IPL 2021: ધોનીને નવા અવતાર જોઇ સૌ ચોંકી ઉઠ્યા, આઇપીએલ પહેલા ધોનીની તસ્વીર થઇ રહી છે વાયરલ
ભારતીય ક્રિકેટ ટીમ (Team India) ના પૂર્વ કેપ્ટન મહેન્દ્રસિંહ ધોની (MS Dhoni) એ પુરી ક્રિકેટ કેરિયરમાં ટીમ ઇન્ડીયાને અનેક મેચ અને ટુર્નામેન્ટ જીતાડી છે. ભારતને બે વખત વિશ્વ ચેમ્પિયન (World Champion) પણ બનાવ્યુ છે.
ભારતીય ક્રિકેટ ટીમ (Team India) ના પૂર્વ કેપ્ટન મહેન્દ્રસિંહ ધોની (MS Dhoni) એ પુરી ક્રિકેટ કેરિયરમાં ટીમ ઇન્ડીયાને અનેક મેચ અને ટુર્નામેન્ટ જીતાડી છે. ભારતને બે વખત વિશ્વ ચેમ્પિયન (World Champion) પણ બનાવ્યુ છે. ફક્ત ભારત જ નહી, પરંતુ ઇન્ડીયન પ્રિમીયર લીગ (IPL) માં ચેન્નાઇ સુપર કિંગ્સ (Chennai Super Kings) ને પણ 3 વખત ટાઇટલ જીતાડ્યુ છે. ધોનીએ સતત 11 સિઝન સુધી ચેન્નાઇ માટે કેપ્ટનશીપ કરી છે. ધોનીની કેપ્ટનશીપ અને બેટીંગ ના અંગે સૌ કોઇ જાણે છે. સાથે જ સૌ કોઇ એ પણ જાણે છે કે, પોતાની પુરી કેરિયરમાં ધોનીએ તેના નિર્ણયો થી સૌ કોઇને આશ્વર્યમાં મુક્યા છે. ભલે ને તે નિર્ણય મેદાન બહારના હોય કે પછી મેદાનમાં કે વ્યક્તિગત જીવનમાં હોય. ધોનીના મગજને પકડવુ આસાન નથી રહ્યુ. આ પ્રકારે ધોની એ અલગ અલગ હેયર સ્ટાઇલ થી પણ પ્રશંસકોને ચોંકાવ્યા છે. ધોનીએ ફરી એક વાર આવુ જ કામ કર્યુ છે.
આઇપીએલ 2021 ની તૈયારીઓ માટે ધોની હાલમાં ચેન્નાઇમાં છે. જ્યાં ટીમ ચેન્નાઇ સુપર કિંગ્સ નો ટ્રેનિંગ કેમ્પ ચાલી રહ્યો છે. ધોની પણ અન્ય ખેલાડીઓની માફક જ નેટ પર ખૂબ સમય વિતાવી રહ્યો છે. આ બધાની વચ્ચે ધોનીએ પોતાના ચિર પરિચીત અંદાજ મુજબ ફરી એકવાર બધાને ચોંકાવી દીધા છે. ધોનીની એક એવી તસ્વીર સામે આવી છે, જેમાં તે બૌદ્ધ ભિક્ષુકોના જેવા કપડા ધારણ કરીને બેઠો છે. પરંતુ તે કપડા મરુણ રંગના બદલે ગ્રે રંગના છે. જોકે ચોંકાવનારી વાત એ નથી, ચોંકાવનારી વાત એ છે કે તેની હેર સ્ટાઇલ. આ તસ્વીરમાં ધોની નુ પુરુ માથુ મુંડાયેલુ જોવા મળી રહ્યુ છે. આ તસ્વીર પણ ઇન્ડીયન પ્રિમીયર લીગના બ્રોડકાસ્ટર સ્ટાર સ્પોર્ટસ એ ટ્વીટ કરી છે.
😮😮😮 – our faces since we saw #MSDhoni's new avatar that could just break the Internet! 🙊What do you think is it about? pic.twitter.com/Mx27w3uqQh
— Star Sports (@StarSportsIndia) March 13, 2021
આપીએલ પ્રમોશન કે વિશ્વકપ જીતના 10 વર્ષનો જશ્ન? જોકે ધોનીએ હજુ એ વાતને સ્પષ્ટતા નથી કરી કે, તેણે પોતાના વાળને હકિકતમાં મુંડાવ્યા છે કે નહીં. આઇપીએલ ના સમયે સિઝનમાં સ્ટાર સ્પોર્ટસ કોઇના કોઇ કેમ્પેઇન સાથે ઉતરતુ હોય છે. આમ આ પણ એક તેનો હિસ્સો હોઇ શકે છે. તેની પાછળ એક અંદાજ એમ પણ લગાવવામાં આવી રહ્યો છે કે, 2011 ના વિશ્વકપને જીત મેળવ્યા ને 10 વર્ષ પુરા થનારા છે. 2 એપ્રિલ 2011 એ વાનખેડે સ્ટેડિયમમાં શ્રીલંકા સામે ફાઇનલમાં ધોનીના છગ્ગા સાથે ભારતે 28 વર્ષ બાદ વિશ્વકપ જીત્યો હતો. તેના બાદ પણ ધોની એ મુંડન કરાવ્યુ હતુ.