IPL માં આવું પહેલીવાર બન્યું જ્યારે CSK નો એકપણ બેટ્સમેન 400 થી વધુ રન બનાવી શક્યો નહીં

IPL માં આવું પહેલીવાર બન્યું જ્યારે CSK નો એકપણ બેટ્સમેન 400 થી વધુ રન બનાવી શક્યો નહીં
Ruturaj Gaikwad (PC: Google)

IPL ની 15મી સિઝનમાં ચેન્નાઈ સુપર કિંગ્સ (CSK) નું પ્રદર્શન ખૂબ જ શરમજનક રહ્યું હતું. એમએસ ધોની (MS Dhoni) ની ટીમ પ્લેઓફમાં જગ્યા બનાવવામાં નિષ્ફળ રહી હતી. CSKએ આ સિઝનમાં 14 મેચ રમી હતી જેમાં 4માં જીત અને 10માં હાર થઈ હતી.

TV9 GUJARATI

| Edited By: Adhirajsinh jadeja

May 23, 2022 | 4:43 PM

IPL 2022 માં 20 મેના રોજ ચેન્નાઈ સુપર કિંગ્સ અને રાજસ્થાન રોયલ્સ વચ્ચે મેચ રમાઈ હતી. આ મેચમાં પ્રથમ બેટિંગ કરતા ચેન્નઈ (Chennai Super Kings) ટીમે 6 વિકેટે 150 રન બનાવ્યા હતા. ચેન્નાઈ તરફથી મોઈન અલીએ 93 રનની શાનદાર ઈનિંગ રમી હતી. જ્યારે એમએસ ધોનીના બેટમાંથી 26 રન આવ્યા હતા. રાજસ્થાન રોયલ્સે 151 રનનો ટાર્ગેટ 19.4 ઓવરમાં 5 વિકેટ ગુમાવીને પૂરો કર્યો હતો. આ હાર બાદ IPL 2022 માં CSKની સફર ખતમ થઈ ગઈ છે.

આ સીઝનમાં ચેન્નઈની આ 10મી હાર હતી. IPL 2022 માં ચેન્નાઈની ટીમ માત્ર 4 મેચ જ જીતી શકી હતી. 8 પોઈન્ટ સાથે ટીમ પોઈન્ટ ટેબલમાં 9 માં સ્થાને છે. 15મી સિઝનમાં ચેન્નાઈની ટીમે સમગ્ર સિઝનમાં સંઘર્ષ કર્યો હતો. તેના બોલરો અને બેટ્સમેનોએ ઘણા નિરાશ કર્યાં હતા. આઈપીએલના ઈતિહાસ પર નજર કરીએ તો આ પહેલીવાર બન્યું છે કે ચેન્નાઈનો કોઈ બેટ્સમેન એક સિઝનમાં 400 રન બનાવી શક્યો ન હોય.

ટીમ તરફથી રુતુરાજ ગાયકવાડ ટોપ સ્કોરર રહ્યો

IPL 2022 માં ચેન્નાઈ સુપર કિંગ્સનો સૌથી સફળ બેટ્સમેન ઋતુરાજ ગાયકવાડ હતો. આ સિઝનમાં તેણે CSK માટે તમામ 14 મેચ રમી હતી. જેમાં તેણે 368 રન બનાવ્યા. 15મી સિઝનમાં તેનો સર્વશ્રેષ્ઠ સ્કોર 99 રન હતો. આ દરમિયાન તેના બેટમાંથી 3 અડધી સદી નીકળી હતી. તેના સિવાય શિવમ દુબેએ 11 મેચમાં 289 રન, અંબાતી રાયડુએ 13 મેચમાં 274 રન, ડેવોન કોનવેએ 7 મેચમાં 252 રન, મોઈન અલીએ 10 મેચમાં 244 રન, એમએસ ધોનીએ 14 મેચમાં 232 રન, રોબિન ઉથપ્પાએ 230 રન બનાવ્યા હતા. આમ આ સિઝનમાં કોઈ પણ CSK બેટ્સમેન 400 રનનો આંકડો પાર કરી શક્યો નથી.

એક સિઝનમાં 400 રન બનાવનાર બેટ્સમેન

જો આ સિઝનને બાકાત રાખવામાં આવે તો CSK માટે દરેક સિઝનમાં કોઈને કોઈ બેટ્સમેને 400 કે તેથી વધુ રન બનાવ્યા છે. ચાલો આંકડાઓ પર એક નજર કરીએ. વર્ષ 2008 સુરેશ રૈના અને એમએસ ધોની, વર્ષ 2009 સુરેશ રૈના અને મેથ્યુ હેડન, વર્ષ 2010 સુરેશ રૈના અને મુરલી વિજય, વર્ષ 2011 સુરેશ રૈના, મુરલી વિજય અને માઈકલ હસી, વર્ષ 2012 સુરેશ રૈના, વર્ષ 2013 સુરેશ રૈના અને એમએસ ધોની, 2014 સુરેશ રૈના, ડ્વેન સ્મિથ, બ્રેન્ડન મેક્કુલમ, વર્ષ 2015 બ્રેન્ડન મેક્કુલમ, વર્ષ 2018 સુરેશ રૈના, એમએસ ધોની, શેન વોટસન, અંબાતી રાયડુ, વર્ષ 2019 એમએસ ધોની, વર્ષ 2020 ફાફ ડુ પ્લેસિસ. તો વર્ષ 2021 માં ફાફ ડુ પ્લેસિસ અને ઋતુરાજ ગાયકવાડે 400 કે તેથી વધુ રન બનાવ્યા. જ્યારે IPL 2022માં CSKનો કોઈ બેટર 400 રનનો આંકડો પાર કરી શક્યો ન હતો.

Follow us on

Related Stories

Most Read Stories

Click on your DTH Provider to Add TV9 Gujarati