Women’s T20 Challenge: BCCIએ મહિલા T20 ચેલેન્જ ટીમની જાહેરાત કરી, આ ખેલાડીઓને બનાવ્યા કેપ્ટન
ભારતીય ક્રિકેટ કંટ્રોલ બોર્ડ (BCCI) એ મહિલા T20 ચેલેન્જની આગામી સિઝન માટે સુપરનોવાસ, ટ્રેલબ્લેઝર્સ અને વેલોસિટીના કેપ્ટન તરીકે હરમનપ્રીત કૌર, સ્મૃતિ મંધાના અને દીપ્તિ શર્માનું નામ આપ્યું છે.
ભારતીય ક્રિકેટ કંટ્રોલ બોર્ડ (BCCI) એ મહિલા T20 ચેલેન્જ (Women’s T20 Challenge) ની આગામી સિઝન માટે સુપરનોવાસ, ટ્રેલબ્લેઝર્સ અને વેલોસિટીની ટીમે મેદાન પર ઉતરશે. તો આ ત્રણેય ટીમની સુકાની ક્રમશ: હરમનપ્રીત કૌર (Harmanpreet Kaur), સ્મૃતિ મંધાના (Smriti Mandhana) અને દીપ્તિ શર્મા (Deepti Sharma) નું નામ જાહેર કરવામાં આવ્યું છે. આ ઉપરાંત ભારતીય ક્રિકેટ બોર્ડ (BCCI) એ સોમવારે પુણેના એમસીએ સ્ટેડિયમમાં 23 મેથી શરૂ થનારી મહિલા T20 ચેલેન્જ માટે પણ 3 ટીમોની જાહેરાત કરી છે. 2022 મહિલા T20 ચેલેન્જની પ્રથમ મેચ ટ્રેલબ્લેઝર્સ અને સુપરનોવાસ વચ્ચે રમાશે.
તમને જણાવી દઇએ કે આ મહિલા ટી20 ચેલેન્જર્સ ટુર્નામેન્ટમાં ભારતની મહિલા ખેલાડીઓ રમશે, પરંતુ અન્ય દેશ જેમ કે દક્ષિણ આફ્રિકા, ઈંગ્લેન્ડ, વેસ્ટ ઈન્ડિઝ અને ઓસ્ટ્રેલિયાની મહિલા ખેલાડીઓ પણ ભાગ લેશે. આ વર્ષે મહિલા T20 ચેલેન્જમાં કુલ 12 આંતરરાષ્ટ્રીય ખેલાડીઓનો સમાવેશ કરવામાં આવ્યો છે. મહત્વનું છે કે આ ટૂર્નામેન્ટની તમામ મેચ પુણેના એમસીએ સ્ટેડિયમમાં રમાશે.
મહિલા T20 ચેલેન્જનો આવો રહેશે કાર્યક્રમ
મહિલા T20 ચેલેન્જ ટુર્નામેન્ટ 23 મી મેથી શરૂ થઈ રહી છે. તો આ ટુર્નામેન્ટની અંતિમ મેચ 28 મેના રોજ રમાશે. આમાં ત્રણેય ટીમો એકબીજા સામે એક-એક મેચ રમશે. જે બાદ ટોચની 2 ટીમો વચ્ચે ફાઇનલ મેચ રમાશે. મહત્વનું છે કે આ દરમિયાન ઇન્ડિયન પ્રીમિયર લીગ (IPL 2022) ની પ્લેઓફ મેચો પણ યોજાશે.
NEWS – BCCI announces squads for My11Circle Women’s T20 Challenge. @ImHarmanpreet to lead the Supernovas, @mandhana_smriti will lead the Trailblazers and Deepti Sharma to Captain Velocity.
More details here – https://t.co/3y0WYcnDGA #WT20Challenge
— IndianPremierLeague (@IPL) May 16, 2022
આ મહિલા ટુર્નામેન્ટમાં કુલ 3 ટીમો ભાગ લે છે
મહિલા T20 ચેલેન્જ (Women’s T20 Challenge) નામની આ મહિલા ક્રિકેટ ટુર્નામેન્ટમાં ટ્રેલબ્લેઝર્સ, સુપરનોવાસ અને વેલોસિટી નામની ટીમો ભાગ લે છે. આ ટુર્નામેન્ટમાં અત્યાર સુધી માત્ર ત્રણ ટીમો રમે છે. જેમાં સુપરનોવાસે 2018 અને 2019 માં ટાઈટલ જીતી શક્યું છે. જ્યારે 2020 માં ટ્રેલબ્લેઝર્સે પ્રથમ વખત ટાઈટલ જીતવામાં સફળ રહ્યું હતું. વર્ષ 2021 માં કોરોનાને કારણે મહિલા T20 ચેલેન્જ ટુર્નામેન્ટમું આયોજન થઈ શક્યું ન હતું.