Jaydev Unadkat: જયદેવ ઉનડકટને પોતાની ધુંઆધાર રમતનો વિડીયો શેર કરવો ભારે પડી ગયો, અંતે સ્પષ્ટતા કરવી પડી
જયદેવ ઉનડકટ (Jaydev Unadkat) ની ન્યુઝીલેન્ડ (New Zealand) સામેની T20 અને ટેસ્ટ શ્રેણી માટે ટીમ ઈન્ડિયામાં પસંદગી કરવામાં આવી નથી.
ભારતીય બોલર જયદેવ ઉનડકટે (Jaydev Unadkat) શુક્રવારે તેની બેટિંગનો એક વીડિયો શેર કર્યો હતો, જેનો ચાહકોએ અલગ અર્થ કાઢ્યો હતો. સોશિયલ મીડિયા પર ફેન્સની પ્રતિક્રિયા બાદ જયદેવે પોતે આગળ આવીને આ અંગે સ્પષ્ટતા કરવી પડી હતી. જયદેવ આ દિવસોમાં ટીમ ઈન્ડિયા (Team India) ની બહાર છે અને સૈયદ મુશ્તાક અલી ટ્રોફી (Syed Mushtaq Aly Trophy) માં રમી રહ્યો છે. જયદેવને ન તો ટેસ્ટ ટીમ માટે પસંદ કરવામાં આવ્યો હતો અને ન તો ન્યૂઝીલેન્ડ (New Zealand) સામેની T20 ટીમમાં. આ સિવાય દક્ષિણ આફ્રિકાના પ્રવાસે જઈ રહેલી ઈન્ડિયા A ટીમમાં પણ તેનું નામ સામેલ નથી.
ટીમની જાહેરાતના થોડા સમય બાદ જ જયદેવે સોશિયલ મીડિયા પર એક વીડિયો શેર કર્યો હતો જેમાં તે તોફાની બેટિંગ કરતો જોવા મળ્યો હતો. આ વીડિયો તેમના માટે ઝંઝાળ બની ગયો હતો. જયદેવનો વીડિયો જોઈને ચાહકોને લાગ્યું કે તે BCCIને નિશાન બનાવી રહ્યો છે. જ્યારે કેટલાકે કહ્યું કે તે હાર્દિક પંડ્યા (Hardik Pandya) ની મજાક ઉડાવી રહ્યો છે. હવે રાજસ્થાન રોયલ્સના આ બોલરે આગળ આવીને વીડિયો શેર કરવા પાછળના કારણ વિશે વાત કરી છે.
જયદેવે સ્પષ્ટતા કરી
તેણે ટ્વિટ કરીને લખ્યું, ‘મેં એક વીડિયો શેર કર્યો જેમાં હું ઘરેલુ ક્રિકેટમાં મારું પ્રદર્શન બતાવી રહ્યો હતો. કારણ કે તે ટીવી પર ટેલિકાસ્ટ થયો ન હતો. પરંતુ હું આનાથી કોઈને નિશાન બનાવતો ન હતો. મેં મારી ટીમ માટે જે કર્યું તેનાથી હું ખુશ હતો. હું તેની સામે દેખાવ કરતો હતો.
આ પછી, આગામી ટ્વીટમાં, તેણે લખ્યું, શું આપણે વસ્તુઓને સકારાત્મક રીતે ન જોવી જોઈએ. ઉપરાંત, રમતના આ સ્તરે પહોંચેલા ખેલાડીઓ માટે સન્માન હોવું જોઈએ. ટ્વીટ ટાઈપ કરવું સહેલું છે પરંતુ અબજો વચ્ચે રમતમાં આ સ્તરે પહોંચવું સરળ નથી.
By the means of uploading videos of what I was able to do in a recent domestic series (cos it isn’t telecasted), doesn’t mean I am taking a jibe at anyone or any player in anyway. I took pride in what I did for my team. I am happy. I showed off. (don’t we all love to do that?)
— Jaydev Unadkat (@JUnadkat) November 13, 2021
Shouldn’t we take things in a positive way & have mutual respect for everyone who’s reached this level in the sport? Typing a tweet can be easy, but reaching an elite level in a sport, in a country of a billion, is not! 🙌🏼
— Jaydev Unadkat (@JUnadkat) November 13, 2021
જયદેવે ઘરેલુ ક્રિકેટમાં શાનદાર પ્રદર્શન કર્યું હતું
ફાસ્ટ બોલરે ડોમેસ્ટિક ક્રિકેટમાં સાતત્યપૂર્ણ પ્રદર્શન કર્યું છે. તેણે રણજી ટ્રોફી સિઝન 2019-20માં શાનદાર પ્રદર્શન કર્યું હતું. જયદેવ ઉનડકટે 10 મેચમાં 13.23ની એવરેજથી 67 વિકેટ લીધી અને પોતાની ટીમને પ્રથમ રણજી ટાઇટલ જીતવામાં મદદ કરી. જો કે રાજસ્થાન રોયલ્સ તરફથી IPLમાં રમી ચુકેલા જયદેવ આ સિઝનમાં ખાસ કંઈ કરી શક્યા ન હતા.