IPL 2021: રોહિત શર્માની ઇજાને લઇને આવ્યુ અપડેટ, દિલ્હી સામે ઇજાને લઇ ફિલ્ડીંગથી દુર રહ્યો હતો રોહિત
IPL 2021 ની મંગળવારે રમાયેલી દિલ્હી કેપિટલ્સ અને મુંબઇ ઇન્ડીયન્સ (Mumbai Indians vs Delhi Capitals) વચ્ચેની મેચ ને દિલ્હીએ 6 વિકેટે જીતી લીધી હતી. રોહિત શર્મા (Rohit Sharma) દિલ્હી કેપિટલ્સની બેટીંગ ઇનીંગ દરમ્યાન લાંબો સમય સુધી મેદાનની બહાર રહ્યો હતો.
IPL 2021 ની મંગળવારે રમાયેલી દિલ્હી કેપિટલ્સ અને મુંબઇ ઇન્ડીયન્સ (Mumbai Indians vs Delhi Capitals) વચ્ચેની મેચ ને દિલ્હીએ 6 વિકેટે જીતી લીધી હતી. રોહિત શર્મા (Rohit Sharma) દિલ્હી કેપિટલ્સની બેટીંગ ઇનીંગ દરમ્યાન લાંબો સમય સુધી મેદાનની બહાર રહ્યો હતો. કેપ્ટન રોહિત શર્માની ગેરહાજરી દરમ્યાન કિયરોન પોલાર્ડે (Kieron Pollard) ટીમની આગેવાની સંભાળી હતી. મેચ બાદ રોહિત શર્માનુ બહાર રહેવાનુ કારણ ઇજા દર્શાવવામાં આવ્યુ હતુ. જોકે તેની ઇજાને લઇને અપડેટ આપવામાં આવ્યુ હતુ કે, ચિંતાનુ કોઇ કારણ નથી. પાંચ વખત આઇપીએલ ટાઇટલ વિજેતા મુંબઇ આઇપીએલ ની સિઝન 14 ની ચાર માંથી બીજી વખત મેચ હાર્યુ છે. આમ ટીમ હવે ચાર પોઇન્ટ સાથે ચોથા નંબર પર છે.
રોહિત શર્માં મેચ બાદ ટીમની હારને લઇને કહ્યુ હતુ કે, અમને જે રીતે શરુઆત મળી હતી, મને લાગે છે કે, અમે વચ્ચેની ઓવરો દરમ્યાન સારી બેટીંગ કરી શક્યા હોત જે અમે ના કરી. અમે પાવર પ્લેમાં મળેલી શરુઆતનો ફાયદો ઉઠાવી શક્યા નહી. અમે એકવાર ફરી થી આમ કરવાાં નિષ્ફળ રહ્યા હતા. તેણે દિલ્હીના બોલરોને ક્રેડિટ આપતા કહ્યુ હતુ કે, અમાર પર દબાણ બનાવી રાખ્યુ અને વિકેટ મેળવતા રહ્યા. રોહિત શર્મા એ ઇજાને લઇને જાણકારી આપી હતી કે તેમની ઇજા સામાન્ય છે અને હવે બધુ ઠીક છે. રોહિત શર્મા ઇજાને લઇને લાંબો સમય ફિલ્ડીંગ થી દૂર રહ્યો હતો.
મંગળવારે રમાયેલી મેચમાં ટોસ જીતીને મુંબઇ એ પ્રથમ વાર બેટીંગ કરતા 20 ઓવરમાં 9 વિકેટ ગુમાવીને 137 રન બનાવ્યા હતા. મુંબઇ તરફ થી રોહિત શર્માએ સૌથી વધુ 33 રન ની ઇનીંગ રમી હતી. દિલ્હી તરફ થી અમિત મિશ્રાએ શાનદાર બોલીંગ પ્રદર્શન કરતા 24 રન આપીને 4 વિકેટ ઝડપી હતી. મિશ્રા ઉપરાંત આવેશ ખાને બે અને લલિત યાદવ એ એક વિકેટ મેળવી હતી. પંતની આગેવાનીમાં દિલ્હી ની ટીમ 138 રન 19.1 ઓવરમાં જ કરી લીધા હતા. ઓપનર શિખર ધવને 45 રનની ઇનીંગ રમી હતી. સ્ટીવ સ્મિથ એ પણ 33 રન નુ યોગદાન આપ્યુ હતુ.
Latest News Updates
