હજારો ફેન્સ વચ્ચે ફસાયો રોહિત શર્મા, જુઓ Video
રોહિત શર્મા (Rohit Sharma) ઝિમ્બાબ્વે પ્રવાસમાં ટીમ ઈન્ડિયાની સાથે ગયો નથી અને હાલ આરામ કરી રહ્યો છે. રોહિત સીધો એશિયા કપ માટે જશે.
ભારતીય ક્રિકેટ ટીમ (Indian Cricket Team) આ મહિનાની 27 ઓગસ્ટથી એશિયા કપ 2022માં ભાગ લેવાનો છે. આ ટૂર્નામેન્ટમાં ટીમ ઈન્ડિયાએ પાકિસ્તાન સામે હાઈ વોલ્ટેજ મેચ રમવાની છે. આ મેચ 28 ઓગસ્ટે રમાશે. આ મહત્વપૂર્ણ ટૂર્નામેન્ટ પહેલા ભારતીય ટીમનો નિયમિત કેપ્ટન રોહિત શર્મા (Rohit Sharma) આરામ કરી રહ્યો છે. આ દરમિયાન તે મુંબઈમાં પોતાના ઘરે છે. રોહિત મંગળવારે મુંબઈમાં ફરવા ગયો હતો અને આ દરમિયાન તેના ફેન્સ તેને જોઈને દિવાના થઈ ગયા હતા.
એશિયા કપ પહેલા ભારતીય ટીમ ઝિમ્બાબ્વેના પ્રવાસે છે. પરંતુ ટીમના ઘણા દિગ્ગજ ખેલાડીઓ આ પ્રવાસમાં નથી રમી રહ્યા. તેમને આરામ આપવામાં આવ્યો છે. આ પ્રવાસમાં કેએલ રાહુલ ટીમની કેપ્ટનશીપ કરી રહ્યો છે. શિખર ધવનને વાઈસ કેપ્ટન તરીકે નિયુક્ત કરવામાં આવ્યો છે.
Fans went out of control by seeing their hero Rohit Sharma in Mumbai. pic.twitter.com/iH8ro78utC
— Vishal. (@SportyVishal) August 16, 2022
વીડિયોમાં જોવા મળી દિવાનગી
રોહિત શર્માનો એક વીડિયો સોશિયલ મીડિયા પર વાયરલ થઈ રહ્યો છે. આ વીડિયોમાં રોહિત શર્માના ફેન્સને ક્રેઝી જોઈ શકાય છે. આ વીડિયોમાં રોહિત એક હોટલમાંથી બહાર આવે છે પણ હોટલની બહાર ઉભેલી ભીડ જોઈને રોહિત હેરાન થઈ ગયો હતો. આ તેના ફેન્સ હતા. ત્યારે એક વ્યક્તિએ રોહિતને અંદર જવા કહ્યું અને રોહિત આ રીતે અંદર ગયો. વીડિયોમાં રોહિતના ફેન્સ તેના માટે બૂમો પાડતા જોઈ શકાય છે. હોટલની બહાર રોહિતના ફેન્સનો ધસારો હતો, જેને જોઈને હોટલ સ્ટાફ પણ હેરાન થઈ ગયો હતો અને રોહિત પોતે પણ.
વિન્ડીઝથી જીતીને પરત ફર્યા
રોહિત શર્મા હાલમાં જ વેસ્ટ ઈન્ડિઝ પ્રવાસ પરથી પરત ફર્યો છે. વેસ્ટ ઈન્ડિઝમાં ભારતે ત્રણ મેચની વનડે સિરીઝ અને પાંચ મેચની ટી-20 સિરીઝ રમી હતી. શિખર ધવને વનડે સિરીઝમાં ટીમની કમાન સંભાળી હતી. ટી 20માં રોહિત શર્મા ટીમની જવાબદારી સંભાળતો હતો. રોહિતે પહેલી ચાર મેચ રમી હતી, પરંતુ પાંચમી મેચમાં તેને આરામ આપ્યો હતો. આ મેચમાં હાર્દિક પંડ્યાએ ટીમની કમાન સંભાળી હતી. આ પ્રવાસમાં રમાયેલી ચાર મેચમાં રોહિતના બેટમાંથી માત્ર એક અડધી સદી આવી હતી. તેને પહેલી મેચમાં 64 રનની ઈનિંગ રમી હતી. બીજી મેચમાં તે ખાતું પણ ખોલી શક્યો નહોતો. ત્રીજી મેચમાં 11 રન બનાવ્યા હતા. ચોથી મેચમાં તેના બેટમાંથી 33 રન આવ્યા હતા. રોહિત પાસેથી અપેક્ષા રાખવામાં આવશે કે એશિયા કપમાં તે સારું પ્રદર્શન કરશે અને ટીમને જીત અપાવશે.