IND vs ENG: સૂર્યકુમાર યાદવ અને ઈશાન કિશનનું ડેબ્યુ, બંનેને મળી ટીમ ઈન્ડીયાની T20 કેપ
ભારત અને ઈંગ્લેન્ડ (India vs England ) વચ્ચે અમદાવાદના નરેન્દ્ર મોદી ક્રિકેટ સ્ટેડિયમ (Narendra Modi Stadium)માં શ્રેણીની બીજી T20 મેચ રમાઈ રહી છે.
ભારત અને ઈંગ્લેન્ડ (India vs England ) વચ્ચે અમદાવાદના નરેન્દ્ર મોદી ક્રિકેટ સ્ટેડિયમ (Narendra Modi Stadium)માં શ્રેણીની બીજી T20 મેચ રમાઈ રહી છે. ટીમ ઈન્ડીયા (Team India) તરફથી સૂર્યકુમાર યાદવ (Suryakumar Yadav) અને ઈશાન કિશન (Ishan Kishan)ને ડેબ્યુ કરવાની તક મળી છે. પ્રથમ T20 મેચમાં ઈંગ્લેન્ડ સામે ભારતે 8 વિકેટથી હાર મેળવી હતી. ભારતના બેટ્સમેનો ઈંગ્લીશ બોલરો સામે ટકી શક્યા નહોતા. જેને લઈને ભારતે આસાન સ્કોર ઈંગ્લેન્ડ સામે કર્યો હતો. જ્યારે રોહિત શર્મા (Rohit Sharma)ને હજુ પણ આરામ પર રાખવામાં આવ્યો છે.
સૂર્યકુમાર યાદવ અને ઈશાન કિશાને ગત વર્ષે યુએઈમાં રમાયેલ આઈપીએલમાં શાનદાર પ્રદર્શન કર્યુ હતુ. આઈપીએલની સિઝન દરમ્યાન ઈશાન અને યાદવ બંને સૌથી વધુ રન બનાવનારા ટોપ ટેન ખેલાડીઓમાં હતા. આઈપીએલમાં સૌથી વધુ રન બનાવવાના મામલામાં ઈશાન કિશન પાંચમાં નંબરે હતો. જ્યારે સૂર્યકુમાર યાદવ સાતમાં નંબર પર હતો. ઈશાને 580 રન બનાવ્યા હતા, જ્યારે સૂર્યકુમાર યાદવે 480 રન બનાવ્યા હતા.
ભારતીય ટીમઃ ઈશાન કિશન, કેએલ રાહુલ, વિરાટ કોહલી, શ્રેયસ ઐયર, સૂર્યકુમાર યાદવ, ઋષભ પંત, હાર્દિક પંડ્યા, વોશિંગ્ટન સુંદર, શાર્દુલ ઠાકુર, ભુવનેશ્વર કુમાર અને યુઝવેન્દ્ર ચહલ.
ઈંગ્લેન્ડ ટીમઃ જેસન રોય, જોસ બટલર, ડેવિડ મલાન, જોની બેયરસ્ટો, ઈઓન મોર્ગન, બેન સ્ટોક્સ, સેમ કુરન, જોફ્રા આર્ચર, ટોમ કુરન, ક્રિસ જોર્ડન અને આદિલ રશીદ.