T20 World Cup 2022 : આ 3 ખેલાડીઓ વગર ટીમ ઈન્ડિયા જીતની તૈયારી કરી રહી છે

TV9 GUJARATI

TV9 GUJARATI | Edited By: Nirupa Duva

Updated on: Oct 10, 2022 | 2:53 PM

વિરાટ અને રાહુલ વેસ્ટર્ન ઓસ્ટ્રેલિયા સામે પ્રેક્ટિસ મેચ રમી રહ્યા ન હોવાથી આ મેચમાં ટીમના બેટિંગ ઓર્ડરમાં ફેરફાર થયો હતો.

T20 World Cup 2022 : આ 3 ખેલાડીઓ વગર ટીમ ઈન્ડિયા જીતની તૈયારી કરી રહી છે
આ 3 ખેલાડીઓ વગર ટીમ ઈન્ડિયા જીતની તૈયારી કરી રહી છે
Image Credit source: Twitter


T20 World Cup 2022: પર્થમાં ભારતીય ટીમ (Indian team)ની જીતની તૈયારીઓ શરુ છે. ત્યારે પ્રેક્ટિસ મેચ પણ રમી રહી છે પરંતુ વેસ્ટર્ન ઓસ્ટ્રેલિયા વિરુદ્ધ પ્રેક્ટિસ મેચથી ભારતના 3 ખેલાડી ગુમ જોવા મળી રહ્યા છે. આ ત્રણ ખેલાડી મોટા સ્ટાર છે. જેમાં વિરાટ કોહલી, કે.એલ રાહુલ અને આર.અશ્વિનનું નામ સામેલ છે. આ તમામ ખેલાડી ન હોવા છતાં ભારતીય ટીમ મેચ જીતવાના દમ પર જોવા મળી રહી છે. ભારતીય ટીમ વેર્સ્ટન ઓસ્ટ્રેલિયા વિરુદ્ધ આ ખેલાડીઓ વગર શાનદાર પ્રદર્શન કરતી જોવા મળી. પ્રથમ ટૉસનો બોસ બન્યુ અને ત્યારબાદ બેટિંગ પસંદ કરી સંપૂર્ણ ફાયદો ઉઠાવાની કોશિષ કરી હતી.

આ કોશિષમાં એવી સફળતા જોવા ન મળી જેની ટીમ પાસે આશા હતી. સ્કોર બોર્ડ પર હજુ રન પણ યોગ્ય ન થયા અને ટૉપના 3 બેટ્સ્મેન આઉટ થઈ ગયા હતા. જેમાં રોહિત શર્મા,ઋષભ પંત અને દિપક હુડ્ડાનુ્ં નામ સામેલ છે.

 

બેટિંગ ઓર્ડરમાં ફેરફાર જોવા મળ્યો

વિરાટ અને રાહુલ વેસ્ટર્ન ઓસ્ટ્રેલિયા વિરુદ્ધ પ્રેક્ટિસ મેચ રમી રહી નથી. બેટિંગ ઓર્ડરમાં આ મેચમાં ફેરબદલ જોવા મળ્યો હતો. કે.એલ રાહુલની ગેર-હાજરીમાં ઋષભ પંતે રોહિત શર્મા સામે ઈનિગ્સની શરુઆત કરી. આ ઓપનિંગ ભાગેદારી વધુ સમય સુધી ચાલી ન હતી. રોહિત શર્મા માત્ર 3 રન બનાવી આઉટ થયો. રોહિતના આઉટ થયા બાદ પંત પાસે ઉમ્મીદ હતી. તે પણ સસ્તામાં આઉટ થયો હતો

હુડ્ડા – 22 રન, પંત – 9 રન

આ પહેલા બીજો ઝટકો દીપક હુડ્ડાના રૂપમાં લાગ્યો હતો, જે વિરાટ કોહલીની ગેરહાજરીમાં પોતાના સ્થાન પર રમવા આવ્યો હતો. હુડ્ડા 22 રન બનાવીને આઉટ થયો હતો. જ્યારે પંતે 17 બોલમાં 9 રન બનાવ્યા હતા.હવે સવાલ એ છે કે, જ્યારે વિરાટ અને રાહુલ પ્રેક્ટિસ મેચ રમી રહ્યો નથી તો શું કરી રહ્યો છે ? પર્થમાંથી જે સમાચાર સામે આવી રહ્યા છે તે મુજબ વિરાટ અને રાહુલ બંન્ને નેટ પર પરસેવો પાડતા જોવા મળ્યા હતા.ઓસ્ટ્રેલિયામાં યોજાનારા T20 વર્લ્ડ કપને હવે ગણતરીના દિવસો જ બાકી રહ્યા છે. ત્યારે લોકોમાં હવે અનેરો ઉત્સાહ પણ જોવા મળી રહ્યો છે. એમાં પણ ભારત અને પાકિસ્તાનની મેચ માટે લોકોનો ઉત્સાહ સાતમા આસમાને છે. 23 ઓક્ટોબરે રમાનારા આ મહામુકાબલાને લઈ ચાહકો આતુરતાથી રાહ જોઈ રહ્યા છે

Latest News Updates

Follow us on

Related Stories

Most Read Stories

Click on your DTH Provider to Add TV9 Gujarati