INDvsAUS: મેલબોર્ન ટેસ્ટથી રવિન્દ્ર જાડેજા કરી શકે છે વાપસી, BCCIએ શેર કર્યો વીડિયો
ઓસ્ટ્રેલિયાની સામે એડિલેડ ટેસ્ટમાં ભારતીય ટીમે શરમજનક હારને સહન કરી છે. જો કે હવે ભારતીય ટીમ સીરીઝમાં વાપસી કરવા માટે બદલાની તૈયારીઓ કરી રહી છે.
ઓસ્ટ્રેલિયાની સામે એડિલેડ ટેસ્ટમાં ભારતીય ટીમે શરમજનક હારને સહન કરી છે. જો કે હવે ભારતીય ટીમ સીરીઝમાં વાપસી કરવા માટે બદલાની તૈયારીઓ કરી રહી છે. કયાસ લગાવવામાં આવી રહ્યો છે કે ટી20 સીરીઝની પ્રથમ મેચમાં કન્કશનનો શિકાર થયેલ ઓલરાઉન્ડર જાડેજા પરત ફરી શકે છે. રવિન્દ્ર જાડેજા (Ravindra Jadeja) આગામી મેચનો ભાગ બની શકે છે. મેચ પહેલા જ હવે બીસીસીઆઈએ (BCCI) આ માટેનો સંકેત પણ આપી દીધો છે.
બીસીસીઆઈએ ટ્વીટર પર નેટ સેશનનો એક વીડિયો શેર કર્યો છે. જે વીડિયોમાં રવિન્દ્ર જાડેજા બોલીંગ અને બાદમાં બેટીંગ કરતા નજરે પડી રહ્યો છે. બીસીસીઆઈ એ આ વીડિયોના કેપ્શનમાં લખ્યુ છે કે, જુઓ કોણ નેટ પર પરત ફર્યુ છે. રવિન્દ્ર જાડેજા બોક્સિંગ ડે ટેસ્ટ માટે તૈયારીઓ શરુ કરી દીધી છે. વીડિયોમાં જાડેજાએ બેટીંગ અને બોલીંગ કરતા ખૂબ જ સહજ જોવા મળી રહ્યો છે. ટી20 સીરીઝના પહેલા મુકાબલામાં જ બેટીંગ કરતા મિશેલ સ્ટાર્કનો બોલ માથા પર વાગ્યો હતો. જે ઈજાને લઈને જાડેજા મેદાનની બહાર થયો હતો.
BCCI’s Tweet
See, who is back in the nets. @imjadeja is here and has started preparing for the Boxing Day Test. #TeamIndia #AUSvIND pic.twitter.com/skKTgBOuyz
— BCCI (@BCCI) December 23, 2020
જાડેજાના ટીમમાં આવવાને લઈને એ વાત ચોક્કસ નથી કે તેની કોના સ્થાન પર આવશે. ઓસ્ટ્રેલિયાના પાછલા પ્રવાસ દરમ્યાન જાડેજાએ મેલબોર્ન ટેસ્ટમાં શાનદાર બોલીંગ કરી હતી. બેટથી ભલે તેણે તે વખતે નવ રન બનાવ્યા હતા. પરંતુ પાંચ મહત્વની વિકેટ ઝડપી હતી. જાડેજાના ટીમમાં આવવાથી ફાયદો એ રહેશે કે અશ્વિન પહેલાથી ફોર્મમાં છે. હવે બંનેની જોડી વિરોધીઓ સામે ફરી એક વાર ખતરનાક સાબિત થઈ શકે છે. સાથે જ તે વન ડે અને ટી20માં પણ સારી બેટીંગ કરી ચુક્યો છે.
Latest News Updates
