Ashes 2021: ઓસ્ટ્રેલિયાએ મેલબોર્ન ટેસ્ટ માટે પ્લેયીંગ ઇલેવનમાં કર્યા 2 ફેરફાર, 32 વર્ષિય ક્રિકેટર કરશે ડેબ્યૂ
વિજય રથ પર સવાર ઓસ્ટ્રેલિયાએ મેલબોર્ન ટેસ્ટ (Melbourne Test) માટે પોતાની પ્લેઈંગ ઈલેવન (Australia Playing XI) ની જાહેરાત કરી છે.
એશિઝ સિરીઝ (Ashes Series) માં વિજય રથ પર સવાર ઓસ્ટ્રેલિયા (Australia Cricket Team) એ મેલબોર્ન ટેસ્ટ (Melbourne Test) માટે પોતાની પ્લેઈંગ ઈલેવનની જાહેરાત કરી દીધી છે. તેણે પ્લેઈંગ ઈલેવન (Australian Playing XI) માં બે ફેરફાર કર્યા છે. આમાંનો એક ફેરફાર કેપ્ટન પેટ કમિન્સ (Pat Cummins) ની વાપસીના સ્વરૂપમાં છે, જે કોરોના પ્રોટોકોલને કારણે એડિલેડમાં બીજી ટેસ્ટ રમી શક્યા ન હતા. અને બીજો ફેરફાર 32 વર્ષીય ખેલાડી સ્કોટ બોલેન્ડ (Scott Boland) ને ડેબ્યૂ કરવાની તક મળવાના રૂપમાં છે. પ્લેઈંગ ઈલેવનમાં આ બે ખેલાડીઓની હાજરીને કારણે જ્યે રિચર્ડસન અને માઈકલ નેસરને બહાર જવું પડ્યું હતું.
32 વર્ષીય બોલેન્ડને પ્લેઇંગ ઇલેવનમાં સામેલ કરવા અંગે ખુદ કેપ્ટન કમિન્સે માહિતી આપી હતી. તેણે તેને અદ્ભુત તક ગણાવી. બોલેન્ડ ટેસ્ટ ક્રિકેટ રમનાર ચોથો મૂળ ઓસ્ટ્રેલિયન ક્રિકેટર હશે. તેમના પહેલા ફેથ થોમસ, જેસન ગિલેસ્પી અને એશ્લે ગાર્ડનર મૂળ ઓસ્ટ્રેલિયાના હતા, જેઓ ટેસ્ટ ક્રિકેટ રમ્યા હતા.
બોલેન્ડની આંતરરાષ્ટ્રીય કારકિર્દી
સ્કોટ બોલેન્ડનું આંતરરાષ્ટ્રીય ડેબ્યૂ વર્ષ 2016 માં થયું હતું, પરંતુ તે ઓસ્ટ્રેલિયા માટે પ્રથમ ટેસ્ટ મેચ રમ્યો ન હતો. અત્યાર સુધી તે માત્ર 17 આંતરરાષ્ટ્રીય મેચ રમ્યો છે, જેમાં 14 ODI અને 3 T20 નો સમાવેશ થાય છે. બોલેન્ડે વનડેમાં 16 અને ટી20 માં 3 વિકેટ ઝડપી છે. જો કે આ પછી તેને હવે ટેસ્ટ ક્રિકેટમાં રમવાની તક મળી છે. બોલેન્ડે આ સિઝનમાં ન્યૂ સાઉથ વેલ્સ સામે વિક્ટોરિયા માટે માત્ર બે મેચમાં 10ની એવરેજથી 15 વિકેટ લીધી હતી.
બોલેન્ડની ફર્સ્ટ-ક્લાસ કારકિર્દીમાં 79 મેચ રમાઈ હતી, જેમાં તેણે 272 વિકેટ લીધી હતી. આ દરમિયાન તેણે 7 વખત 5 વિકેટ લેવાનો કમાલ કર્યો છે. બોલેન્ડે આમાંથી 27 મેચ તેના હોમ ગ્રાઉન્ડ મેલબોર્ન ક્રિકેટ ગ્રાઉન્ડ પર રમી છે, જેમાં તેણે 96 વિકેટ લીધી છે. સારી વાત એ છે કે બોલેન્ડનું ટેસ્ટ ડેબ્યૂ તેના હોમ ગ્રાઉન્ડથી થવા જઈ રહ્યું છે. આવી સ્થિતિમાં, દરેક તેની પાસેથી સારી શરૂઆતની અપેક્ષા રાખશે.
મેલબોર્ન ટેસ્ટ માટે ઓસ્ટ્રેલિયાની પ્લેઈંગ ઈલેવન
ડેવિડ વોર્નર, માર્કસ હેરિસ, માર્નસ લેબુશેન, સ્ટીવ સ્મિથ, ટ્રેવિસ હેડ, કેમેરોન ગ્રીન, એલેક્સ કેરી, પેટ કમિન્સ (કેપ્ટન), મિશેલ સ્ટાર્ક, નાથન લિયોન અને સ્કોટ બોલેન્ડ.
આ પણ વાંચોઃ Sixer King 2021: ટીમ ઇન્ડિયામાં આવ્યો નવો ‘સિક્સર કિંગ’, 2021માં કર્યો છગ્ગાઓનો વરસાદ, રોહિત શર્માને છોડી દીધો પાછળ
આ પણ વાંચોઃ Boxing Day Test: ‘બોક્સિંગ’ શબ્દને ક્રિકેટ સાથે શુ છે સંબંધ ? 26 ડીસેમ્બર થી શરુ થતી ટેસ્ટ મેચને અપાય છે ખાસ ઓળખ, જાણો
Latest News Updates
