IPL 2022: જલ્દી બેંગ્લોર ટીમ સાથે જોડાશે ચેન્નઇનો પૂર્વ બોલર

ઈન્ડિયન પ્રીમિયર લીગ (IPL 2022) 2022 ની 13મી મેચ આજે રોયલ ચેલેન્જર્સ બેંગ્લોર (Royal Challengers Bangalore) અને રાજસ્થાન રોયલ્સ (Rajasthan Royals) વચ્ચે રમાઈ રહી છે. આ સિઝનની પ્રથમ મેચમાં બેંગ્લોરને પંજાબ કિંગ્સ (Punjab Kings) સામે હારનો સામનો કરવો પડ્યો હતો, પરંતુ બીજી મેચમાં બેંગ્લોરે કોલકાતા નાઈટ રાઈડર્સ (KKR) ને હરાવીને ટુર્નામેન્ટમાં શાનદાર વાપસી કરી હતી. બેંગ્લોર ટીમ 9 એપ્રિલે મુંબઈ ઈન્ડિયન્સ (Mumbai Indians) સામે મેચ રમ્યા બાદ 12 એપ્રિલે ચેન્નાઈ સુપર કિંગ્સ (Chennai Super Kings) સામે ટકરાશે. ઓસ્ટ્રેલિયાના ઝડપી બોલર જોશ હેઝલવુડને ચેન્નઇ સામેની મેચ માટે બેંગ્લોરની ટીમમાં સામેલ કરવામાં આવે તેવી શક્યતા છે. હાલમાં, તે પાકિસ્તાન સામે ચાલી રહેલી દ્વિપક્ષીય શ્રેણી માટે ઓસ્ટ્રેલિયન ટીમનો ભાગ છે.

જો કે, ઓસ્ટ્રેલિયાના સ્ટાર ફાસ્ટ બોલર જોસ હેઝલવૂડને બેંગ્લોર ટીમમાં જોડાતા પહેલા ત્રણ દિવસ માટે ક્વોરેન્ટાઈન થવું પડશે. તે IPL 2021 સુધી ચેન્નઇ સુપર કિંગ્સ ટીમનો ભાગ હતો. પરંતુ ફેબ્રુઆરી 2022 માં યોજાયેલી બે દિવસીય મેગા હરાજીમાં આ બોલરને બેંગ્લોર દ્વારા 7.75 કરોડ રૂપિયા ચૂકવીને તેની ટીમમાં સામેલ કરવામાં આવ્યો હતો.

થોડા દિવસો બાદ હેઝલવુડ બેંગ્લોર ટીમ સાથે જોડાઇ જશેઃ આઈપીએલ સૂત્ર

મીડિયા રીપોર્ટ પ્રમાણે આઇપીએલના એક સૂત્રએ જણાવ્યું કે, “જોસ હેઝલવુડ આગામી થોડા દિવસોમાં ટીમ સાથે જોડાશે. તે અન્ય ખેલાડીઓની જેમ પાકિસ્તાન સિરીઝ પછી સીધો તેની ફ્રેન્ચાઈઝીમાં જોડાયો ન હતો. તેણે અંગત કારણોસર થોડા દિવસની રજા લીધી હતી.” આનો અર્થ એ થયો કે હેઝલવુડ RCB માટે આગામી બે મેચો માટે ઉપલબ્ધ રહેશે નહીં.

Web Stories View more

ગુજરાતની ટીમમાં રમતી મહિલા ખેલાડીએ ગર્લફ્રેન્ડ સાથે કરી સગાઈ, તસવીરો આવી સામે

SBI પાસેથી 25 વર્ષ માટે 50 લાખની હોમ લોન પર EMI કેટલી આવે?

પ્રાઇવેટ જેટ.. દુબઈમાં વિલા મુકેશ અંબાણી છે આ 10 મોંઘી વસ્તુઓના માલિક

મુકેશ અંબાણી રિલાયન્સ ગુપ સાથે ક્યારે જોડાયા?

સલમાન ખાનની 'ગર્લફ્રેન્ડ' લુલિયા છે ખુબ સુંદર, જુઓ ફોટો

ઐશ્વર્યા રાય બચ્ચન તેના પતિ અભિષેક કરતાં કેટલી મોટી?

તમને જણાવી દઈએ કે જોશ હેઝલવુડે ઇન્ડિયન પ્રીમિયર લીગ (IPL 2021) માં ચેન્નઇની જીતમાં મહત્વની ભૂમિકા ભજવી હતી. તેણે 9 મેચમાં 26.63ની એવરેજ અને 8.37 ના ઈકોનોમી રેટથી 11 વિકેટ લીધી હતી. પરંતુ આ વખતે તેને ચેન્નઇ દ્વારા મુક્ત કરવામાં આવ્યો હતો. તેણે 2020 માં તેની IPL કારકિર્દીની શરૂઆત કરી હતી અને તેણે અત્યાર સુધી માત્ર 12 મેચ રમી છે. જેમાં તેણે 12 વિકેટ લીધી છે.

આ પણ વાંચો : IPL 2022: બેગ્લોરના ગ્લેન મેક્સવેલને લઇને ટીમ મેનેજમેન્ટે આપ્યું મહત્વનું નિવેદન

આ પણ વાંચો : ICC Women’s ODI Ranking: મિતાલી સાતમા સ્થાને, મંધાના નવમા સ્થાને પહોંચી