IPL-2020: કોણ છે મુંબઈ ઈન્ડિયન્સનો સૌથી મોંઘો ખેલાડી, કેવો છે રેકોર્ડ? જાણો MI સાથે જોડાયેલી દરેક અગત્યની વાત

IPL-2020: કોણ છે મુંબઈ ઈન્ડિયન્સનો સૌથી મોંઘો ખેલાડી, કેવો છે રેકોર્ડ? જાણો MI સાથે જોડાયેલી દરેક અગત્યની વાત
http://tv9gujarati.com/ipl-2020-kon-che…li-agtya-ni-vaat/

ઈન્ડિયન પ્રીમિયર લીગ IPLની નવી સીઝન 19 સપ્ટેમ્બરથી શરૂ થવા જઈ રહી છે. 10 નવેમ્બર સુધી ચાલનારી આ ટૂર્નામેન્ટમાં 60 મેચ રમાશે. દર વર્ષની જેમ આ વર્ષે પણ ટૂર્નામેન્ટમાં 8 ટીમ જ એક બીજાની સામે રમતી જોવા મળશે. IPLમાં અત્યાર સુધી 12 સીઝન રમાઈ ચુક્યા છે જેમાંથી મુંબઈ ઈન્ડિયન્સે સૌથી વધારે 4 વાર ખિતાબ પોતાનાં […]

Pinak Shukla

| Edited By: Bipin Prajapati

Jan 16, 2021 | 3:31 PM

ઈન્ડિયન પ્રીમિયર લીગ IPLની નવી સીઝન 19 સપ્ટેમ્બરથી શરૂ થવા જઈ રહી છે. 10 નવેમ્બર સુધી ચાલનારી આ ટૂર્નામેન્ટમાં 60 મેચ રમાશે. દર વર્ષની જેમ આ વર્ષે પણ ટૂર્નામેન્ટમાં 8 ટીમ જ એક બીજાની સામે રમતી જોવા મળશે. IPLમાં અત્યાર સુધી 12 સીઝન રમાઈ ચુક્યા છે જેમાંથી મુંબઈ ઈન્ડિયન્સે સૌથી વધારે 4 વાર ખિતાબ પોતાનાં નામે કર્યો છે.
મુંબઈ આ લીગની સૌથી વધારે સફળ ટીમ છે અને પાછલી સિઝનમાં પણ મુંબઈએ જ જીત હાંસલ કરી હતી એવામાં IPL 2020માં આ ટીમમાંથી એક વાર ફરી સારા પ્રદર્શનની આશા ફેન્સ રાખી રહ્યા છે. ટુર્નામેન્ટ શરૂ થતા પહેલા દરે ફેન્સ પોતાની પસંદગી ટીમ વિશે વાંચવા અને સમજવા માગતા હોય છે તેવામાં IPLમાં મુંબઈ ઈન્ડિયન્સમાં અત્યાર સુધીમાં પ્રદર્શન, હાલની ટીમ ને કોણ છે અગત્યનાં ખેલાડી વિગેરે બધી જ વિગતો તમને અમે આપીશું.
Mumbai Indians Indian Premier League, IPL 2020: कौन है मुंबई इंडियंस का सबसे महंगा खिलाड़ी, कैसा है रिकॉर्ड? जानिए- MI से जुड़ी हर जरूरी बात

IPLમાં મુંબઈ ઈન્ડિયન્સનો રેકોર્ડ

મુંબઈ ઈન્ડિયન્સ 2008માં પહેલી સીઝનથી જ સતત આઈપીએલનો હિસ્સો છે. 2007માં લીગ માટે ફ્રેન્ચાઈઝીની બોલી લાગી હતી ત્યારે સૌથી વધારે બોલી આ ટીમ પર લાગી હતી. પહેલી સીઝનની ટીમની કેપ્ટન્સી સચિન તેંદુલકરનાં ખભા પર હતી. જો કે 2 સીઝનમાં ટીમનું પ્રદર્શન સારૂ નોહતું રહ્યું, જોકે 2010 પછી ટીમનાં પ્રદર્શનમાં સુધારો આવવા લાગ્યો અને ટીમ પહેલી વાર ફાઈનલમાં પહોચી હતી પરંતુ ચેન્નાઈનાં હાથે તેની હાર થઈ હતી.

Mumbai Indians Indian Premier League, IPL 2020: कौन है मुंबई इंडियंस का सबसे महंगा खिलाड़ी, कैसा है रिकॉर्ड? जानिए- MI से जुड़ी हर जरूरी बात

તે પછી ટીમનું પ્રદર્શન ઘણું સારૂ થતું ગયું અને અત્યાર સુધી આ ટીમ 4 વાર ચેમ્પિયન પણ બની જે લીગમાં કોઈ પણ ટીમનાં મુકાબલામાં સૌથી વધારે છે. ટીમે 2013માં પહેલી વાર આ ખિતાબ જીત્યો હતો, ત્યારબાદ 2015,2017 અને 2019માં પણ મુંબઈ ઈન્ડિયન્સ ચેમ્પિયન બની હતી. આ ટીમે અત્યાર સુદીમાં સૌથી વધારે 107 મેચ જીતી. મુંબઈ જ પહેલી ટીમ હતી જેણે 100 જીતનો આંકડો પાર કર્યો હતો.

