસ્પેન્શને ભારતમાં યોજાનારા અંડર-17 મહિલા વર્લ્ડ કપને પણ મુલતવી રાખ્યો છે. આ ટુર્નામેન્ટ ઓક્ટોબરમાં યોજાવાની હતી. આ સિવાય તેની અસર ભારતની ફૂટબોલ લીગ ISL અને અન્ય મોટી ટુર્નામેન્ટમાં ભારતીય ટીમની ભાગીદારી પર પણ જોવા મળી શકે છે.