Ranji Trophy બાદ હવે લગ્નના માંડવે જોવા મળશે રજત પાટીદાર, RCB ના ‘નિમંત્રણ’ થી અગાઉ કાર્યક્રમ મોકૂફ રાખ્યો હતો
મધ્યપ્રદેશ (Madhya Pradesh Cricket Team) ને પ્રથમ વખત રણજી ટ્રોફી ચેમ્પિયન બનાવવામાં રજત પાટીદાર (Rajat Patidar) નો મોટો ફાળો હતો. મધ્યપ્રદેશે મુંબઈને હરાવીને ઈતિહાસ રચ્યો હતો.
મધ્યપ્રદેશ (Madhya Pradesh Cricket Team) ને પ્રથમ રણજી ટ્રોફી ચેમ્પિયન બનાવવામાં મોટો ફાળો આપનાર રજત પાટીદાર (Rajat Patidar) હવે વરરાજા બનવાની તૈયારી કરી રહ્યો છે. રજતે મુંબઈ સામેની રણજી ટ્રોફી (Ranji Trophy) ટાઈટલ મેચમાં મધ્યપ્રદેશ માટે પ્રથમ દાવમાં સદી ફટકારી હતી અને પછી છેલ્લી ઈનિંગમાં અણનમ 30 રન બનાવ્યા હતા. મધ્યપ્રદેશની ઐતિહાસિક જીતમાં પાટીદારનો મોટો ફાળો હતો, પરંતુ હવે તેઓ ટૂંક સમયમાં તેમની અન્ય જવાબદારીઓ નિભાવવામાં વ્યસ્ત થવાના છે. રજત જુલાઈમાં લગ્ન કરી શકે છે. વાસ્તવમાં, તેમના લગ્ન પહેલા મે મહિનામાં થવાના હતા, પરંતુ વિરાટ કોહલીના રોયલ ચેલેન્જર્સ બેંગ્લોરમાં આશ્ચર્યજનક આમંત્રણને કારણે, લગ્ન મોકૂફ રાખવા પડ્યા હતા.
IPL 2022 ની મેગા હરાજીમાં રજતને કોઈ ખરીદનાર મળ્યો ન હતો અને IPL દરમિયાન દેશમાં અન્ય કોઈ મોટી ક્રિકેટ ઈવેન્ટ્સ થઈ ન હતી. આવી સ્થિતિમાં તેનો પરિવાર આ વિરામનો ઉપયોગ કરવા માંગતો હતો અને તેના લગ્ન કરવા માંગતો હતો, પરંતુ નિયતિએ રજત માટે કંઈક બીજું જ લખી રાખ્યુ હતું. ઈજાગ્રસ્ત લવનીત સિસોદિયાના સ્થાને એપ્રિલમાં આરસીબી દ્વારા તેને બોલાવવામાં આવ્યો હતો.
મધ્યપ્રદેશના આ બેટ્સમેને પણ નિરાશ ન કર્યા અને તકને બંને હાથે પકડી લીધી. તેણે લખનૌ સુપર જાયન્ટ્સ સામે IPL 2022 ની એલિમિનેટર મેચમાં 54 બોલમાં અણનમ 112 રનની ઇનિંગ રમીને ટીમને જીત તરફ દોરી હતી.
The Chinnaswamy crowd certainly knows how to cheer for their own. Rajat Patidar walks out at no.5 and the crowd goes berserk. Chants of RCB followed by ‘Patidar Bhai’.#MPvsMUM #RanjiTrophy pic.twitter.com/RogctWvZjT
— Sayantan Bhattacharjee (@Sayantan90s) June 26, 2022
હવે જુલાઈમાં લગ્ન કરશે
રજત પાટીદાર આઈપીએલના ઈતિહાસમાં પ્લેઓફમાં સદી ફટકારનાર પ્રથમ અનકેપ્ડ ખેલાડી પણ બન્યો હતો. રજત પાટીદારના પિતાએ એક ઈન્ટરવ્યુમાં જણાવ્યું હતું કે તેમને પણ તેમના પુત્ર માટે રતલામની એક છોકરી પસંદ હતી. 9 મેના રોજ લગ્નનો કાર્યક્રમ હતો. કાર્યક્રમમાં નજીકના લોકોને પણ આમંત્રણ આપવામાં આવ્યું હતું. ઈન્દોરની એક હોટલ પણ બુક કરવામાં આવી હતી. સમારંભ ખૂબ ભવ્ય નહોતો રાખવામાં આવ્યો. એટલે લગ્નનું કાર્ડ છપાવ્યું નહોતું, પણ પછી લગ્ન મોકૂફ રાખવા પડ્યા. હવે જુલાઈમાં લગ્ન સમારોહનું આયોજન કરવામાં આવશે. રજતે રણજી ટ્રોફીની આ સિઝનમાં સૌથી વધુ કેચ પકડ્યા હતા. તેણે 6 મેચમાં કુલ 19 કેચ લઈને અજાયબી કરી હતી.