IPL 2022: Prithvi Shaw ને હોસ્પિટલમાંથી મળી રજા, જાણો તે દિલ્હી કેપિટલ્સ માટે આગામી મેચ રમશે કે નહીં?

ઇન્ડિયન પ્રીમિયર લીગ (IPL 2022) માં પ્લેઓફની રેસ રસપ્રદ બની ગઈ છે. દરેક ટીમ હવે કોઈ ખચકાટ લેવાના મૂડમાં નથી. દિલ્હીની પ્લેઓફમાં પહોંચવાની તકો પણ ઉજળી છે. આ દરમિયાન તેના માટે એક સારા સમાચાર પણ આવ્યા છે. તેના સ્ટાર ઓપનર પૃથ્વી શૉ (Prithvi Shaw) ને હોસ્પિટલમાંથી રજા આપવામાં આવી છે. પૃથ્વી શૉ બીમાર હતો. જેના કારણે તેને હોસ્પિટલમાં દાખલ કરવામાં આવ્યો હતો. પરંતુ હવે સમાચાર છે કે તેને રવિવારે રજા આપવામાં આવી છે અને તે હોટલ પરત ફર્યો છે. જો કે પૃથ્વી શૉ પંજાબ કિંગ્સ સામે દિલ્હી કેપિટલ્સ માટે આગામી મેચ રમશે કે કેમ તે અંગે હાલમાં કંઈ સ્પષ્ટ નથી. મતલબ કે આ અંગેનું સસ્પેન્સ અકબંધ છે.

દિલ્હી કેપિટલ્સે તેની આગામી મેચ સોમવારે પંજાબ કિંગ્સ સામે રમવાની છે. IPL 2022 માં પૃથ્વી શોએ તેની છેલ્લી મેચ 1 મેના રોજ લખનૌ સુપર જાયન્ટ્સ સામે રમી હતી. ત્યારથી તે બીમાર ચાલી રહ્યો હતો. ત્યારબાદ તેને સારી સારવાર માટે હોસ્પિટલમાં દાખલ કરવામાં આવ્યો હતો.

Web Stories View more

ડાઉન ટુ અર્થ છે અરિજીત સિંહ , જુઓ ફોટો

વિરાટ કોહલીએ ફટકારી અડધી સદી, છતાં આ મામલે કર્યા નિરાશ

જમતા પહેલા, જમતી વખતે કે જમ્યા બાદ જાણો ક્યારે ખાવું જોઈએ સલાડ?

Nita Ambani Tea Cup: 3 લાખના કપમાં ચા પીવે છે 'નીતા અંબાણી', જાણો તે કપ ક્યાં અને શેમાંથી બને છે?

Axis Bank માંથી 8 લાખની પર્સનલ લોન પર EMI કેટલી આવશે?

અમદાવાદમાં ઘર બનાવવા માટે કેટલો ખર્ચ થશે, જાણી લો A ટુ Z ગણિત

દિલ્હી કેપિટલ્સ ટીમે હોસ્પિટલમાંથી રજા આપ્યાની જાણકારી આપી

દિલ્હી કેપિટલ્સે ટ્વિટર પર પૃથ્વી શૉને હોસ્પિટલમાંથી ડિસ્ચાર્જ થવાની માહિતી આપી હતી. તેણે લખ્યું, “દિલ્હી કેપિટલ્સના ઓપનર પૃથ્વી શૉને હોસ્પિટલમાંથી રજા આપવામાં આવી છે. જ્યાં તે ટાઈફોઈડની સારવાર લઈ રહ્યો હતો. શો હવે ટીમ હોટલમાં પરત ફર્યો છે. જ્યાં હવે દિલ્હી કેપિટલ્સની મેડિકલ ટીમ દ્વારા તેનું નિરીક્ષણ કરવામાં આવી રહ્યું છે.

OFFICIAL UPDATE:

Delhi Capitals opener Prithvi Shaw has been discharged from the hospital where he was being treated for a bout of typhoid. Shaw has returned to the team hotel where he is currently recuperating, while being monitored by the DC medical team. pic.twitter.com/EMJ5NACqpP

— Delhi Capitals (@DelhiCapitals) May 15, 2022

IPL 2022 માં પૃથ્વી શૉનું પ્રદર્શન

IPL 2022 માં પૃથ્વી શૉએ અત્યાર સુધી દિલ્હી કેપિટલ્સ માટે 9 મેચ રમી છે. જેમાં તેણે 28.78 ની એવરેજથી 259 રન બનાવ્યા છે. આ દરમિયાન તેની એવરેજ 61 રહી છે. બીમારીના કારણે તેણે દિલ્હીની ટીમની છેલ્લી 3 મેચમાં ભાગ લીધો નથી.

દિલ્હી કેપિટલ્સની ટીમ હાલમાં 12 પોઈન્ટ સાથે પોઈન્ટ ટેબલમાં છઠ્ઠા સ્થાને છે અને તેને વધુ 2 મેચ રમવાની છે. સારી વાત એ છે કે દિલ્હી કેપિટલ્સ ટીમનો રન રેટ પ્લસમાં છે. એટલે કે આગામી 2 મેચ જીતીને પણ તે પ્લે ઓફમાં પહોંચી શકે છે. પંજાબ કિંગ્સ સામેની મેચ રમ્યા બાદ દિલ્હીની ટીમે મુંબઈ ઈન્ડિયન્સ સાથે છેલ્લી લીગ મેચ રમવાની છે.