U19 World Cup:ભારત અને પાકિસ્તાન વચ્ચે આજે મેચ, ક્વાર્ટર ફાઈનલ પહેલા વોર્મ અપ કરશે
ભારત અને પાકિસ્તાન (India and Pakistan) ઉપરાંત એશિયાની વધુ બે ટીમો બાંગ્લાદેશ અને અફઘાનિસ્તાન પણ આજે મેદાનમાં ઉતરશે. આ બંને ટીમો નોકઆઉટ રમવાની શક્યતા આજની મેચમાં જીત અને હાર પર ટકી છે.
U19 World Cup:અંડર-19 ક્રિકેટ વર્લ્ડ કપ(Under 19 Cricket World Cup) માં ગ્રુપ સ્ટેજની મેચોનો આજે છેલ્લો દિવસ છે. આજે 2 દિવસના આરામ પછી નોકઆઉટ ટક્કર થશે. ભારત (India U19), (Pakistan U19)ની ટીમો પહેલાથી જ નોકઆઉટમાં પહોંચી ગઈ છે. આવી સ્થિતિમાં, આજની મેચ તેના માટે વોર્મ-અપ જેવી હશે, જ્યાં તે તેના સૌથી નબળા પ્રતિસ્પર્ધી સામે રમી શકશે. ભારત અને પાકિસ્તાન (India and Pakistan)ઉપરાંત એશિયાની વધુ બે ટીમો બાંગ્લાદેશ અને અફઘાનિસ્તાન પણ આજે મેદાનમાં ઉતરશે. આ બંને ટીમો નોકઆઉટ રમવાની શક્યતા આજની મેચમાં જીત અને હાર પર ટકી છે.
બાંગ્લાદેશ ટૂર્નામેન્ટના ગ્રુપ Aમાં છે, જ્યાં તેનો સામનો UAE સાથે થશે. બાંગ્લાદેશ અત્યારે સારા રન રેટના આધારે ગ્રુપ પોઈન્ટ ટેબલમાં બીજા નંબરે છે. મતલબ કે તેને નોકઆઉટમાં જવાની ખાતરી છે. પરંતુ, સાથે જ એ પણ ધ્યાનમાં રાખવાનું છે કે, આજે યુએઈના હાથે કોઈ ઘટનાનો ભોગ ન બનવું જોઈએ. ગ્રુપ સીમાં રમાયેલી અફઘાનિસ્તાન (Afghanistan) અને ઝિમ્બાબ્વે વચ્ચેની મેચમાં પણ આવી જ સ્થિતિ છે. ઝિમ્બાબ્વે અત્યારે ગ્રુપના પોઈન્ટ ટેબલમાં બીજા નંબર પર છે. પરંતુ, જો આજે અફઘાનિસ્તાન તેને હરાવશે તો તેનું ક્વાર્ટર ફાઇનલમાં જવું નિશ્ચિત બની જશે.
પાકિસ્તાનનું પલ્ડું ભારે
ગ્રુપ સીમાં જ પાકિસ્તાને તેના સૌથી નબળા હરીફ પાપુઆ ન્યુ ગિની સામે પણ મેચ રમવાની છે. પાકિસ્તાનની ટીમે છેલ્લી 2 મેચમાં બંનેમાં જીત મેળવી છે. જ્યારે પાપુઆ ન્યુ ગિની બંનેમાં હારી ગયું છે. સ્પષ્ટ છે કે, આજની સ્પર્ધામાં પણ પાકિસ્તાનનું પલ્ડું મોટા માર્જિનથી ભારે છે.
ભારત વિ યુગાન્ડા
બરાબર આવી જ સ્ટોરી ગ્રુપ બીની મેચમાં ટીમ ઈન્ડિયા (Team India)ની પણ છે. ટીમ પર કોરોનાનું ગ્રહણ છે. કોરોનાને કારણે 5 ખેલાડીઓ રમી રહ્યા નથી. આ હોવા છતાં, ટીમની જીત પર તેની ભાગ્યે જ કોઈ અસર થઈ છે. કારણ કે મેચ યુગાન્ડા સાથે છે જે તેની છેલ્લી બંને મેચ હારી ચૂકી છે. યુગાન્ડા સાથે ભારતનો અત્યાર સુધીનો આ પહેલો મુકાબલો હશે.
ક્વાર્ટર ફાઈનલ પહેલા વોર્મઅપ
છેલ્લી બે મેચમાં ભારે અંતરથી જીત મેળવનારી ભારતીય ટીમ યુગાન્ડા સામેની મેચનો વોર્મ-અપ (Warm-up)તરીકે ઉપયોગ કરવા ઈચ્છશે. જેથી ક્વાર્ટર ફાઈનલ પહેલા કોઈ કસર બાકી ન રહે. બીજી તરફ પાપુઆ ન્યુ ગીની સામે પાકિસ્તાનની વિચારસરણી પણ આવી જ રહેવાની છે.