IPL 2022: જોસ બટલરે આ ખાસ રેકોર્ડ બનાવ્યો, કોહલી-ગેલ અને વોર્નર જેવા દિગ્ગજોની યાદીમાં જોડાયો

IPL 2022: જોસ બટલરે આ ખાસ રેકોર્ડ બનાવ્યો, કોહલી-ગેલ અને વોર્નર જેવા દિગ્ગજોની યાદીમાં જોડાયો
Jos Buttler (PC: IPL)

IPLની પ્રથમ ક્વોલિફાયર મેચમાં રાજસ્થાન રોયલ્સ (RR)નો મુકાબલો ગુજરાત ટાઈટન્સ (GT) સામે છે. આ મેચમાં રાજસ્થાનનો સ્ટાર બેટ્સમેન જોસ બટલર ફોર્મમાં પરત ફર્યો હતો અને તેણે 56 બોલમાં 89 રન બનાવ્યા હતા.

TV9 GUJARATI

| Edited By: Adhirajsinh jadeja

May 24, 2022 | 11:27 PM

ઈન્ડિયન પ્રીમિયર લીગ (IPL 2022)ની પ્રથમ ક્વોલિફાયર મેચમાં રાજસ્થાન રોયલ્સ (Rajasthan Royals)નો મુકાબલો ગુજરાત ટાઈટન્સ (Gujarat Titans) સામે છે. આ મેચમાં રાજસ્થાન રોયલ્સ ટીમનો સ્ટાર બેટ્સમેન જોસ બટલર (Jos Buttler) ફોર્મમાં પરત ફર્યો હતો અને તેણે 56 બોલમાં 89 રન બનાવ્યા હતા. આ ઈનિંગ દરમિયાન જોસ બટલરે શાનદાર પ્રદર્શન કરતા વધુ એક મોટો રેકોર્ડ પોતાના નામે કરી લીધો છે.

જોસ બટલરે બનાવ્યો આ ખાસ રેકોર્ડ

ગુજરાત ટાઈન્ટસ (Gujarat Titans) ટીમ સામે ફરી એકવાર ફોર્મમાં પરત ફર્યો હતો. તેણે માત્ર 56 બોલમાં 89 રન બનાવ્યા હતા. આ ઈનિંગ દરમિયાન તેણે 12 ચોગ્ગા અને 2 છગ્ગા ફટકાર્યા હતા. પોતાની ઈનિંગ દરમિયાન તેણે IPL 2022 ની આ સિઝનમાં 700 રન પણ પૂરા કર્યા હતા. આ સિવાય તે એક સિઝનમાં સૌથી વધુ રન બનાવનાર છઠ્ઠો બેટ્સમેન બની ગયો છે.

એક સિઝનમાં સૌથી વધુ રન બનાવનાર બેટ્સમેન

– વિરાટ કોહલી 973 રન – ડેવિડ વોર્નર 848 રન – કેન વિલિયમ્સન 735 રન – ક્રિસ ગેલ 733 રન – માઇક હસી 733 રન – જોસ બટલર 718 રન

રાજસ્થાન રોયલ્સે બનાવ્યો મોટો સ્કોર

રાજસ્થાન રોયલ્સ ટીમના સ્ટાર ઓપનર જોસ બટલર (89) અને સુકાની સંજુ સેમસન (47)ની શાનદાર બેટિંગના કારણે રાજસ્થાન રોયલ્સે ઈડન ગાર્ડન્સ (Eden Garden Stadium) ખાતે IPL 2022ની પ્રથમ ક્વોલિફાયર મેચમાં ગુજરાત ટાઇટન્સ (Gujarat Titans)ને 189 રનનો ટાર્ગેટ આપ્યો હતો. રાજસ્થાન રોયલ્સ ટીમે 20 ઓવરમાં 6 વિકેટ ગુમાવીને 188 રન બનાવ્યા હતા. ગુજરાત ટાઈટન્સ ટીમ તરફથી યશ દયાલ, રવિ શ્રીનિવાસન, સાઈ કિશોર, હાર્દિક પંડ્યા અને મોહમ્મદ શમીએ 1-1 વિકેટ લીધી હતી.

Follow us on

Related Stories

Most Read Stories

Click on your DTH Provider to Add TV9 Gujarati