INDvsENG: ઋષભ પંતની બેટીંગનો અંદાજ જોઇ દિવાના થયેલા ઇંઝમામને પંતમાં વિરેન્દ્ર સહેવાગનો અવતાર દેખાયો
પાકિસ્તાનના પૂર્વ કેપ્ટન અને બેટ્સમેન ઇંઝમામ ઉલ હક (Inzamam-ul-Haq) પણ ઋષભ પંત (Rishabh Pant) ની બેટીંગના આશિક બની ચુક્યા છે. અમદાવાદ (Ahmedabad Test) માં રમાયેલી ચોથી ટેસ્ટ મેચમાં પંત એ 101 રનની ઇનીંગ રમી હતી.
પાકિસ્તાનના પૂર્વ કેપ્ટન અને બેટ્સમેન ઇંઝમામ ઉલ હક (Inzamam-ul-Haq) પણ ઋષભ પંત (Rishabh Pant) ની બેટીંગના આશિક બની ચુક્યા છે. અમદાવાદ (Ahmedabad Test) માં રમાયેલી ચોથી ટેસ્ટ મેચમાં પંત એ 101 રનની ઇનીંગ રમી હતી. પંતની રમતના વખાણ કરતા ઇંઝમામ એ કહ્યુ હતુ કે, તેને રમતો જોઇને એમ લાગે છે કે, જેમ કે વિરન્દ્ર સહેવાગ (Virender Sehwag) લેફ્ટ હેન્ડ બેટીંગ કરી રહ્યો છે. ઇંઝમામ એ કહ્યુ કે, પંત પર પણ સહેવાગની માફક દબાણની તેની પર કોઇ અસર રહેતી નથી.
ઇંઝમામ એ પોતાની યુટ્યુબ ચેનલ પર અપલોડ કરેલા એક વિડીયોમાં કહ્યુ હતુ કે, ઋષભ પંત એક દમ શાનદાર ખૂબ સમય બાદ મે આવો ખેલાડી જોયો છે. જેની પર દબાણની કોઇ જ અસર સર્જાતી નથી. એટલે સુધી કે 146 રન પર 6 વિકેટ ટીમે ગુમાવી દીધી હોય તો પણ, તે એ રીતે પોતાની રમતની શરુઆત કરે છે તેવુ બીજુ કોઇ નથી કરતુ. તે સ્પિનરો અને ઝડપી બોલરો સામે એક સમાન રીતે શ્રેષ્ઠ છે. મને તેને જોવામાં આનંદ આવે છે. તે સહેવાગ જમણાં હાથે બેટીંગ કરતો હોય એમ દેખાય છે.
જ્યારે ઇંઝમામ પાકિસ્તાનની ટીમના કેપ્ટન હતા ત્યારે સહેવાગ પોતાની ચરમ સીમા પર હતો. ભારતે 2004માં પાકિસ્તાન પ્રવાસ કર્યો હતો. વિરેન્દ્ર સહેવાગે મુલતાનમાં 309 રનની ઇનીંગ રમી હતી. ઇંઝમામ એ પંત અને સહેવાગની બેટીંગમાં સમાનતા હોવાનુ બતાવતા કહ્યુ હતુ કે, પરિસ્થીતીઓ તેમના માટે કોઇ ફેક્ટર નથી હોતુ. હું સહેવાગ સામે રમ્યો છુ. તેને પણ બેટીંગ કરતા અન્ય ચિજો થી કોઇ જ ફર્ક નથી પડતો. પિત કેવુ રમી રહી છે અને સામે બોલીંગ આક્રમણ કેવુ છે, તેના થી સહેવાગ બેફિકર રહેતો હતો. તે ફક્ત પોતાના શોટ રમતો હતો. ફિલ્ડરો મોટેભાગે બાઉન્ડ્રી પર હોય અને સહેવાગને લાગે કે, તે મેદાનની બહાર મારી શકે છે તો તે જરુર એમ જ કરવાની કોશિષ કરતો હતો. સહેવાગ બાદ મે આવો ખેલાડી જોયો છે. તેના માટે કોઇ જ ફેક્ટર નથી રહેતુ.
Latest News Updates