ટીમનાં કેપ્ટન રોહિત શર્મા

હાલનાં સમયમાં લિમીટેડ ઓવરનાં ફોર્મેટમાં સૌથી શ્રેષ્ઠ બેટ્સમેનમાંથી એક રોહિત શર્મા મુંબઈ ઈન્ડિયન્સનાં કેપ્ટન છે. રોહિતને 2013માં ચાલુ સીઝનમાંજ વચ્ચેથી જ રીકી પોન્ટીંગની જગ્યા એ કેપ્ટન બનાવવામાં આવ્યો હતો અને સાથે જ ટીમની કિસ્મત પણ બદલાઈ ગઈ. રોહિતની આગેવાનીમાં પહેલો ખિતાબ મેળવ્યો હતો અને તેની જ કેપ્ટન્સીમાં 4 ખિતાબ મેળવવાનું પણ બહુમાન મેળવ્યું હતું. રોહિતનાં નામે લીગમાં 188 મેચમાં 4,818 રન છે અને IPL ઈતિહાસમાં સૌથી વધારે રન બનાવવામાં પણ તેમનો નંબર ત્રીજો છે. રોહિતે પાછલી બે ત્રણ સિઝનમાં તેમના સ્તર પ્રમાણેનું પરફોર્મ નતી કરી શક્યા જો કે નવી સિઝનમાં ફરી એકવાર તેમના પર સૌ કોઈની નજર રહેશે.

મુંબઈ ઈન્ડિયન્સનાં સૌથી મોંઘા ખેલાડી

મુંબઈ ઈન્ડિયન્સ એ ટીમમાંથી છે કે જેનાં ઘણા ખેલાડીઓનાં વેતનનું સ્તર મોટું છે. કેપ્ટન રોહિત શર્મા ટીમનાં સૌથી મોંઘા ખેલાડી છે કે જેમને દરેક સિઝનમાં 15 કરોડ રૂપિયા મળે છે, તેના પછી ઓલરાઉન્ડર પંડ્યા ભાઈઓનો આવે છે. હાર્દિક અને કૃણાલ પંડ્યા કે જેમને 11 કરોડ અને 8.8 કરોડ રૂપિયા મળે છે.

Mumbai Indians Indian Premier League, IPL 2020: कौन है मुंबई इंडियंस का सबसे महंगा खिलाड़ी, कैसा है रिकॉर्ड? जानिए- MI से जुड़ी हर जरूरी बात

IPL 2020માં આના પર રહેશે નજર

મુંબઈ પાસે એવા ખેલાડી છે કે જે અલગ અલગ સ્થિતિમાં ટીમને મુશ્કેલીમાંથી બહાર કાઢે છે જો કે આ ત્રણ સ્ટાર ખેલાડી પર વધારો દારોમદાર રહેશે.

  • રોહિત શર્મા: બેટ્સમેનથી લઈને કેપ્ટન્સી સુધી રોહિત ટીમને જોડી રાખવામાં અહં ભૂમિકા ભજવે છે, જરૂરીયાત પ્રમાણે તે બેટીંગ ઓર્ડરમાં ફેરફાર કરતા રહે છે અને મેદાનમાંપણ તે શાંત રહે છે.
  • હાર્દિક પંડ્યા: મુંબઈમાં હાર્દિક પંડ્યા સતત જળવાયેલો રહ્યો છે. તેનું કારણ એ પણ છે કે તેની સાતત્યતા અને ઓલરાઉન્ડર હાર્દિક અગત્યની સ્થિતિમાં બેટ અને બોલ બંનેથી કમાલ કરી નાખે છે જેથી ટીમ મુશ્કેલીમાંથી બહાર આવી જાય છે.
  • જસપ્રીત બુમરાહ: હાલનાં સમયમાં દુનિયાનાં ટોચનાં બોલરો પૈકી બુમરાહ પર આ સિઝનમાં વધારે જવાબદારી રહેશે કેમકે અનુભવી બોલર લસિથ મલિંગા આ વખતે IPLમાં સામેલ નથી. બુમરાહે પાછલી કેટલીક સિઝનમાં પોતાનો કમાલ દેખાડ્યો છે અને આ સિઝનમાં પણ લોકો અપેક્ષા રાખી રહ્યા છે

 

મુંબઈ ઈન્ડિયન્સની પૂરી ટીમ

રોહિત શર્મા (કેપ્ટન) , હાર્દિક પંડ્યા, કૃણાલ પંડ્યા, કીરન પોલાર્ડ, જસપ્રીત બુમરાહ, ક્રિસ લિન, કે.ડી.કોક (વિકેટકીપર), સૂર્યકુમાર યાદવ, જેમ્સ પૈટિંસન, રાહુલ ચાહર, મિચેલ મૈક્લાનધન, ટ્રેટ બોલ્ટ, ધવલ કુલકર્ણી, જયંત યાદવ, સૌરભ તિવારી, ઈશાન કિશન,નાથલ નાઈન, અનુકૂલ રોય, આદિત્ય તરે, દિગ્વિજય દેશમુખ, પ્રિંસ બલવંતરાયસિંહ, શેરફેન રદરફોર્ડ અને અનમોલપ્રીત સિંહ

Facebook પર તમામ મહત્વના સમાચાર વાંચવા માટે TV9 Gujarati ના આ પેજને Like કરો

 


તમારા Telegram પર TV9 Gujarati ના સમાચાર વાંચવા માટે તુરંત આ પેજને Like કરો

 

 

રોચક VIDEO જોવા માટે TV9Gujaratiના YOUTUBE પેજને SUBSCRIBE કરો


Follow us on

Most Read Stories

Click on your DTH Provider to Add TV9 Gujarati