RR vs DC, IPL 2022: રાજસ્થાન રોયલ્સે અશ્વિનની અડધી સદી વડે દિલ્હી સામે 160 રનનો સ્કોર કર્યો, ચેતન સાકરીયાની 2 વિકેટ

RR vs DC, IPL 2022: રાજસ્થાન રોયલ્સે અશ્વિનની અડધી સદી વડે દિલ્હી સામે 160 રનનો સ્કોર કર્યો, ચેતન સાકરીયાની 2 વિકેટ
Ashwin અને Padikkal એ મહત્વની ભાગીદારી કરી હતી

દિલ્હી કેપિટલ્સ અને રાજસ્થાન રોયલ્સ (Rajasthan Royals vs Delhi Capitals) સામ સામે ટકરાઈ રહ્યા છે. બંને ટીમો પ્લેઓફની રેસમાં છે અને આજની મેચમાં જીત તેમની સ્થિતિ વધુ સુધારી શકે છે.

TV9 GUJARATI

| Edited By: Avnish Goswami

May 11, 2022 | 10:46 PM

IPL 2022 ની 58મી મેચ ડો. ડીવાય પાટીલ સ્ટેડિયમમાં દિલ્હી કેપિટલ્સ અને રાજસ્થાન રોયલ્સ (Rajasthan Royals vs Delhi Capitals) રમાઈ રહી છે. ઋષભ પંતે (Rishabh Pant) ટોસ જીતીને પહેલા ફિલ્ડીંગ પસંદ કરી હતી. આ માટે તેણે ઝાકળનુ કારણ પણ દર્શાવ્યુ હતુ. આમ ટોસ હારીને રાજસ્થાને ટોસ હારીને પ્રથમ બેટીંગ કરી હતી. પરંતુ તેની શરુઆત સારી રહી નહોતી. તેના બંને ઓપનર જલદી આઉટ થઈ ગયા હતા. પરંતુ રવિચંદ્રન અશ્વિને (Ravichandran Ashwin) બાદમાં સ્થિતી સંભાળી અડધી સદી ફટકારી હતી. 20 ઓવરના અંતે 6 વિકેટ ગુમાવીને રાજસ્થાને દિલ્હી સામે 160 રનનો સ્કોર કર્યો હતો. આમ દિલ્હી માટે 161 રનોનુ લક્ષ્ય આપ્યુ છે.

ઓપનીંગ જોડી લાંબો સમય ક્રિઝ પર રહી શકી નહોતી. બંને ઓપનરો એક બાદ એક પેવેલિયન પરત ફર્યા હતા. સૌથી પહેલા જોસ બટલરે વિકેટ ગુમાવી દીધી હતી. ત્રીજી ઓવરમાં 11 રનના ટીમ સ્કોર પર જ રાજસ્થાને તેની પ્રથમ વિકેટ જોસ બટલરના રુપમાં ગુમાવી દીધી હતી. તેણે 11 બોલનો સામનો કરીને 7 રન નોંધાવ્યા હતા. ત્યાર બાદ યશસ્વી જયસ્વાલ પણ 9મી ઓવરમાં આઉટ થયો હતો જોકે તે વખતે ટીમ 54 રનના સ્કોર પર જ પહોંચી હતી અને તેમાં તેનુ યોગદાન 19 રનનુ રહ્યુ હતુ. તેણે એક છગ્ગો અને એક ચોગ્ગો ફટકાર્યો હતો.

જોકે અસલી રંગ તો રવિચંદ્રને જમાવ્યો હતો. તેણે શરુઆતથી જ બાઉન્ડરી અને સિક્સર વચ્ચે વચ્ચે ફટકારી દીધી હતી. જેને લઈ તેણે મંદ ગતિએ ચાલી રહેલ રાજસ્થાનના સ્કોર બોર્ડને ઝડપ આપી હતી. તેની સાથે દેવદત પડિકલે પણ સારી રમત સાથે સાથ પુરાવ્યો હતો. અશ્વિને તેના કરિયરની પ્રથમ ટી20 અડધી સદી નોંધાવી હતી. તેણે 37 બોલમાં ફીફટી ફટકારી હતી. જેમાં તેણે 2 છગ્ગા અને 4 ચોગ્ગા ફટકાર્યા હતા. જોકે અડધી સદી બાદ તુરત જ મિશેલ માર્શનો શિકાર થઈ પરત ફર્યો હતો.

કેપ્ટન સંજુ સેમસન આજે સસ્તામાં પરત ફર્યો હતો. તેણે માત્ર 6 રન જ નોંધાવ્યા હતા. રિયાન પરાગે આવતા સાથે એક છગ્ગો ફટરકારીને આક્રમકતા દર્શાવ હતી. પરંતુ તે પણ 5 બોલની રમત રમી ને પરત ફર્યો હતો. ચેતન સાકરિયાએ તેને રોવમેન પોવેલના હાથમાં કેચ ઝડપાવ્યો હતો. અંતમાં વાન ડેર ડુસેન 10 બોલમાં 12 રન સાથે અણન રહ્યો હતો. જ્યારે બોલ્ટ 3 બોલમાં 3 રન સાથે અણનમ રહ્યો હતો.

સાકરીયાની શાનદાર બોલીંગ

ચેતન સાકરીયા આજે પ્લેયીંગ ઈલેવનમાં પરત ફર્યો હતો અને તે સાથે જ તેણે તેનો પ્રભાવ પણ દર્શાવી દીધો હતો. સાકરીયાએ 4 ઓવરમાં 23 રન જ આપીને 2 વિકેટ ઝડપી હતી. જેમાં સૌથી પહેલા જોસ બટલરની મહત્વની વિકેટ ઝડપી હતી. મિશેલ માર્શે 3 ઓવરમાં 25 રન આપીને 2 વિકેટ ઝડપી હતી. જ્યારે એનરિક નોરખિયાએ 4 ઓવરમાં 39 રન આપીને 2 વિકેટ ઝડપી હતી. અક્ષર પટેલ ખર્ચાળ બોલર રહ્યો હતો. તેણે 2 ઓવરમાં 25 રન આપ્યા હતા.

Follow us on

Related Stories

Most Read Stories

Click on your DTH Provider to Add TV9 Gujarati