IND vs BAN Women’s World Cup 2022: ભારતે બાંગ્લાદેશ સામેની મોટી મેચ જીતી, સેમિફાઈનલની આશા વધી
બાંગ્લાદેશને હરાવીને ભારતે ટૂર્નામેન્ટમાં અત્યાર સુધી રમાયેલી 6 મેચોમાં ત્રીજી જીત નોંધાવી છે. આ સાથે જ બાંગ્લાદેશને 5 મેચમાં આ ચોથી હાર મળી છે.
ICC Women’s World Cup 2022: ICC મહિલા વર્લ્ડ કપ 2022માં ભારત (India)ની સેમિફાઈનલની આશાઓ વધી છે. તેણે બાંગ્લાદેશ પર વિજય મેળવ્યા બાદ આ શક્ય બન્યું છે. ભારત માટે બાંગ્લાદેશ સામેની મેચ મોટી હતી. આ મેચમાં જીત જરૂરી હતી અને ભારતીય ટીમે તે વિજય ખૂબ જ ગૌરવ સાથે હાંસલ કર્યો હતો. મિતાલી રાજ એન્ડ કંપનીએ બાંગ્લાદેશ (Bangladesh)ને 110 રનથી મોટી હાર આપી હતી. હેમિલ્ટનમાં ભારતની આ બીજી સૌથી મોટી જીત છે.
આ પહેલા તેણે વેસ્ટ ઈન્ડિઝને 135 રનથી હરાવ્યું હતું. ભારત તરફથી મળેલા 230 રનના ટાર્ગેટનો પીછો કરતા બાંગ્લાદેશની ટીમ 119 રનમાં ઓલઆઉટ થઈ ગઈ હતી. આ ટુર્નામેન્ટમાં ટીમનો અત્યાર સુધીનો સૌથી ઓછો સ્કોર છે.
#TeamIndia bowlers have been fantastic tonight. They have bowled out Bangladesh for 119 to register a convincing 110 runs victory. #CWC22 | #INDvBAN
Details▶️ https://t.co/ZOTtBWYhWG pic.twitter.com/OX52iquPQC
— BCCI Women (@BCCIWomen) March 22, 2022
ICC Women’s World Cup India beat Bangladesh by 110 runs
બાંગ્લાદેશને હરાવીને ભારતે ટૂર્નામેન્ટમાં અત્યાર સુધી રમાયેલી 6 મેચોમાં ત્રીજી જીત નોંધાવી છે. આ સાથે જ બાંગ્લાદેશને 5 મેચમાં આ ચોથી હાર મળી છે. ICC મહિલા વિશ્વ કપની પીચ પર આ મેચ દ્વારા બંને ટીમો પ્રથમ વખત આમને-સામને હતી, જેમાં ભારતીય ટીમ બાંગ્લાદેશને હરાવવામાં સફળ રહી હતી. બંને ટીમો અત્યાર સુધીમાં 5 વખત ટક્કરાઈ અને દરેક વખતે ભારત જીત્યું. વર્ષ 2017 પછી આ પ્રથમ વખત હતું, જ્યારે ભારત અને બાંગ્લાદેશ વનડે રમવા માટે આમને-સામને હતા.
ભારતે 50 ઓવરમાં 7 વિકેટે 229 રન બનાવ્યા હતા
ભારતીય સુકાની મિતાલી રાજે બાંગ્લાદેશ સામે કરો યા મરો મેચમાં ટોસ જીતીને પ્રથમ બેટિંગ કરવાનું પસંદ કર્યું. ભારત તરફથી સ્મૃતિ મંધાના અને શેફાલી વર્માએ ઓપનિંગ શરૂ કરી હતી. બંને વચ્ચે અડધી સદીની ભાગીદારી થઈ હતી. જોકે આ પછી ભારતની વિકેટો નિયમિત અંતરે પડતી રહી. મેચમાં 5 બોલના અંતરાલમાં સ્મૃતિ, શેફાલી અને મિતાલીની વિકેટો પડી ગઈ હતી. પરંતુ, યાસ્તિકા ભાટિયાએ આ દરમિયાન સારી બેટિંગ કરી અને શાનદાર અડધી સદી ફટકારી. તેની ફિફ્ટીની મદદથી ભારતીય ટીમ 50 ઓવરમાં 7 વિકેટે 229 રન બનાવી શકી હતી.
આ પણ વાંચો : LPG Gas Cylinder : આમ આદમીને મોંઘવારીનો વધુ એક ફટકો, પેટ્રોલ – ડીઝલ બાદ રાંધણ ગેસ પણ મોંઘો થયો, જાણો નવી કિંમત
Latest News Updates
