Shane Warne Passes Away: શેન વોર્ને બોલિંગમાં બનાવ્યા કમાલના રેકોર્ડ, જે હંમેશા યાદ રહેશે
Shane Warne Passed Away: શેન વૉર્નનું 52 વર્ષની વયે થાઈલેન્ડમાં નિધન થયું છે. તેનું મોત હાર્ટ એટેક આવવાથી થયું હોવાનું જાણવા મળ્યું છે.
વિશ્વ ક્રિકેટના મહાન સ્પિનર શેન વૉર્ન (Shane Warne) નું 52 વર્ષની વયે નિધન થઇ ગયું છે. શેન વોર્ની મેનેજમેન્ટ ટીમે ઓસ્ટ્રેલિયાના મીડિયાને એક નિવેદનમાં આ જાણકારી આપી છે. તેમાં જણાવવામાં આવ્યું હતું કે શેન વૉર્ન થાઈલેન્ડમાં હતો અને તેનું હાર્ટ એટેકથી મોત નિપજ્યું છે. જોકે મેડિકલ ટીમે તેને બચાવવાના ઘણા પ્રયાસો કર્યા હતા પણ તેને બચાવી શક્યા ન હતા. શેન વૉર્નના નિધનથી ક્રિકેટ જગતમાં શોકની લાગણી ફેલાઇ ગઇ છે.
શેન વોર્નના નિધનથી ક્રિકેટ જગતમાં શોકનું વાતાવરણ ફેલાઇ ગયું છે. મહત્વનું છે કે આજે સવારે (4 માર્ચ 2022) ઓસ્ટ્રેલિયાના (Cricket Australia) જ અન્ય એક દિગ્ગજ ક્રિકેટર રોડ માર્શનું નિધન થયું હતું અને શેન વોર્ને તેને સવારે પોતાના સોશિયલ મીડિયાના માધ્યમથી ભાવપુર્ણ શ્રદ્ધાંજલી પાઠવી હતી.
ટેસ્ટ ક્રિકેટમાં બીજો સૌથી વધુ વિકેટ લેનાર બોલર હતો શેન વોર્ન
2007 માં વોર્ન-મુરલીધરન ટ્રોફીનું આયોજન થયું હતું
ક્રિકેટની બાઇબલ કહેવામાં આવતી વિજ્ડનમાં શેન વૉર્નને 20મી સદીમાં પાંચ ક્રિકેટર્સમાંથી એક પસંદ કરવામાં આવ્યો હતો. 2013 માં તેને આઈસીસી હોલ ઓફ ફેમમાં સ્થાન મળ્યું હતું. શેન વૉર્ને ઓસ્ટ્રેલિયાને 1999 માં વર્લ્ડ કપ જીતાડવા માટે મહત્વની ભુમીકા ભજવી હતી. તે વર્લ્ડ કપમાં તે સેમિ ફાઇનલ અને ફાઇનલ મેચમાં મેન ઓફ ધ મેચ જાહેર થયો હતો. તો એશિઝ સીરિઝમાં સૌથી વધુ 195 વિકેટ લેવાનો રેકોર્ડ પણ તેના નામે નોંધાયેલો છે.