IPL 2022 playoffs: ઈડન ગાર્ડન્સમાં રમાશે 2 મેચ, જાણો પીચ રિપોર્ટ અને ભૂતકાળના રેકોર્ડ
IPL 2022 Playoffs : ઈડન ગાર્ડન્સમાં અત્યાર સુધીમાં 11 T20 મેચ રમાઈ છે. તેમાંથી પ્રથમ બેટિંગ કરનાર ટીમે 5 વખત જીત મેળવી છે. પ્રથમ દાવમાં સરેરાશ સ્કોર 155 છે.
ઇન્ડિયન પ્રીમિયર લીગ (IPL 2022) માં હવે લીગ સ્ટેજની મેચો પૂરી થઈ ગઈ છે. પ્લેઓફ મેચો 24મી મે થી શરૂ થશે. ક્વોલિફાયર 1 અને એલિમિનેટર કોલકાતાના ઈડન ગાર્ડન્સ સ્ટેડિયમ (Edan Garden Stadium) માં પ્લેઓફની 2 મેચો રમાશે. મંગળવારે ગુજરાત ટાઇટન્સ (Gujarat Titans) અને રાજસ્થાન રોયલ્સ (Rajasthan Royals) પ્રથમ ક્વોલિફાયરમાં ટકરાશે. જ્યારે બુધવારે લખનૌ સુપર જાયન્ટ્સ (Lucknow Super Giants) અને રોયલ ચેલેન્જર્સ બેંગ્લોર (Royal Challengers Bangalore) એલિમિનેટરમાં એકબીજાનો સામનો કરશે. આ મેચો માટે કોલકાતાની પિચ કેવી હશે અને આ મેદાન પર ભૂતકાળના રેકોર્ડ શું છે તે આ સમાચારમાં જાણીશું.
ઈડન ગાર્ડન્સ (Edan Garden Stadium) માં અત્યાર સુધીમાં કુલ 11 T20 મેચ રમાઈ છે. તેમાંથી પ્રથમ બેટિંગ કરનાર ટીમે 5 વખત જીત મેળવી છે. પ્રથમ દાવમાં સરેરાશ સ્કોર 155ની આસપાસ છે. તે જ સમયે, બીજી ઇનિંગ્સનો સરેરાશ સ્કોર 136 ની આસપાસ રહ્યો છે. આ મેદાન પર સૌથી વધુ સ્કોર 201 અને સૌથી ઓછો સ્કોર 70 રન છે. ઈડન ગાર્ડન્સે સૌથી વધુ 162 રનનો પીછો કર્યો હતો.
ઈડન ગાર્ડન્સ (Edan Garden Stadium) ની પીચ બેટિંગ માટે મદદરૂપ છે. આવી સ્થિતિમાં આઈપીએલ 2022ની પ્લેઓફ મેચોમાં હાઈ સ્કોરિંગ મેચો જોવા મળી શકે છે. કોલકાતાની પીચ બેટ્સમેન માટે અનુકૂળ હોવા છતાં અહીં સ્પિન બોલરોને ઘણી મદદ મળે છે. આઈપીએલની છેલ્લી મેચોમાં પણ સ્પિન બોલરોએ સારું પ્રદર્શન કર્યું છે. આ વર્ષે સ્પિનરોએ ઘણી સારી બોલિંગ કરી છે. પર્પલ કેપની યાદીમાં સ્પિનરોએ ટોપ પર પોતાનું સ્થાન નિશ્ચિત કરી લીધું છે.
પ્લેઓફમાં પહોંચનાર ટીમો
1) ગુજરાત ટાઇટન્સ 2) રાજસ્થાન રોયલ્સ 3) લખનૌ સુપર જાયન્ટ્સ 4) રોયલ ચેલેન્જર્સ બેંગ્લોર
પ્લેઓફમાંથી બહાર થયેલી ટીમો
1) મુંબઈ ઈન્ડિયન્સ 2) ચેન્નઈ સુપર કિંગ્સ 3) કોલકાતા નાઇટ રાઇડર્સ 4) સનરાઇઝર્સ હૈદરાબાદ 5) દિલ્હી કેપિટલ્સ 6) પંજાબ કિંગ્સ
Playoffs spot sealed ✅
Congratulations to the @RCBTweets on making it to the #TATAIPL 2022 playoffs! 👏👏 pic.twitter.com/pipXAVUQQg
— IndianPremierLeague (@IPL) May 21, 2022
IPL 2022 માં પ્લેઓફની મેચો આ પ્રમાણે છેઃ
– ક્વોલિફાયર 1ઃ 24 મે (કોલકાતા): ગુજરાત ટાઇટન્સ vs રાજસ્થાન રોયલ્સ – એલિમિનેટરઃ 25 મે (કોલકાતા): લખનૌ સુપર જાયન્ટ્સ vs રોયલ ચેલેન્જર્સ બેંગ્લોર – ક્વોલિફાયર 2ઃ 27 મે (અમદાવાદ): એલિમિનેટરની વિજેતા ટીમ vs પહેલા ક્વોલિફાયરની હારનાર ટીમ – ફાઇનલઃ 29 મે (અમદાવાદ): ક્વોિફાયર 1ની વિજેતા ટીમ vs ક્વોલિફાયર 2 ની વિજેતા ટીમ