IND vs SA Live Streaming 1st ODI Match: જાણો તમે ક્યારે, ક્યાં અને કેવી રીતે મેચ જોઈ શકશો

ભારત અને દક્ષિણ આફ્રિકા વચ્ચેની ટેસ્ટ શ્રેણી બાદ હવે 19 જાન્યુઆરીથી વનડે શ્રેણી શરૂ થવા જઈ રહી છે.

TV9 Gujarati | Edited By: Kunjan Shukal | Updated on: Jan 18, 2022 | 5:57 PM

IND vs SA: ભારતીય ટીમને દક્ષિણ આફ્રિકાએ ટેસ્ટ શ્રેણીમાં 1-2થી પરાજય આપ્યો હતો. આ હારથી ભારતીય ચાહકો ખૂબ જ નિરાશ થયા હતા. જો કે હવે ટીમ પાસે વાપસીનો મોકો છે. ટેસ્ટ સીરીઝ બાદ બંને ટીમો વચ્ચે ત્રણ મેચની વનડે સીરીઝ રમાવાની છે, જે બુધવારથી શરૂ થશે. આ સિરીઝમાં કેપ્ટનશીપ કેએલ રાહુલના હાથમાં રહેશે. ચાહકોને આશા છે કે, રાહુલ આ પ્રવાસનો અંત જીત સાથે કરશે.

ટેસ્ટ શ્રેણીથી વિપરીત વનડેમાં ભારતનો રેકોર્ડ અહીં ઘણો સારો છે. જ્યારે ભારતીય ટીમે છેલ્લે 2018માં દક્ષિણ આફ્રિકાનો પ્રવાસ કર્યો હતો, ત્યારે છ મેચની ODI શ્રેણી રમાઈ હતી. વિરાટ કોહલીની કપ્તાનીમાં ટીમ ઈન્ડિયાએ આ સીરીઝ 5-1થી જીતી હતી. દક્ષિણ આફ્રિકામાં વનડે શ્રેણીમાં ભારતની આ પ્રથમ જીત હતી. હવે રાહુલની કપ્તાનીમાં ટીમ પાસે ફરી આ સિદ્ધિ કરવાની તક છે. જો કે તેમને દક્ષિણ આફ્રિકા તરફથી સખત પડકાર મળશે, જેણે ટેસ્ટ શ્રેણી જીત્યા બાદ આત્મવિશ્વાસમાં ઘણો વધારો કર્યો છે.