IPL 2022 Qualifier 2: મેન ઓફ ધ મેચ બન્યા બાદ જોસ બટલરે પૂર્વ સુકાની શેન વોર્નને લઇને કહી મહત્વની વાત
IPL 2022: જોસ બટલરના 112 રનને કારણે રાજસ્થાન રોયલ્સ (RR) એ ક્વોલિફાયર 2 માં રોયલ ચેલેન્જર્સ બેંગ્લોર (RCB) ને સરળતાથી હરાવ્યું. જોસ બટલરને આ શાનદાર ઇનિંગ્સ માટે મેન ઓફ ધ મેચ જાહેર કરવામાં આવ્યો હતો.
અમદાવાદના નરેન્દ્ર મોદી સ્ટેડિયમ (Narendra Modi Stadium) ખાતે IPL 2022 માં રાજસ્થાન રોયલ્સ (Rajasthan Royals) અને રોયલ ચેલેન્જર્સ બેંગ્લોર (Royal Challengers Bangalore) વચ્ચે ક્વોલિફાયર-2 રમાઈ હતી. આ મેચમાં રાજસ્થાન રોયલ્સ (RR) એ જોસ બટલર (Jos Buttler) ના 112 રનના કારણે રોયલ ચેલેન્જર્સ બેંગ્લોર (RCB) ને સરળતાથી હરાવ્યું હતું. અણનમ 112 રન બનાવનાર જોસ બટલરને મેન ઓફ ધ મેચ જાહેર કરવામાં આવ્યો હતો. તે જ સમયે સોશિયલ મીડિયા પર પણ ચાહકો જોસ બટલરની જોરદાર પ્રશંસા કરી રહ્યા હતા. આ જીત સાથે રાજસ્થાન રોયલ્સ (RR) 14 વર્ષ બાદ ફાઇનલમાં પહોંચી ગયું છે.
હવે ફાઇનલ મેચમાં રાજસ્થાન રોયલ્સ (RR) નો સામનો હાર્દિક પંડ્યા (Hardik Pandya) ની આગેવાની હેઠળની ગુજરાત ટાઇટન્સ (Gujarat Titans) સામે થશે. આ મેચ 29 મેના રોજ અમદાવાદના નરેન્દ્ર મોદી સ્ટેડિયમમાં રમાશે. પોતાની સદીની ઇનિંગ્સથી રાજસ્થાન રોયલ્સ (RR) ને જીત અપાવનાર જોસ બટલરે મોટું નિવેદન આપ્યું છે.
IPL ફાઇનલમાં રમવાને લઇને ઘણો ઉત્સાહિત છુંઃ જોસ બટલર
જોસ બટલરે કહ્યું, ‘હું આ સિઝનમાં ઘણી ઓછી અપેક્ષાઓ સાથે આવ્યો હતો. પરંતુ ઊર્જાની કોઈ કમી ન હતી. ફાઈનલ મેચ રમવી એક શાનદાર અનુભવ હશે. આ સિઝનના મધ્યમાં હું એક દબાણ અનુભવી રહ્યો હતો. તેણે લગભગ 1 અઠવાડિયા પહેલા પોતાની આસપાસના લોકોને પણ કહ્યું હતું. એ તમામ લોકોએ મને મદદ કરી. જે પછી હું સારી માનસિકતા સાથે કોલકાતા ગયો.
રાજસ્થાન રોયલ્સ (RR) ના ઓપનરે કહ્યું કે, ‘કેટલીકવાર પરિસ્થિતિઓ મારા પક્ષમાં નથી હોતી. આવી સ્થિતિમાં હું ખોટો શોટ મારીને આઉટ થઈ જાઉં છું. પરંતુ કુમાર સંગાકારાએ મને કહ્યું કે તમે જેટલો વધુ સમય વિકેટ પર વિતાવશો તેટલું સારું કરી શકશો. તેણે એમ પણ કહ્યું કે IPL T20 ક્રિકેટની સૌથી મોટી ટૂર્નામેન્ટ છે. હું આ ટુર્નામેન્ટની ફાઇનલમાં રમવા માટે ખૂબ જ ઉત્સાહિત છું. રાજસ્થાન રોયલ્સ (RR) ના પ્રથમ સુકાની શેન વોર્નનો આ ટીમ માટે ઘણો અર્થ છે. અમે બધા તેને મિસ કરી રહ્યા છીએ.
જોસ બટલર મેન ઓફ ધ મેચ જાહેર થયો હતો
તમને જણાવી દઈએ કે 14 વર્ષ બાદ રાજસ્થાન રોયલ્સ (RR) ની ટીમ ફાઇનલમાં પહોંચી છે. આ સાથે જ આ હાર સાથે રોયલ ચેલેન્જર્સ બેંગ્લોર (RCB) નું ટાઈટલ જીતવાનું સપનું પણ તૂટી ગયું હતું. રાજસ્થાનની આ જીતનો હીરો જોસ બટલર રહ્યો હતો. બટલરે છગ્ગો ફટકારીને પોતાની ટીમને જીત અપાવી હતી. બટલરે 60 બોલમાં અણનમ 106 રન બનાવ્યા હતા. આ દરમિયાન તેણે 10 ચોગ્ગા અને 6 છગ્ગા ફટકાર્યા હતા. આ સિઝનમાં બટલરની આ ચોથી સદી છે. આ સાથે તે એક સિઝનમાં સૌથી વધુ સદી ફટકારનાર બેટ્સમેનોની યાદીમાં વિરાટ કોહલી સાથે સંયુક્ત નંબર વન પર પહોંચી ગયો છે.