INDvsAUS: ટી નટરાજને ટેસ્ટ ડેબ્યુ કરવા સાથે જ રચ્યો ઇતિહાસ, આમ કરનારો પ્રથમ ભારતીય ખેલાડી
ઓસ્ટ્રેલીયા સામે ટેસ્ટ સીરીઝમાં ખેલાડીઓની ઇજાની સમસ્યા ભોગવી રહેલી ભારતીય ટીમે અંતિમ મેચમાં ચાર બદલાવ કર્યા છે. મયંક અગ્રવાલ અને શાર્દુલ ઠાકુરની વાપસી કરાઇ છે. જ્યારે ટી નટરાજન અને વોશિંગ્ટન સુંદરને ડેબ્યુ કરવાની તક મળી છે.
ભારતીય ક્રિકેટ ટીમમાં બે ખેલાડીઓને ઓસ્ટ્રેલીયા સામે બ્રિસબેન ટેસ્ટ (Brisbane Test) માં ડેબ્યુ કરવાનો મોકો મળ્યો છે. વોશિંગ્ટન સુંદર (Washington Sundar) અને ટી નટરાજન (T Natarajan) પ્રવાસમાં ટેસ્ટ ડેબ્યુ કરનારા ભારતીટ ખેલાડી બન્યા છે. જેમાં ઝડપી બોલર ટી નટરાજન માટે આ ડેબ્યુ ઐતિહાસીક રહ્યુ છે. બોર્ડર ગાવાસ્કર ટ્રોફી (Border Gavaskar Trophy) ની અંતિમ ટેસ્ટ મેચ બ્રિસબેનના ગાબા સ્ટેડીયમ (Gabba Stadium) પર રમાઇ રહી છે.
ઓસ્ટ્રેલીયા સામે ટેસ્ટ સીરીઝમાં ખેલાડીઓની ઇજાની સમસ્યા ભોગવી રહેલી ભારતીય ટીમે અંતિમ મેચમાં ચાર બદલાવ કર્યા છે. ઇજાને લઇને અશ્વિન, રવિન્દ્ર જાડેજા, હનુમા વિહારી અને જસપ્રિત બુમરાહ ટીમમાં સામેલ કરવામાં આવ્યા નથી. મયંક અગ્રવાલ અને શાર્દુલ ઠાકુરની વાપસી કરાઇ છે. જ્યારે ટી નટરાજન અને વોશિંગ્ટન સુંદરને ડેબ્યુ કરવાની તક મળી છે.
The stuff dreams are made of. A perfect treble for @Natarajan_91 as he is presented with #TeamIndia's Test 🧢 No. 300. It can't get any better! Natu is now an all-format player. #AUSvIND pic.twitter.com/cLYVBMGfFM
— BCCI (@BCCI) January 14, 2021
ઓસ્ટ્રેલીયા પ્રવાસ દરમ્યાન ભારતીય ઝડપી બોલર ટી નટરાજનને ત્રણેય ફોર્મેટમાં ભારત તરફથી ડેબ્યુ કરવાનો મોકો મળ્યો છે. તે ત્રણેયમાંથી એક પણ ફોર્મેટ માટે પસંદ કરવામાં આવ્યો નહોતો. અન્ય ખેલાડીઓને ઇજા થવાને લઇને તેને મોકો મળ્યો છે. નટરાજન એક જ પ્રવાસમાં ત્રણેય ફોર્મેટમાં ડેબ્યુ કરનારો પ્રથમ ભારતીય ખેલાડી બન્યો છે. આ પહેલા કોઇમ પણ ભારતીય ખેલાડીને આવો મોકો મળ્યો નથી. આર અશ્વિનને ઇજા પહોંચવાને લઇને ઓલરાઉન્ડર વોશિંગ્ટન સુંદરને ટેસ્ટ ડેબ્યુ કરવાનો મોકો મળ્યો છે. અશ્વિને તેને ટેસ્ટ કેપ આપી હતી. જ્યારે નટરાજનને તેની ટેસ્ટ કેપ બોલીંગ કોચ ભરત અરુણના હાથે મળી હતી. ભારત તરફથી ટેસ્ટ રમવા વાળા નટરાજન 300 અને સુંદર 301 માં ખેલાડી બન્યા છે.
Let's hear it for @Sundarwashi5, who gets his #TeamIndia 🧢 from @ashwinravi99. He stayed back after the white-ball format to assist the team and is now the proud holder of cap number 301. 💪🙌 pic.twitter.com/DY1AwPV0HP
— BCCI (@BCCI) January 14, 2021
આ પણ વાંચો: મહેસાણા: દૂધસાગર ડેરીના ચેરમેન અને વાઈસ ચેરમેનની થશે નિમણુંક, અશોક ચૌધરી બનશે ચેરમેન