IPL Auction 2021: કરોડો રૂપિયાની બોલી લાગે છે, જાણો કેટલો ટેક્સ કાપવામાં આવે છે?
IPL 2021ની સિઝન માટે ખેલાડીઓની હરાજી કરવામાં આવી રહી છે. એક-એક ખેલાડી પર કરોડો રૂપિયાની બોલી લગાવવામાં આવી રહી છે
IPL 2021ની સિઝન માટે ખેલાડીઓની હરાજી કરવામાં આવી રહી છે. એક-એક ખેલાડી પર કરોડો રૂપિયાની બોલી લગાવવામાં આવી રહી છે, ચેન્નાઈમાં દુનિયાભરના 298 ક્રિકેટર્સ પર તમામ 8 ફ્રેન્ચાઈઝી બોલી લગાવી રહી છે. અત્યાર સુધી ઘણા ખેલાડીઓને 5 કરોડથી વધારેની રકમ પર ખરીદવામાં આવ્યા છે તો ઘણા ખેલાડી હજુ સુધી અનસોલ્ડ રહ્યા છે.
જો હરાજીની વાત કરીએ તો ઈંગ્લેન્ડના ઓલરાઉન્ડર મોઈન અલીને ચેન્નાઈ સુપર કિંગ્સે 7 કરોડ રૂપિયામાં ખરીદ્યો છે. ત્યારે રિચર્ડસનને 14 કરોડ રૂપિયામાં પંજાબે અને ક્રિસ મોરિસને 16.25 કરોડમાં રાજસ્થાન રોયલ્સે ખરીદ્યો છે. ત્યારે કેદાર જાધવ, હરભજનસિંહ જેવા ખેલાડીઓ પર કોઈને બોલી લગાવી નથી પણ શું તમે જાણો છે કે ક્રિકેટર્સ પર ભલે કરોડો રૂપિયાની બોલી લગાવવામાં આવી હોય પણ તેમને બોલી લગાવ્યા હોય એટલા પૈસા મળતા નથી. તેમને પણ અન્ય લોકોની જેમ ટેક્સ આપવો પડે છે. એટલે કે ઓક્શન પછી મળનારા પૈસામાં TDS કાપવામાં આવે છે.
ભારતીય ખેલાડીઓને કેટલો ટેક્સ?
તમને જણાવી દઈએ કે ઓક્શન થાય છે તો ભારતીય ખેલાડીઓને ઓક્શન તરીકે જેટલા પણ રૂપિયા મળે છે, તેમાં TDSનો ચાર્જ પણ કપાય છે. ભારતીય ખેલાડીઓને જેટલું પણ પેમેન્ટ મળે છે, તેનું 10 ટકા TDS કપાય છે. ત્યારબાદ તેમને ITR ફાઈલ કરવાનું હોય છે અને તેમાં ઈન્કમ અને ખર્ચાનો હિસાબ હોય છે, તે પછીની કમાણી પર ટેક્સ આપવો પડે છે. નેટ ઈન્કમ પછી પણ તેમાં ટેક્સ આપવો પડી શકે છે. TDSની ગણતરી માત્ર ઓક્શન મનીના આધાર પર હોય છે.
નિષ્ણાંતના જણાવ્યા મુજબ ટેક્સ કાપ્યા બાદ કેટલા પૈસા મળે છે તે કહેવું થોડુ મુશ્કેલ છે. ઓક્શન એક બેઝ પ્રાઈઝ હોય છે, ત્યારબાદ કંપનીઓના ખેલાડીઓને અલગ-અલગ કોન્ટ્રાક્ટ હોય છે. તે કોન્ટ્રાક્ટના આધાર પર તેમને પૈસા મળે છે અને ત્યારબાદ તેમની આવક અને ખર્ચાને લઈ ટેક્સની ગણતરી કરવામાં આવી શકે છે, સામાન્ય રીતે તેમની ઓક્શન પ્રાઈઝથી 10 ટકા TDS કાપવામાં આવે છે.
વિદેશી ખેલાડીઓને કેટલો ટેક્સ?
ત્યારે વિદેશ ખેલાડીઓને ભારતમાં મળનારી આવકનો 20 ટકા TDS આપવાનો હોય છે, ત્યારે વિદેશી ખેલાડીઓને TDS સિવાય અન્ય કોઈપણ ટેક્સ આપવાનો હોતો નથી. જો તેમને ભારતમાં કોઈ વધુ કમાણી નથી કરી તો તેમને કોઈ પ્રકારનો ટેક્સ ચૂકવવાનો રહેતો નથી. તેમને ભારતમાં કરેલી કમાણી પર જ ટેક્સ આપવાનો હોય છે. તેમને ITR ભરવાની પણ કોઈ જરૂર રહેતી નથી. આ ખેલાડીઓને પૈસા પણ અલગ અલગ રીતે મળે છે.
તેમાં જો કોઈ ખેલાડી પ્લેઈંગ ઈલેવનમાં સામેલ કરવામાં નથી આવતો તો તેમને અલગ રીતે પૈસા મળે છે. આ ખેલાડીઓની સાથે થતાં કોન્ટ્રાક્ટ પર નિર્ભર કરે છે. ત્યારે જો કોઈ ખેલાડી IPL રમવા માટે હાજર નથી હોતો તો તેમની ફી કાપી લેવામાં આવે છે, સીધા શબ્દોમાં કહેવામાં આવે તો ખેલાડીઓની હરાજી પછી પણ તેમને કોન્ટ્રાક્ટના આધાર પર પૈસા મળે છે.
આ પણ વાંચો: IPL Auction 2021: ટેમ્પોચાલકના પુત્રની બોલબાલા, Chetanને રાજસ્થાન રોયલ્સે 1.2 કરોડમાં ખરીદ્યો