South Africa ના કોચ એ ભર્યુ મોટુ પગલુ, ટીમનો સાથ છોડવાનો લીધો નિર્ણય
દક્ષિણ આફ્રિકા અત્યાર સુધી એક પણ વર્લ્ડ કપ (World Cup) જીતી શક્યું નથી અને આ વખતે આ રાહ સમાપ્ત કરવાનો પ્રયાસ કરશે.
ઓસ્ટ્રેલિયાની ધરતી પર યોજાનારા આઇસીસી ટી20 વર્લ્ડ કપ (T20 World Cup 2022) ને આડે હવે લગભગ એક મહિનો બાકી છે અને તે પહેલા જ દક્ષિણ આફ્રિકાથી એક મોટા સમાચાર આવ્યા છે. સાઉથ આફ્રિકા ટીમ (South Africa Cricket Team) ના મુખ્ય કોચ માર્ક બાઉચર આ વર્લ્ડ કપ પછી પોતાનું પદ છોડી દેશે.ક્રિકેટ સાઉથ આફ્રિકાએ ટ્વીટ કરીને આ જાણકારી આપી. ક્રિકેટ દક્ષિણ આફ્રિકાએ એક નિવેદનમાં જણાવ્યું છે કે માર્ક બાઉચરે (Mark Boucher) કારકિર્દીની નવી તકો શોધવા માટે તેમના પદ પરથી રાજીનામું આપવાનો નિર્ણય કર્યો છે.
ક્રિકેટ સાઉથ આફ્રિકાએ ટ્વીટ કર્યું, “દક્ષિણ આફ્રિકા ટીમના મુખ્ય કોચ માર્ક બાઉચર ઓસ્ટ્રેલિયામાં યોજાનાર T20 વર્લ્ડ કપ પછી પદ છોડી દેશે.”
BOUCHER TO STEP DOWN 🚨#Proteas head coach Mark Boucher will leave his role at the conclusion of the ICC Men’s T20 World Cup 2022 in Australia.
Read More 🔗 https://t.co/xCJNBiDMzr pic.twitter.com/adW3Aw7FwG
— Cricket South Africa (@OfficialCSA) September 12, 2022
CSA એ કહ્યું આભાર
ક્રિકેટ સાઉથ આફ્રિકાએ કહ્યું, “અમે માર્ક બાઉચરને તેના સમય અને પ્રયત્નો માટે આભાર માનીએ છીએ. તેણે ત્રણ વર્ષમાં દક્ષિણ આફ્રિકા માટે ઘણું કર્યું છે. તેમણે અમને મુશ્કેલીના સમયમાં બહાર કાઢ્યા છે, તે પણ જ્યારે ઘણા સિનિયર ખેલાડીઓ નિવૃત્ત થયા હતા. તેણે ટીમની આગામી પેઢીના નિર્માણ માટે પાયો નાખ્યો છે.”
આ ટીમ સાથે જોડાઈ શકે છે
બાઉચરે ડિસેમ્બર-2019માં આ પદ સંભાળ્યું હતું. તેના નેતૃત્વમાં દક્ષિણ આફ્રિકાએ 10 ટેસ્ટ મેચ, 12 વનડે, 23 T20 આંતરરાષ્ટ્રીય મેચ જીતી હતી. બાઉચરના કોચિંગ હેઠળ પણ, દક્ષિણ આફ્રિકાએ ભારતને ઘરઆંગણે ટેસ્ટ શ્રેણીમાં 2-1થી જીત અપાવી હતી. આ સિરીઝમાં દક્ષિણ આફ્રિકાને જીતના દાવેદાર તરીકે કોઈ માનતું ન હતું.મીડિયા અહેવાલ અનુસાર, બાઉચર એમઆઈ કેપ ટાઉનના કોચનું પદ સંભાળી શકે છે. દક્ષિણ આફ્રિકાને સપ્ટેમ્બર અને ઓક્ટોબરમાં ભારત સામે ત્રણ મેચની ટી-20 શ્રેણી રમવાની છે અને તે પછી ટીમ વર્લ્ડ કપ માટે રવાના થશે.
Latest News Updates
