Rishabh Pant પર મહેલા જયવર્દનેનું મોટું નિવેદન, કહ્યું- આ ખેલાડીમાં છે શાનદાર ઓપનર બનવાની ક્ષમતા

Mahela Jayawardene: મહેલા જયવર્દનેએ કહ્યું કે રિષભ પંતે ભારતીય ટીમ માટે ઓપનિંગ કરવું જોઈએ. તો તેણે કહ્યું કે પંત જ્યાં પણ બેટિંગ કરે છે, પરંતુ આ ખેલાડીની રમત બદલાશે નહીં.

Rishabh Pant પર મહેલા જયવર્દનેનું મોટું નિવેદન, કહ્યું- આ ખેલાડીમાં છે શાનદાર ઓપનર બનવાની ક્ષમતા
Rishabh Pant (File Photo)
TV9 GUJARATI

| Edited By: Adhirajsinh jadeja

Aug 14, 2022 | 10:55 AM

શ્રીલંકાના પૂર્વ કેપ્ટન મહેલા જયવર્દને (Mahela Jayawardene) એ ભારતીય વિકેટ કીપર બેટ્સમેન રિષભ પંત (Rishabh Pant) પર મોટું નિવેદન આપ્યું છે. વાસ્તવમાં તેણે કહ્યું કે, રિષભ પંતે ભારતીય ટીમ માટે ઓપનિંગ કરવું જોઈએ. ઘણા સમયથી ભારતીય ટીમ નંબર-3 બેટ્સમેનની શોધમાં છે. આ માટે ભારતીય ટીમ મેનેજમેન્ટે અલગ-અલગ ખેલાડીઓને અજમાવ્યા છે. તો ગયા વર્ષે T20 વર્લ્ડ કપમાં રોહિત શર્મા (Rohit Sharma) અને કેએલ રાહુલ (KL Rahul) એ ભારતીય માટે ઓપનરની ભૂમિકા ભજવી હતી. આ સિવાય રોહિત શર્મા અને કેએલએ પણ ન્યૂઝીલેન્ડ સામેની શ્રેણીમાં ભારતીય ઇનિંગ્સની શરૂઆત કરી હતી.

રિષભ પંતમાં ઓપનર બનવાની ક્ષમતા સારી છેઃ જયવર્ધના

શ્રીલંકાના પૂર્વ સુકાની મહેલા જયવર્દને (Mahela Jayawardene) નું માનવું છે કે રિષભ પંત ભલે ડોમેસ્ટિક ક્રિકેટમાં ઓપનર તરીકે વધુ રમ્યો ન હોય. પરંતુ આ ખેલાડીમાં શ્રેષ્ઠ ઓપનર બનવાની ક્ષમતા છે. મહેલા જયવર્દનેના કહેવા પ્રમાણે, જે સ્થાન પર ભારતીય વિકેટ કીપર બેટ્સમેન રિષભ પંત બેટિંગ કરે પણ આ ખેલાડીની રમતમાં કોઈ ફેરફાર નહીં થાય. તેણે કહ્યું કે રિષભ પંતની કુદરતી રમત ઓપનર તરીકે વધુ સારો વિકલ્પ સાબિત થશે.

એશિયા કપમાં રિષભ પંત વિકેટકીપર તરીકે પહેલી પસંદ છે

ઉલ્લેખનીય છે કે રિષભ પંત (Rishabh Pant) ની એશિયા કપ 2022 (Asia Cup 2022) માટે ભારતીય ટીમ (Team India) માં પસંદગી કરવામાં આવી છે. વાસ્તવમાં એવું માનવામાં આવે છે કે વિકેટકીપર તરીકે રિષભ પંત ભારતીય ટીમ મેનેજમેન્ટની પહેલી પસંદ હશે. એશિયા કપ 2022 માં ભારતીય ટીમ 28 ઓગસ્ટે પાકિસ્તાન સામે મેદાનમાં ઉતરશે. તે જ સમયે આ પહેલા બંને ટીમો ગયા વર્ષે T20 વર્લ્ડ કપમાં આમને-સામને આવી હતી. તે મેચમાં ભારતીય ટીમને હારનો સામનો કરવો પડ્યો હતો.

Latest News Updates

Follow us on

Related Stories

Most Read Stories

Click on your DTH Provider to Add TV9 Gujarati