બુમરાહની ઈજા પછી અભિનેતા બોબી દેઓલ કેમ ટ્રેન્ડમાં છે, જુઓ શાનદાર વીડિયો
જસપ્રીત બુમરાહ પીઠના તણાવને કારણે દક્ષિણ આફ્રિકા T20 સિરીઝમાંથી બહાર થઈ ગયો છે, જ્યારે ફાસ્ટ બોલર પણ T20 વર્લ્ડ કપની ટીમમાંથી બહાર હોવાનું માનવામાં આવે છે.
Bobby Deol : ભારતીય ટીમના ફાસ્ટ બોલર જસપ્રીત બુમરાહના ચાહકોને ગુરુવારના રોજ મોટો ઝટકો લાગ્યો છે. એક એવો રિપોર્ટ સામે આવ્યો છે કે, જસપ્રીત બુમરાહ ઈજાગ્રસ્ત થતા ટી20 વર્લ્ડકપમાંથી બહાર થઈ ગયો છે. જસપ્રીત બુમરાહ (Jasprit Bumrah)ને બેક સ્ટ્રેસ ફ્રૅક્ચર છે. જેના કારણે તેને 4 થી 6 મહિના માટે ક્રિકેટના મેદાનથી દુર રહેશે. શુક્રવાર સવારે બીસીસીઆઈએ જાણકારી આપી કે, જસપ્રીત બુમરાહ સાઉથ આફ્રિકા ટી 20 સીરિઝમાંથી બહાર થઈ ગયો છે. બુમરાહ પર વિશે આવેલા આ સમાચાર બાદ અભિનેતા બોબી દેઓલ (Bobby Deol ) સોશિયલ મીડિયા પર ટ્રેડ થઈ રહ્યો છે.
એવું તો શું થયુ કે, બુમરાહ ઈજાગ્રસ્ત થયા બાદ અચાનક અભિનેતા બોબી દેઓલની વાત થવા લાગી રહી છે. તેનું કારણ છે બોબી દેઓલનો એક વીડિયો જે સોશિયલ મીડિયા પર ખુબ વાયરલ થઈ રહ્યો છે. આ વીડિયો એક ક્રિકેટ મેચનો છે જ્યાં બોબી દેઓલ બોલિંગ કરી રહ્યો છે. આ વીડિયોમાં બોબી દેઓલનું રીએક્શન સામે આવ્યું છે ચાહકો તેની તુલના જસપ્રીત બુમરાહ સાથે કરી રહ્યા છે.
I know who can replace Bumrah pic.twitter.com/XielNA2v91
— Sudhanshu’ (@whoshud) September 29, 2022
બોબી દેઓલનું એક્શન બુમરાહ જેવું
તમને જણાવી દઈએ કે,બોલિગનો આ વીડિયો સેલિબ્રેટિ લીગનો છે જ્યાં કેટલીક મેચ રમાઈ રહી છે. જેમાં બોબી દેઓલની બોલિગ એક્શન ચાહકો વચ્ચે ખુબ પોપ્યુલર છે અને કેટલાકો તો જસપ્રીત બુમરાહ પણ કહ્યો છે. બુમરાહ ઈજાગ્રસ્ત થયા બાદ ચાહકો નિરાશ જરુર થયા છે પરંતુ કેટલાક લોકો મસ્તી -મજાકના મુડમાં પણ છે. જેના માટે તે સોશિયલ મીડિયા પર સલાહ આપી રહ્યા છે કે, બોબી દેઓલને ટી20 વર્લ્ડકપ ટીમમાં પસંદગી કરવામાં આવી છે.
મોહમ્મદ સિરાજને તક
જસપ્રીત બુમરાહ ઈજાના કારણે દક્ષિણ આફ્રિકા સામેની T20I શ્રેણીમાંથી બહાર થઈ ગયો છે. તેમના સ્થાને મોહમ્મદ સિરાજને તક આપવામાં આવી છે. BCCI એ શુક્રવારે આ અંગે જાહેરાત કરી. સિરાજ દક્ષિણ આફ્રિકા સામેની બાકીની 2 T20 મેચમાં જોવા મળશે. બીજી મેચ ગુવાહાટીમાં અને ત્રીજી મેચ ઈન્દોરમાં રમાશે. બુમરાહે સિરીઝની શરૂઆત પહેલા પ્રેક્ટિસ સેશન દરમિયાન પીઠના દુખાવાની ફરિયાદ કરી હતી, ત્યારબાદ તે આ શ્રેણીમાંથી બહાર થઈ ગયો છે.