IPL Auction 2021: ગુજરાતનો આ ખેલાડી 1.2 કરોડમાં વેચાયો છતાં ઘરમાં છે શોકનો માહોલ, શું છે કારણ?

IPL Auction 2021માં ગુજરાતના ભાવનગરના ખેલાડી ચેતન સાકરિયાને રાજસ્થાન રોયલ્સે 1.2 કરોડની બોલી લગાવીને ખરીદી લીધો છે, સામાન્ય પરિવારમાં જન્મેલા ચેતને અહીં સુધી પહોંચવા ઘણા સંઘર્ષો કર્યા છે.

Bhavyata Gadkari | Edited By: Kunjan Shukal | Updated on: Feb 18, 2021 | 9:26 PM

IPL Auction 2021માં ગુજરાતના ભાવનગરના ખેલાડી ચેતન સાકરિયાને રાજસ્થાન રોયલ્સે 1.2 કરોડની બોલી લગાવીને ખરીદી લીધો છે, સામાન્ય પરિવારમાં જન્મેલા ચેતને અહીં સુધી પહોંચવા ઘણા સંઘર્ષો કર્યા છે. વર્ષોની મહેનત બાદ જ્યારે હવે તેને સફળતા મળવા લાગી છે, તેવા સમયમાં તેના ઘરમાં ખુશીની જગ્યાએ શોકનો માહોલ છે તેનું કારણ છે કે ચેતનના નાના ભાઈએ ગત 14 ફેબ્રુઆરીના રોજ આત્મહત્યા કરી લીધી હતી, જેના શોકમાંથી પરિવાર બહાર નથી આવી શક્તો, ચેતનના નાના ભાઈએ ક્યારે વિચાર્યુ પણ નહીં હોય કે તેના ગયા પછી તેનો મોટો ભાઈ આટલી મોટી સિદ્ધી પ્રાપ્ત કરશે.

ટીવી નાઈન સાથે ચેતનના પરિવારે વાત કરતા જણાવ્યું કે ચેતન ભણવામાં ખૂબ જ હોંશિયાર હતો, પરંતુ તે 12 ધોરણ પછી ભણી ન શક્યો. ક્રિકેટને લઈને તેની દિવાનગી એ હદ સુધી હતી કે મેચ રમવા માટે તે કેટલીક પરિક્ષાઓમાં ગેરહાજર પણ રહ્યો હતો. ચેતને ડિસ્ટ્રિકટ મેચ માટે બોર્ડની એક્ઝામ પણ સ્કિપ કરી હતી અને ડ્રોપ આઉટ કર્યું હતું. તેની પ્રતિભા જોઈને ભાવસિંહજી ક્રિકેટ ક્લબે ચેતનની ફી માફ કરી હતી, એ ઘટના ચેતન કાયમ યાદ રાખતો હોવાનું તેના પિતા એ જણાવ્યું હતું.

Web Stories View more