Breaking news સાઉથ આફ્રિકાની ટીમ 55 રનમાં ઓલઆઉટ થઈ, સિરાજને 6 વિકેટ મળી

ટીમ ઈન્ડિયાએ કેપટાઉન ટેસ્ટની પ્રથમ ઈનિંગમાં  સાઉથ આફ્રિકાને માત્ર 55 રનમાં આઉટ કરી દીધું છે. આ ઇનિંગમાં ભારતીય ટીમનો સ્ટાર મોહમ્મદ સિરાજ હતો જેણે માત્ર 15 રન આપીને 6 વિકેટ લીધી હતી.ભારતીય બોલરોએ શાનદાર પ્રદર્શન કર્યું છે.

સાઉથ આફ્રિકાનો પ્રથમ દાવ માત્ર 55 રન પર જ સમેટાઈ ગયો હતો. આફ્રિકાના બેટ્સમેનો એક પણ સેશન ટકી શક્યા ન હતા. ભારત તરફથી સિરાજે 6 વિકેટ ઝડપી હતી. બુમરાહ અને મુકેશ કુમારને 2-2 વિકેટ મળી હતી. લંચ સેશન બાદ ભારતીય ઓપનર ઇનિંગ્સની શરૂઆત કરશે.મોહમ્મદ સિરાજે સાઉથ આફ્રિકા સામેની બીજી ટેસ્ટમાં શાનદાર પ્રદર્શન કર્યું હતું અને માત્ર 9 રન આપીને પાંચ વિકેટ ઝડપી હતી.

સાઉથ આફ્રિકાનો આ સૌથી નાનો સ્કોર

કેપટાઉનની પીચ પર સાઉથ આફ્રિકાએ માત્ર 34 રનમાં તેની 6 વિકેટ ગુમાવી દીધી હતી.જસપ્રીત બુમરાહ અને મુકેશ કુમારને 2-2 વિકેટ મળી હતી. ભારત સામે સાઉથ આફ્રિકાનો આ સૌથી નાનો સ્કોર છે. આ ટેસ્ટમાં ભારત સામે ટીમનો અત્યાર સુધીનો સૌથી ઓછો સ્કોર પણ છે.

બેટ્સમેન ડબલ ફિંગરમાં સ્કોર પણ ન કરી શક્યા

સાઉથ આફ્રિકાની ટીમ રમતના પહેલા સેશનમાં 23.2 ઓવરમાં 55 રનમાં ઓલઆઉટ થઈ હતી. કાઈલ વેરેના 18 રન અને ડેવિડ વેડિંધમ 12 રન આ બંન્ને ખેલાડીઓ સિવાય કોઈ બેટ્સમેન ડબલ ફિંગરમાં સ્કોર કરી શક્યા ન હતા.ટેસ્ટ ક્રિકેટમાં 32 વર્ષ બાદ એવું બન્યું છે કે સાઉથ આફ્રિકાના ચારેય ટોપ ઓર્ડર બેટ્સમેનો ઘરઆંગણે કોઈપણ ટેસ્ટ મેચમાં બે આંકડા સુધી પહોંચી શક્યા નથી.

ભારત સામેની આ મેચ પહેલા સાઉથ આફ્રિકાના ટોપ ઓર્ડરના ચારેય બેટ્સમેન 1932માં મેલબોર્નમાં ઓસ્ટ્રેલિયા સામે બે આંકડા સુધી પહોંચી શક્યા ન હતા.તમને જણાવી દઈએ કે, ટેસ્ટ ક્રિકેટના ઈતિહાસમાં ભારતનો કોઈ પણ ટીમ વિરુદ્ધ સૌથી સારું પ્રદર્શન રહ્યું છે.

આ પણ વાંચો : મોહમ્મદ સિરાજે સાઉથ આફ્રિકા વિરુદ્ધ ટેસ્ટમાં 6 વિકેટ લીધી, પિતાના નિધન સમયે પણ રમી રહ્યો હતો ટીમ માટે

ક્રિકેટ સહિત રમતગમતના દરેક સમાચાર વાંચવા અહીં ક્લિક કરો