VIDEO: ઈંગ્લેન્ડમાં ખુશીના માર્યા શેમ્પેઈનથી નહાઈ લીધુ, શિખર ધવને ખોલી પહેલી બોટલ તો, પંતે બીજી અને વિરાટ કોહલીએ હદ કરી દીધી!
ધવન, શાર્દુલ, પંત અને વિરાટ એ ચાર ખેલાડીઓ હતા જેમણે શેમ્પેઈનની બોટલ ખોલી અને ટીમના દરેક ખેલાડી પર શેમ્પેનનો વરસાદ કરી દીધો હતો, જીતની ખુશીના માર્યા રીતસરના જાણે શેમ્પેઈનથી નહાઈ લીધુ હતુ,
ટીમ ઈન્ડિયા (Team India) એ માન્ચેસ્ટરમાં જીતની ખુશીઓ ખૂબ મનાવી હતી. ટીમ ઈન્ડિયાના ખેલાડીઓએ એક બીજા સાથે ખૂબ ખુશીઓ વહેંચી. એટલી ખુશીઓ મનાવી કે જાણે કે આ પહેલા ભારતીય ટીમના ખેલાડીઓએ આવી ખુશી ક્યારેય મનાવી જ નથી. શેમ્પેઈનની છોળો સાથે મનાવતા જશ્નને જોઈને જાણે એમ લાગી રહ્યુ હતુ આખી ટીમ તેમાં ડૂબી ગઈ હતી. તેને કોઈએ પીધું નહિ પણ પાણીની છોળો ઉડાવી વહાવી દીધુય માન્ચેસ્ટરના મેદાન પર ટીમ ઈન્ડિયાનું શેમ્પેઈન બાથ જાણે જોવા મળી રહ્યુ હતુ. દરેક ભારતીય ખેલાડી શેમ્પેઈનથી નહાતા હતા. ધવન, શાર્દુલ, પંત અને વિરાટ એ ચાર ખેલાડીઓ હતા જેમણે શેમ્પેનની બોટલ ખોલી અને ટીમના દરેક ખેલાડીને શેમ્પેઈનનો વરસાદ કર્યો. ભારતીય ટીમ (Indian Cricket Team) ના શેમ્પેન સાથે મનાવવામાં આવેલા આ સેલિબ્રેશનનો વીડિયો હાલ વાયરલ થયો છે.
શિખર ધવને શેમ્પેઈનની બોટલ ખોલવાની શરૂઆત કરી. હવે જો તમે ટીમના ઓપનર છો, તો તે આમ જ કરશે એ પણ સ્વાભાવિક જ છે. તેણે પહેલી બોટલ ખોલતાની સાથે જ કેપ્ટન રોહિત શર્માને શેમ્પેઈનથી ભીંજવી દીધો. હાથમાં ટ્રોફી સાથે રોહિતની જર્સી સંપૂર્ણપણે ભીની હતી.
પંત અને શાર્દુલે આખી ટીમ પર શેમ્પેઈનની છોળો ઉડાવી
ધવન પછી શાર્દુલ ઠાકુરે બીજી બોટલ ખોલીને તમામ સભ્યો પર ઉડાવી હતી. જેમાં બચી ગયેલા લોકો પણ ઋષભ પંતે ખોલેલી બોટલમાંથી બચી શક્યા ન હતા. 17 નંબરની જર્સી પહેરીને, પંતે દરેક પર શેમ્પેઈનનો સારી રીતે વરસાદ કર્યો. પણ આ મજાથી ભરપૂર દૃશ્યનું છેલ્લું પાનું હજી લખવાનું બાકી હતું. અને, તે કામ વિરાટ કોહલીએ કર્યું હતું.
ધવન, પંત અને શાર્દુલની શેમ્પેનની બોટલો ખોલવામાં આવી ત્યારે ભારતીય ખેલાડીઓને યાદ આવ્યું કે ફોટો સેશન પણ હતું. ટ્રોફી સાથે ટીમનો ફોટો પણ લેવાનો છે. આ કામ પણ સારી રીતે થયું. રોહિત શર્માએ જે ટ્રોફી પોતાના હાથમાં લીધી હતી, તે ટીમના નવા સભ્ય અર્શદીપ સિંહને આપી અને પછી ટીમે શોર-બકોર સાથે ફોટો પડાવ્યો.
WINNERS 🏆🇮🇳 pic.twitter.com/iYu3JSsI5j
— Sky Sports Cricket (@SkyCricket) July 17, 2022
ધવન વિરાટના શેમ્પેઈન હુમલાથી બચી શક્યો ન હતો
હવે જ્યારે ફોટો સેશન પૂરું થયું ત્યારે વિરાટની તોફાની મસ્તી શરૂ થઈ ગઈ હતી. તેણે શેમ્પેઈનની બોટલ ખોલી અને શિખર ધવનની પાછળથી તેના પર રેડી. વિરાટના શેમ્પેન હુમલાથી બચવા માટે, ધવન ત્યાંથી ભાગી ગયો, પરંતુ તેણે આમ કર્યું ત્યાં સુધીમાં તે ભીંજાઈ ગયો હતો.
ટીમ ઈન્ડિયાની આ મસ્તી વચ્ચે એક વાત ખાસ બની કે દર્શકો માટે ભરપૂર મનોરંજન હતું. ટીમ ઈન્ડિયા વચ્ચેની ગ્રાઉન્ડ મજાની આ દરેક તસવીરો તેણે પોતાના કેમેરામાં કેદ કરી અને તેને કાયમ માટે વહાલ કરી. જણાવી દઈએ કે ભારતીય ટીમે ઈંગ્લેન્ડ સામે વનડે શ્રેણીમાં 2-1થી જીત મેળવીને આ જશ્ન મનાવ્યો હતો.