CSK vs DC, IPL 2022: ચેન્નાઈ સુપર કિંગ્સે ખડક્યો વિશાળ સ્કોર, દિલ્હી સામે 6 વિકેટે 208 રન, કોનવેના 87 રન

IPL 2022 ની 55મી મેચ મુંબઈના ડીવાય પાટીલ સ્ટેડિયમમાં ચેન્નાઈ સુપર કિંગ્સ અને દિલ્હી કેપિટલ્સ (Chennai Super Kings vs Delhi Capitals) વચ્ચે રમાઈ રહી છે. દિલ્હીના કેપ્ટન ઋષભ પંતે (Rishabh Pant) ટોસ જીત્યો હતો અને પ્રથમ ફિલ્ડીંગ પસંદ કરી હતી. આમ ધોની સેનાએ ટોસ હારીને પહેલ બેટીંગ કરતા એક બાદ એક દિલ્દીના બોલરોને નિશાન બનાવતી બેટીંગ કરી હતી. ખાસ કરીને ઓપનર ડેવેન કોનવે (Devon Conway) એ 87 રનની જબરદસ્ત ઈનીંગ રમી હતી. તેની રમતને પગલે ચેન્નાઈ 200 રનના આંકડાને પાર કરવામાં સફળ રહ્યુ હતુ. અંતમાં ધોનીએ પણ શાનદાર રમત દર્શાવી હતી, તેણે અણનમ 21 રન 9 બોલમાં ફટકાર્યા હતા. ચેન્નાઈએ 20 ઓવરના અંતે 6 વિકેટ ગુમાવીને 208 રનનો સ્કોર કર્યો હતો.

ઓપનીંગ જોડીએ દિલ્હીને પરેશાન કરી દીધુ હતુ. ઓપનીંગ જોડી ડેવેન કોનવે અને ઋતુરાજ ગાયકવાડે શરુઆત થી જ દિલ્હીના બોલરોને ધોલાઈ કરવાનુ જારી રાખ્યુ હતુ. બંનેએ 110 રનની પાર્ટનરશીપ કરી હતી. ગાયકવાડના રુપમાં ચેન્નાઈએ પ્રથમ વિકેટ ગુમાવી હતી. તેણે 41 રન 33 બોલમાં કરીને પ્રથમ વિકેટ ગુમાવી હતી. તેને એનરિક નોરખિયાએ અક્ષર પટેલના હાથમાં કેચ ઝડપાવ્યો હતો.

મહેન્દ્રસિંહ ધોનીએ અણનમ 21 રન ફટકાર્યા હતા. તેણે 8 બોલમાં આ રન નોંધાવ્યા હતા. ધોનીએ 2 છગ્ગા અને 1 ચોગ્ગા ફટકાર્યો હતો. અંબાતી રાયડુ 6 બોલ રમીને 5 રન નોંધાવીને પેવેલિયન પરત ફર્યો હતો. મોઈન અલીએ 4 બોલમાં 9 રન નોંધાવ્યા હતા. રોબિન ઉથપ્પા શૂન્ય રન પર જ પરત ફર્યો હતો. ડ્વેન બ્રાવો 1 રન સાથે અણનમ રહ્યો હતો. આમ 6 વિકેટ ગુમાવીને 208 રનના સ્કોર કર્યો હતો.

Web Stories View more

SBI પાસેથી 25 વર્ષ માટે 50 લાખની હોમ લોન પર EMI કેટલી આવે?

પ્રાઇવેટ જેટ.. દુબઈમાં વિલા મુકેશ અંબાણી છે આ 10 મોંઘી વસ્તુઓના માલિક

મુકેશ અંબાણી રિલાયન્સ ગુપ સાથે ક્યારે જોડાયા?

સલમાન ખાનની 'ગર્લફ્રેન્ડ' લુલિયા છે ખુબ સુંદર, જુઓ ફોટો

ઐશ્વર્યા રાય બચ્ચન તેના પતિ અભિષેક કરતાં કેટલી મોટી?

નાળિયેર પાણીમાં લીંબુનો રસ ભેળવીને પીવાથી થાય છે આ ગજબના ફાયદા, જાણો અહીં

ખલીલ અહેમદ શાનદાર રહ્યો

એક તરફ ચેન્નાઈ રનનો વરસાદ વરસાવી રહ્યુ હતુ, તો બીજી તરફ ખલીલ અહેમદ પોતાની ધાક બેટ્સમેનો પર જમાવી રહ્યો હતો. તે ઓવર કરતો રહ્યો અને રન બચાવી રહ્યો હતો, જ્યારે અન્ય બોલરો રન લુટાવી રહ્યા હતા. ખલીલે 2 વિકેટ ઝડપી હતી અને 4 ઓવરમાં 28 રન ગુમાવ્યા હતા. એનરિક નોરખિયાએ શરુઆતમાં ખુબ માર સહ્યો હતો, પરંતુ તેણે 3 વિકેટ ઝડપી હતી. તેણે 4 ઓવરમાં 42 રન ગુમાવ્યા હતા. મિશેલ માર્શે 1 વિકેટ ઝડપી હતી. કુલદીપ યાદવ સૌથી વધુ ખર્ચાળ સરેરાશ ધરાવતો હતો, તેણે 3 ઓવરમાં 43 રન આપ્યા હતા. અક્ષર પટેલે3 ઓવરમાં 23 રન આપ્યા હતા. તેને જોકે વિકેટ નસીબ થઈ શકી નહોતી.