IPL 2022 : RCB ત્રણવાર ફાઇનલ રમી ચુકી છે, આ ત્રણ ટીમોએ ટાઇટલ જીતવાનું સપનું તોડ્યું હતું

IPL 2022 ની ક્વોલિફાયર 2 આજે અમદાવાદના નરેન્દ્ર મોદી સ્ટેડિયમ (Narendra Modi Stadium) માં રોયલ ચેલેન્જર્સ બેંગ્લોર (Royal Challengers Bangalore) અને રાજસ્થાન રોયલ્સ (Rajasthan Royals) વચ્ચે રમાશે. જ્યાં આ મેચ જીતનારી ટીમનો મુકાબલો ફાઇનલમાં ક્વોલિફાયર 1ની વિજેતા ગુજરાત ટાઇટન્સ (Gujarat Titans) સાથે થશે. જ્યારે હારનાર ટીમની સફર અહીં જ પુરી થઇ જશે. જો RCB આ મેચ જીતશે તો તે ચોથી વખત હશે કે જ્યારે તે IPL ની ફાઈનલ રમશે. આ પહેલા પણ ટીમ 3 વખત ફાઇનલમાં પહોંચી ચુકી છે. પરંતુ દરેક વખતે તેને હારનો સામનો કરવો પડ્યો છે.

બેંગ્લોરે પહેલીવાર 2009 માં ફાઇનલમાં પહોંચી હતી

IPL 2009 ની એટલે કે બીજી સિઝનમાં ફાઇનલ મેચ ડેક્કન ચાર્જર્સ અને રોયલ ચેલેન્જર્સ બેંગ્લોર વચ્ચે રમાઈ હતી. આ મેચ મુંબઈના વાનખેડે સ્ટેડિયમમાં રમાઈ હતી. બેંગ્લોર ટીમે ટોસ જીતીને પહેલા બોલિંગ કરવાનો નિર્ણય કર્યો હતો. પ્રથમ બેટિંગ કરતા ડેક્કન ચાર્જર્સે 6 વિકેટે 143 રન બનાવ્યા હતા. જેના જવાબમાં બેંગ્લોરની ટીમ 9 વિકેટના નુકસાને 137 રન જ બનાવી શકી હતી. ડેક્કન ચાર્જર્સે આ મેચ 6 રને જીતી લીધી હતી. અનિલ કુંબલેને પ્લેયર ઓફ ધ મેચ જાહેર કરવામાં આવ્યો હતો.

Web Stories View more

SBI પાસેથી 25 વર્ષ માટે 50 લાખની હોમ લોન પર EMI કેટલી આવે?

પ્રાઇવેટ જેટ.. દુબઈમાં વિલા મુકેશ અંબાણી છે આ 10 મોંઘી વસ્તુઓના માલિક

મુકેશ અંબાણી રિલાયન્સ ગુપ સાથે ક્યારે જોડાયા?

સલમાન ખાનની 'ગર્લફ્રેન્ડ' લુલિયા છે ખુબ સુંદર, જુઓ ફોટો

ઐશ્વર્યા રાય બચ્ચન તેના પતિ અભિષેક કરતાં કેટલી મોટી?

નાળિયેર પાણીમાં લીંબુનો રસ ભેળવીને પીવાથી થાય છે આ ગજબના ફાયદા, જાણો અહીં

One last step in the Road to the Final. 🙌🏻

Channelling all our #ChallengerSpirit for tonight. 💪🏻

Tune into @StarSportsIndia or @DisneyPlusHS & catch all the action from the Qualifier 2️⃣ LIVE. 👊🏻#PlayBold #WeAreChallengers #IPL2022 #Mission2022 #RCB #ನಮ್ಮRCB #PlayOffs #RRvRCB pic.twitter.com/L82KP1SCkR

— Royal Challengers Bangalore (@RCBTweets) May 27, 2022

બેંગ્લોરે બીજીવાર 2011 માં ફાઇનલમાં પ્રવેશ કર્યો હતો

IPL 2011 ની એટલે કે ચોથી સિઝનમાં ફાઇનલ મેચ ચેન્નાઈ સુપર કિંગ્સ અને રોયલ ચેલેન્જર્સ બેંગ્લોર વચ્ચે રમાઈ હતી. આ મેચ ચેન્નાઈના એમએ ચિદમ્બરમ સ્ટેડિયમમાં રમાઈ હતી. ટોસ જીતીને પ્રથમ બેટિંગ કરતા ચેન્નાઈએ 5 વિકેટના નુકસાને 205 રન બનાવ્યા હતા. જવાબમાં બેંગ્લોરે 8 વિકેટે 147 રન જ બનાવી શકી હતી. ચેન્નાઈએ ફાઈનલ મેચ 58 રને જીતી લીધી હતી. મુરલી વિજયને પ્લેયર ઓફ ધ મેચ જાહેર કરવામાં આવ્યો હતો.

બેંગ્લોર ત્રીજીવાર 2016 માં ફાઇનલમાં પહોંચ્યું હતું

IPL 2016 ની ફાઈનલ મેચ સનરાઈઝર્સ હૈદરાબાદ અને રોયલ ચેલેન્જર્સ બેંગ્લોર વચ્ચે રમાઈ હતી. આ મેચ ચેન્નાઈના એમએ ચિદમ્બરમ સ્ટેડિયમમાં રમાઈ હતી. ટોસ જીતીને પ્રથમ બેટિંગ કરતા હૈદરાબાદે 7 વિકેટે 208 રન બનાવ્યા હતા. જવાબમાં બેંગ્લોરે 7 વિકેટે 200 રન જ બનાવી શકી હતી. હૈદરાબાદે આ મેચ 8 રને જીતી લીધી હતી. બેન કટિંગને પ્લેયર ઓફ ધ મેચ જાહેર કરવામાં આવ્યો હતો.