WTC Points Table: મોહાલી ટેસ્ટમાં ટીમ ઈન્ડિયાની જીત, તેમ છતાં શ્રીલંકાથી ઘણું પાછળ, જાણો સમગ્ર સ્થિતિ

ભારતે શ્રીલંકા (India vs Sri Lanka) સામેની બે મેચની શ્રેણીની પ્રથમ ટેસ્ટમાં શાનદાર જીત નોંધાવી હતી. ટીમ ઈન્ડિયાએ મોહાલીમાં રમાયેલી આ ટેસ્ટમાં શ્રીલંકાને ઈનિંગ અને 222 રને હરાવ્યું અને શ્રેણીમાં 1-0ની લીડ મેળવી લીધી. ટીમ ઈન્ડિયા માટે આ જીત માત્ર એટલા માટે ખાસ નથી કારણ કે તેને સિરીઝમાં લીડ મળી છે, પરંતુ તે એટલા માટે પણ ખાસ છે કારણ કે આ જીત સાથે ટીમ ઈન્ડિયાને આઈસીસી વર્લ્ડ ટેસ્ટ ચેમ્પિયનશિપ (ICC World Test Championship) માં મહત્વપૂર્ણ પોઈન્ટ્સ મળ્યા છે. જો કે આ જીત બાદ પણ ભારતીય ટીમ પોઈન્ટ ટેબલમાં પોતાનું સ્થાન બદલી શકી નથી અને પાંચમા નંબર પર છે, જ્યારે હાર છતાં શ્રીલંકા ભારતથી ઉપર છે.

ગત સમયે ICC વર્લ્ડ ટેસ્ટ ચેમ્પિયનશિપની ફાઇનલમાં પહોંચેલી ભારતીય ટીમે આ વખતે પણ આ ચેમ્પિયનશિપમાં સારી શરૂઆત કરી હતી. ટીમ ઈન્ડિયાએ ઈંગ્લેન્ડમાં 2 ટેસ્ટ જીતી અને માત્ર એકમાં હારનો સામનો કરવો પડ્યો, જ્યારે ન્યૂઝીલેન્ડ સામેની હોમ સિરીઝ પણ જીતી, પરંતુ દક્ષિણ આફ્રિકામાં અણધારી હારથી ટીમ ઈન્ડિયાને આંચકો લાગ્યો. આવી સ્થિતિમાં, સતત બીજી વખત ચેમ્પિયનશિપની ફાઇનલમાં પહોંચવા માટે ભારત માટે લગભગ દરેક મેચ જીતવી જરૂરી છે અને ટીમ ઇન્ડિયાએ શ્રીલંકાને હરાવીને તેની શરૂઆત કરી હતી.

Web Stories View more

ડાઉન ટુ અર્થ છે અરિજીત સિંહ , જુઓ ફોટો

વિરાટ કોહલીએ ફટકારી અડધી સદી, છતાં આ મામલે કર્યા નિરાશ

જમતા પહેલા, જમતી વખતે કે જમ્યા બાદ જાણો ક્યારે ખાવું જોઈએ સલાડ?

Nita Ambani Tea Cup: 3 લાખના કપમાં ચા પીવે છે 'નીતા અંબાણી', જાણો તે કપ ક્યાં અને શેમાંથી બને છે?

Axis Bank માંથી 8 લાખની પર્સનલ લોન પર EMI કેટલી આવશે?

અમદાવાદમાં ઘર બનાવવા માટે કેટલો ખર્ચ થશે, જાણી લો A ટુ Z ગણિત

આ કારણથી શ્રીલંકાથી પાછળ છે ભારત

મોહાલી ટેસ્ટ જીત્યા બાદ ભારતને 12 પોઈન્ટ મળ્યા છે અને હવે 10 ટેસ્ટ મેચમાં ભારતના 65 પોઈન્ટ છે. તે જ સમયે, આ હાર બાદ શ્રીલંકાના 3 ટેસ્ટમાં માત્ર 24 પોઈન્ટ છે. આમ છતાં પોઈન્ટ ટેબલમાં શ્રીલંકા ત્રીજા અને ભારત પાંચમા ક્રમે છે. શ્રેણી શરૂ થાય તે પહેલા જ ભારત હજુ પાંચમા સ્થાને હતું. તેનું કારણ પોઈન્ટ સિસ્ટમ છે.

નવી ટેસ્ટ ચેમ્પિયનશિપ માટે, ICC એ પોઈન્ટ્સ પર્સેન્ટેજ સિસ્ટમ અપનાવી છે, જે હેઠળ ટકાવારી કુલ મેળવેલ પોઈન્ટ અને રમાયેલી ટેસ્ટ મેચના કુલ પોઈન્ટ વચ્ચેના તફાવતના આધારે નક્કી કરવામાં આવે છે. આ હિસાબે ભારતે અત્યાર સુધી 120 પોઈન્ટ માટે મેચ રમી છે અને તેમાંથી 65 પોઈન્ટ મળ્યા છે, જે મુજબ ભારતના કુલ 54.16 ટકા પોઈન્ટ છે. 36 પોઈન્ટ માટે રમતી વખતે શ્રીલંકાના બે જીત અને એક હાર બાદ 66.6 ટકા પોઈન્ટ છે. ઓસ્ટ્રેલિયા નંબર વન પર 86.66 ટકા સાથે છે.

The latest #WTC23 standings after India’s big win in the first #INDvSL Test 👀 pic.twitter.com/ECmTOqQNvl

— ICC (@ICC) March 6, 2022

ભારતને હજુ 8 ટેસ્ટ મેચ રમવાની છે

ભારતીય ટીમે સતત બીજી વખત વર્લ્ડ ટેસ્ટ ચેમ્પિયનશિપની ફાઇનલમાં પહોંચવા માટે હવે દરેક મેચ જીતવી જરૂરી છે. ભારતે શ્રીલંકા સામે હજુ એક અને ઓસ્ટ્રેલિયા સામે આવતા વર્ષની શરૂઆતમાં 4 ટેસ્ટ મેચ રમવાની છે. આ સાથે જ ઈંગ્લેન્ડ સામે એક અને બાંગ્લાદેશ સામે બે ટેસ્ટ મેચ વિદેશમાં રમવાની છે. જો ટીમ ઈન્ડિયા આ તમામ મેચ જીતી જાય છે તો ફાઈનલમાં તેનું સ્થાન નિશ્ચિત છે.

આ પણ વાંચો : IND vs SL: રવિન્દ્ર જાડેજા પ્લેયર ઓફ ધ મેચ બન્યા બાદ આપી મોટી પ્રતિક્રિયા

આ પણ વાંચો : IND vs SL: અશ્વિને મોહાલીમાં નોંધાવી ઐતિહાસિક સિદ્ધિ, કપિલ દેવને પાછળ છોડીને બનાવ્યો મોટો રેકોર્ડ