IPL Eliminator: આજે RCB-LSG વચ્ચે ટક્કર, શું વિરાટ કોહલી બેંગ્લોરને જીત અપાવવા પોતાની તમામ તાકાત લગાડશે કે લોકેશ રાહુલ લખનૌનો બેડો પાર કરાવશે.?

IPL Eliminator: આજે RCB-LSG વચ્ચે ટક્કર, શું વિરાટ કોહલી બેંગ્લોરને જીત અપાવવા પોતાની તમામ તાકાત લગાડશે કે લોકેશ રાહુલ લખનૌનો બેડો પાર કરાવશે.?
KL Rahul and Virat Kohli (PC: TV9)

IPL 2022: લખનૌ સુપર જાયન્ટ્સ (LSG) અને રોયલ ચેલેન્જર્સ બેંગ્લોર (RCB) વચ્ચે આજે એલિમિનેટર મેચ રમાશે. આ મેચ કોલકાતાના ઈડન ગાર્ડન્સમાં સાંજે 7.30 વાગ્યાથી રમાશે.

TV9 GUJARATI

| Edited By: Adhirajsinh jadeja

May 25, 2022 | 2:45 PM

ઈન્ડિયન પ્રીમિયર લીગ (IPL 2022) સીઝનમાં આજે (25 મે) એલિમિનેટર મેચ રમાશે. આ મેચ લખનૌ સુપર જાયન્ટ્સ (Lucknow Super Giants) અને રોયલ ચેલેન્જર્સ બેંગ્લોર (Royal Challengers Bangalore) વચ્ચે રમાશે. આ મેચ કોલકાતાના ઈડન ગાર્ડન્સમાં સાંજે 7.30 વાગ્યાથી રમાશે. લીગમાં એલિમિનેટર મેચ જીતનાર ટીમ ક્વોલિફાયર 2 માં રાજસ્થાન રોયલ્સ (Rajasthan Royals) સામે ટકરાશે. અહીં જે પણ ટીમ જીતશે તે ફાઇનલમાં ટાઇટલ માટે ગુજરાત ટાઇટન્સ (Gujarat Titans) સાથે ટકરાશે. એટલે કે એલિમિનેટર રમી રહેલી લખનૌ અને બેંગ્લોરની ટીમને હવે ટાઈટલ માટે અહીંથી ત્રણ મેચ જીતવી પડશે.

ગત મેચમાં બેંગ્લોર ટીમે 18 રને માત આપી હતી

લખનૌ આઈપીએલની નવી ટીમ છે અને તેણે બેંગ્લોર સામે એક મેચ રમી છે. બંને ટીમો વચ્ચે છેલ્લી મેચ આ જ સિઝનમાં 19 એપ્રિલે જ રમાઈ હતી. ત્યાર બાદ વિરાટ કોહલીની ટીમ RCB એ KL રાહુલની કેપ્ટન્સીવાળી લખનૌને 18 રનથી હરાવ્યું હતું. આવી સ્થિતિમાં કોહલીની સેનાને લખનૌની ટીમની તાકાત અને નબળાઈનો અંદાજ છે. જ્યારે રાહુલ અને ટીમે આરસીબી પર વિજય મેળવવો પડશે.

ડુ પ્લેસિસ સદીથી ચુક્યો, કોહલીનો ‘ગોલ્ડન ડક’

છેલ્લી મેચમાં આરસીબીના બોલરો લખનૌના બેટ્સમેનો પર સંપૂર્ણ રીતે વર્ચસ્વ જમાવી રહ્યા હતા. ફાસ્ટ બોલર જોશ હેઝલવુડે 4 અને હર્ષલ પટેલે 2 વિકેટ ઝડપી હતી. સ્પિનર ​​શાહબાઝ અહેમદે ચુસ્ત બોલિંગ કરી હતી. આવી સ્થિતિમાં લખનૌના બેટ્સમેનો માટે આરસીબીના બોલરોને કાબુમાં લેવાનો પડકાર રહેશે. જ્યારે આરસીબીના કેપ્ટન ફાફ ડુ પ્લેસિસે લખનઉના બોલરોની ધોલાઈ કરતા 64 બોલમાં 96 રન બનાવ્યા હતા.

જોકે આ મેચમાં વિરાટ કોહલી ‘ગોલ્ડન ડક’ પર આઉટ થયો હતો. આવી સ્થિતિમાં આ વખતે તેની સામે મોટી ઇનિંગ રમવાનો પડકાર છે. લખનૌના કેપ્ટન રાહુલે તે મેચમાં 30 રન બનાવ્યા હતા. આ વખતે સમગ્ર બોજ તેના પર રહેશે. જો તે મોટો સ્કોર કરશે તો જ તેની ટીમ પડકારજનક સ્કોર બનાવી શકશે.

રોયલ ચેલેન્જર્સ બેંગ્લોરની ટીમઃ

બેટ્સમેન/વિકેટકીપરઃ વિરાટ કોહલી, ફાફ ડુ પ્લેસિસ, દિનેશ કાર્તિક, અનુજ રાવત, ફિન એલન, રજત પાટીદાર ઓલરાઉન્ડરઃ ગ્લેન મેક્સવેલ, હર્ષલ પટેલ, વાનિન્દુ હસરંગા, શાહબાઝ અહેમદ, મહિપાલ લોમરોર, શેરફેન રધરફોર્ડ, સુયશ પ્રભુદેસાઈ, અનિશ્વર ગૌતમ, ડેવિડ વિલી. બોલરઃ મોહમ્મદ સિરાજ, આકાશ દીપ, જોશ હેઝલવુડ, જેસન બેહરનડોર્ફ, ચામા મિલિંદ, કર્ણ શર્મા, સિદ્ધાર્થ કૌલ.

લખનૌ સુપર જાયન્ટ્સની ટીમઃ

બેટ્સમેન/વિકેટકીપરઃ કેએલ રાહુલ, ક્વિન્ટન ડી કોક, મનીષ પાંડે, મનન વોહરા, એવિન લુઈસ. ઓલરાઉન્ડરઃ માર્કસ સ્ટોઈનીસ, જેસન હોલ્ડર, દીપક હુડા, કૃણાલ પંડ્યા, કે ગૌતમ, આયુષ બદોની, કાયલ મેયર્સ, કરણ શર્મા. બોલરઃ રવિ બિશ્નોઈ, એન્ડ્રુ ટાય, અવેશ ખાન, અંકિત રાજપૂત, દુષ્મંતા ચમીરા, શાહબાઝ નદીમ, મોહસીન ખાન, મયંક યાદવ.

Follow us on

Related Stories

Most Read Stories

Click on your DTH Provider to Add TV9 Gujarati