Shefali Verma દરરોજ 200-250 બોલ રમી રહી છે, પુરુષો સાથે પ્રેક્ટિસ કરી રહી છે, આ ખાસ વાત પર છે ધ્યાન

શેફાલી વર્માએ માત્ર 15 વર્ષની ઉંમરે આંતરરાષ્ટ્રીય ક્રિકેટમાં પ્રવેશ કર્યો હતો અને ત્યારથી તે પોતાની તોફાની બેટિંગથી ધૂમ મચાવી રહી છે.

Shefali Verma દરરોજ 200-250 બોલ રમી રહી છે, પુરુષો સાથે પ્રેક્ટિસ કરી રહી છે, આ ખાસ વાત પર છે ધ્યાન
shefali verma (File Image)
TV9 GUJARATI

| Edited By: Nirupa Duva

Dec 17, 2021 | 5:05 PM

Shefali Verma : શફાલી વર્માએ જ્યારથી આંતરરાષ્ટ્રીય ક્રિકેટમાં પગ મૂક્યો છે ત્યારથી તેણે પોતાની તોફાની બેટિંગથી ઘણી ચર્ચા જગાવી છે. ઈન્ટરનેશનલ ક્રિકેટથી લઈને બિગ બેશ લીગ (Big Bash League) સુધી આ યુવા બેટ્સમેને (Batsman)પોતાના બેટથી ધૂમ મચાવી છે. બે વર્ષથી આંતરરાષ્ટ્રીય ક્રિકેટ (International cricket)રમી રહેલી શેફાલી જાણે છે કે જો તેણે આ સ્તરે સતત સફળ થવું હોય તો તેણે પોતાની રમતમાં સતત સુધારો કરવો પડશે. આ યુવા ખેલાડી આ કામમાં વ્યસ્ત છે. તેનું ધ્યાન હાલમાં શોર્ટ બોલ સામે તેની રમત સુધારવા પર છે. તેણે 15 વર્ષની ઉંમરે આંતરરાષ્ટ્રીય ક્રિકેટમાં પ્રવેશ કર્યો હતો. સ્મૃતિ મંધાના (Smriti Mandhana)સાથે તેની ગણતરી મહિલા ક્રિકેટમાં સૌથી તોફાની ઓપનિંગ જોડીમાં થાય છે.

આ યુવા બેટ્સમેન આ વર્ષે ઈંગ્લેન્ડ અને ઓસ્ટ્રેલિયાના પ્રવાસ દરમિયાન શોર્ટ બોલથી પરેશાન થઈ હતી. તેણીએ આ ખામીને સુધારવાનું નક્કી કર્યું અને તેના પર કામ કરી રહી છે. આ માટે તે અંડર-25 પુરૂષ ખેલાડીઓ સાથે પ્રેક્ટિસ કરી રહી છે જે 125-130 kmphની ઝડપે બોલ ફેંકી શકે છે. શેફાલી દરરોજ આ બોલરોના 200 થી 250 બોલ રમી રહી છે. તે હાલમાં કોચ અશ્વિની કુમારની દેખરેખ હેઠળ ગુરુગ્રામની રામ નારાયણ ક્રિકેટ એકેડમીમાં પ્રેક્ટિસ કરી રહી છે.

હજુ લાંબી મજલ કાપવાની છે

ન્યૂઝ એજન્સી સાથે વાત કરતા શેફાલીએ કહ્યું, “મેં આંતરરાષ્ટ્રીય ક્રિકેટમાં મારા બે વર્ષ પૂરા કર્યા છે, હું આનાથી ખૂબ જ ખુશ છું, પરંતુ હજુ લાંબી મજલ કાપવાની છે કોચે પણ મને કહ્યું કે બોલ પ્રમાણે રમો અને હું આમ કરતી રહીશ. હું મારી રમત ક્યારેય બદલીશ નહીં.”

આ પણ વાંચો : Pro Kabaddi League : 8મી સિઝન 22 ડિસેમ્બરથી રમાશે, અત્યાર સુધી જીતનાર તમામ ટીમોનું લીસ્ટ જુઓ

Follow us on

Related Stories

Most Read Stories

Click on your DTH Provider to Add TV9 Gujarati