BBL: બોલો ! અંપાયરે આંગળી ઉંચી કરી આઉટ આપી દીધો, પળવારમાં જ પલટી મારી નોટ આઉટ કહી દીધો, જુઓ Video
બિગ બેશ લીગ (BBL ) માં મેલબોર્ન સ્ટાર્સ અને પર્થ સ્કોર્ચર્સ વચ્ચે રમાયેલી મેચમાં અમ્પાયરે પોતાના જ નિર્ણયની મજાક ઉડાવી હતી.
કોઈપણ ક્રિકેટ મેચમાં અમ્પાયરિંગ ખૂબ જ મહત્વપૂર્ણ છે. હકીકતમાં, આ જીત અથવા હારનો નિર્ણય નક્કી કરે છે. અમ્પાયરનો એક ખોટો નિર્ણય મેચની દિશા બદલી શકે છે. અમ્પાયરો પણ આ બાબતે ખૂબ જ ગંભીર હોય છે અને તેમના વ્યવસાયની દરેક બારીકાઇને ગંભીરતાથી સમજે છે. પરંતુ કેટલીકવાર અમ્પાયર પણ એવી હરકતો કરતા હતા જેને જોઈને હસવું આવે છે. ઓસ્ટ્રેલિયાની T20 લીગ- બિગ બેશ લીગ (Big Bash League) માં પણ કંઈક આવું જ થયું.
આ ઘટના રવિવારે મેલબોર્ન સ્ટાર્સ (Melbourne Stars) અને પર્થ સ્કોર્ચર્સ (Perth Scorchers) વચ્ચે રમાયેલી મેચમાં બની હતી, જ્યાં અમ્પાયર પોતાના નિર્ણયને લઈને મૂંઝવણમાં પડી ગયા હતા અને પહેલા બેટ્સમેનને આઉટ આપ્યો હતો અને પછી પોતાનો નિર્ણય બદલી નાખ્યો હતો.
મેલબોર્ન સ્ટાર્સની ટીમ હાલમાં કોવિડના ખરાબ તબક્કામાંથી પસાર થઈ રહી છે. કુલ 18 સભ્યો કોવિડની કસ્ટડીમાં છે, જેમાંથી 10 ખેલાડીઓ અને આઠ સહાયક સ્ટાફ છે. તેથી જ ઝેવિયર ક્રોન ટીમમાં આવ્યો. આ બોલરને તેની પહેલી વિકેટ મળી પરંતુ ત્રણ સેકન્ડ બાદ તેની ખુશી દુ:ખમાં બદલાઈ ગઈ. પર્થની 14મી ઓવરમાં ઝેવિયર એશ્ટન ટર્નરને વિકેટ પાછળ કેચ આઉટ કરાવ્યો હતો.
ઝેવિયરે બોલ નાખ્યો અને એવું લાગી રહ્યું હતું કે બોલ ટર્નરના બેટની કિનારી લઈને વિકેટકીપર જો ક્લાર્ક પાસે ગયો. અમ્પાયર બ્રુસ ઓક્સનફોર્ડે (Bruce Oxenford) તેને આઉટ આપ્યો, પરંતુ પછી તેણે નિર્ણય બદલ્યો. તેનું કારણ ખુદ બેટ્સમેન હતો. તેણે અમ્પાયરને કહ્યું કે બોલ તેના બેટને નહીં પણ હેલ્મેટને લાગ્યો હતો અને અમ્પાયરે પોતાનો નિર્ણય તુરત જ બદલી નાખ્યો હતો.
Xavier Crone had his first BBL wicket on debut – for all of three seconds! 👷♂️💥@KFCAustralia | #BBL11 pic.twitter.com/LDz2frhXOV
— KFC Big Bash League (@BBL) January 2, 2022
પાર્થે મજબૂત સ્કોર બનાવ્યો હતો
જોકે આ મેચમાં મેલબોર્ન જીતી શક્યું ન હતું. પાર્થે તેને 50 રનના માર્જિનથી હરાવ્યુ હતુ. પ્રથમ બેટિંગ કરતા પર્થે 20 ઓવરમાં આઠ વિકેટ ગુમાવીને 180 રન બનાવ્યા હતા. તેના તરફથી ઓપનર કુર્ટિસ પેટરસને અડધી સદી ફટકારી હતી. તેણે 39 બોલમાં ચાર ચોગ્ગા અને બે છગ્ગાની મદદથી 54 રન બનાવ્યા હતા. ન્યુઝીલેન્ડના કોલિન મુનરોએ તેને ટેકો આપ્યો હતો.
કોલિને 20 બોલમાં 40 રનની ઇનિંગ રમી હતી. પોતાની ઇનિંગ્સમાં આ કિવી બેટ્સમેને ચાર સિક્સર અને એક ફોર ફટકારી હતી. ટર્નરે અંતે 19 બોલમાં 27 રન બનાવ્યા હતા.
સ્ટાર્સના બેટ્સમેનો નિષ્ફળ રહ્યા હતા
મજબૂત સ્કોર સામે સ્ટાર્સને સારી શરૂઆત મળી હતી. જો ક્લાર્ક અને થોમસ રોજર્સની જોડીએ પ્રથમ વિકેટ માટે 78 રન જોડ્યા હતા. ક્લાર્કે 32 બોલમાં નવ ચોગ્ગા અને એક છગ્ગાની મદદથી 52 રન બનાવ્યા હતા. રોજર્સે 25 બોલમાં 32 રનની ઇનિંગ રમી હતી. તેની ઇનિંગમાં ચાર ચોગ્ગા અને એક છગ્ગાનો સમાવેશ થાય છે. આ બંને આઉટ થતાં જ ટીમના બાકીના બેટ્સમેન એક પછી એક આઉટ થઈ ગયા હતા. આખી ટીમ 18.5 ઓવરમાં 130 રન જ બનાવી શકી હતી. પર્થ તરફથી ટાઇમલ મિલ્સે ત્રણ વિકેટ ઝડપી હતી.
આ પણ વાંચોઃ IND vs SA: વિરાટ કોહલી અને ચેતેશ્વર પુજારા માટે સ્વર્ગ છે જોહાનિસબર્ગ! શાનદાર બેટીંગ રેકોર્ડ સાથે યાદગાર પ્રદર્શન નોંધાવી ચુક્યા છે
આ પણ વાંચોઃ Harbhajan Singh: હરભજન સિંહે હવે BCCI ના અધિકારીઓ પર લગાવ્યા ગંભીર આરોપ, કહ્યુ ‘કરિયરમાં ઘણા બધા વિલન રહ્યા’
Latest News Updates
