Ms Dhoni CSK IPL 2022: ધોની બેટ ગરજાવી સ્પેશિયલ ક્લબમાં સામેલ થયો, ચોગ્ગા અને છગ્ગા વડે ફેન્સને ખુશ કરી દીધા

Ms Dhoni CSK IPL 2022: ધોની બેટ ગરજાવી સ્પેશિયલ ક્લબમાં સામેલ થયો, ચોગ્ગા અને છગ્ગા વડે ફેન્સને ખુશ કરી દીધા
Ms Dhoni એ LSG સામે 1 છગ્ગો અને 2 ચોગ્ગા ફટકાર્યા હતા

MS Dhoni LSG vs CSK ipl 2022: મહેન્દ્ર સિંહ ધોની IPL 2022 ની અત્યાર સુધીની બે મેચોમાં ખૂબ જ સારો દેખાઈ રહ્યો છે. તેણે KKR સામે અડધી સદી ફટકારી હતી.

TV9 GUJARATI

| Edited By: Avnish Goswami

Mar 31, 2022 | 11:48 PM

મહેન્દ્ર સિંહ ધોની (Mahendra Singh Dhoni)IPL 2022 ના બે દિવસ પહેલા ચેન્નાઈ સુપર કિંગ્સ (Chennai Super Kings) ની કેપ્ટનશીપ છોડીને ચોંકાવી દીધી હતી. પરંતુ આ માત્ર તેમની સાથે જોડાયેલી વાત નથી જે લોકોને આશ્ચર્યમાં મૂકી દે છે. આઈપીએલ 2022માં એમએસ ધોનીની બેટિંગ પણ એક અલગ લેવલ પર જોવા મળી રહી છે. કોલકાતા નાઈટ રાઈડર્સ સામે સિઝનની પહેલી જ મેચમાં તેણે તોફાની રીતે અડધી સદી ફટકારી હતી. ત્યારબાદ તેણે લખનૌ સુપર જાયન્ટ્સ (Lucknow Super Giants) સામે સિક્સર વડે ઇનિંગની શરૂઆત કરી હતી. જો કે ધોનીની ઓળખ એક આક્રમક બેટ્સમેન તરીકેની રહી છે, પરંતુ તેની ઉંમર જે તબક્કે છે તે તબક્કે બહુ ઓછા લોકોને તેની પાસેથી આવી બેટિંગની અપેક્ષા હતી.

ચેન્નાઈ સુપર કિંગ્સની ઈનિંગની 19મી ઓવરમાં ધોની બેટિંગ કરવા આવ્યો હતો. તેણે આવતાની સાથે જ અવેશ ખાનની ઑફ-સાઇટમાં લાગેલા શોર્ટ બોલને સિક્સરના રુપમાં ફટકારી દીધો હતો. આ શોટ વધારાના કવરની ઉપર ગયો અને પ્રેક્ષકોમાં જઈને પડ્યો હતો. આઈપીએલમાં આ પ્રથમ વખત હતુ, જ્યારે ધોનીએ સિક્સર સાથે ખાતું ખોલ્યું હતું. ત્યારબાદ ધોનીએ આગળના બોલને પાછળની દિશામાં ચાર રન માટે મોકલ્યો. આ સાથે ધોનીએ બે બોલમાં 10 રન બનાવ્યા હતા. તેણે પછીના બે બોલ પર બેટ પણ ખસેડ્યું પરંતુ બોલનો સંપર્ક થઈ શક્યો નહીં. પરંતુ ધોની પાસે જે પ્રકારની બેટની સ્પીડ હતી તે જોઈને એવું લાગી રહ્યું હતું કે જો બોલ સાથે સંપર્ક હોત તો ચોક્કસ બાઉન્ડ્રી મળી શકી હોત.

IPL 2022 માં ધોની અણનમ રહ્યો છે

એમએસ ધોનીએ 20મી ઓવરમાં બે બોલ રમવાના હતા. આમાંથી એક પર બે રન આવ્યા અને બીજી પર ચોગ્ગો લાગ્યો. યોગાનુયોગ, બાઉન્ડ્રી બોલ ઇનિંગનો છેલ્લો બોલ હતો. ધોની માટે ઈનિંગના છેલ્લા બોલ પર મોટો શોટ મારવાની પરંપરા રહી છે. આ રીતે ધોની છ બોલમાં બે ચોગ્ગા અને એક છગ્ગાની મદદથી અણનમ 16 રન બનાવીને પાછો ફર્યો હતો. તેનો સ્ટ્રાઈક રેટ 266 હતો. આઈપીએલ 2022 ની બંને મેચોમાં તે અત્યાર સુધી અણનમ રહ્યો છે. તેણે પ્રથમ મેચમાં 38 બોલમાં અણનમ 50 રન બનાવ્યા હતા.

ધોનીએ 7000 T20 રન પૂરા કર્યા

એમએસ ધોનીએ લખનૌ સુપર જાયન્ટ્સ સામે 16 રનની ઇનિંગ સાથે T20 ક્રિકેટમાં 7000 રન પણ પૂરા કર્યા. આવું કરનાર તે છઠ્ઠો ભારતીય બેટ્સમેન છે. તેના પહેલા વિરાટ કોહલી, રોહિત શર્મા, શિખર ધવન, સુરેશ રૈના અને રોબિન ઉથપ્પા આ મુકામ પર પહોંચી ચુક્યા છે. 7000 T20 રનમાંથી ધોનીએ CSK માટે 4687, ભારત માટે 1617, રાઇઝિંગ પૂણે સુપરજાયન્ટ્સ માટે 574 અને ઝારખંડ માટે 123 રન બનાવ્યા છે.

આ પણ વાંચોઃ IPL 2022, CSK vs LSG: અંબાતી રાયડૂને રન આઉટ કરવાનુ જ ચામિરા ભૂલી ગયો, કૃણાલ પંડ્યા પણ આશ્વર્યથી જોતો જ રહી ગયો, Video

આ પણ વાંચોઃ CM ભૂપેન્દ્ર પટેલે ટ્રોફી લોંચીંગ સમયે શાનદાર ક્રિકેટ બેટ જોઈ કહ્યુ ‘મારે પણ આવુ બેટ જોઈશે’, ચૂંટણી પહેલા ચોગ્ગા છગ્ગા વાળી કરશે!

Follow us on

Related Stories

Most Read Stories

Click on your DTH Provider to Add TV9 Gujarati