IPL 2022: ભુવનેશ્વર કુમારની ખરાબ બોલિંગ, રવિન્દ્ર જાડેજાનો 10 વર્ષ જૂનો રેકોર્ડ તુટ્યો

ગુજરાત ટાઇટન્સ સામેની આ મેચમાં ભુવનેશ્વરની શરૂઆત ખૂબ જ ખરાબ રહી હતી અને તેણે પહેલી જ ઓવરમાં 17 રન ફટકાર્યા હતા. જો કે આ મેચમાં તેણે 2 વિકેટ ઝડપી હતી.

IPL 2022: ભુવનેશ્વર કુમારની ખરાબ બોલિંગ, રવિન્દ્ર જાડેજાનો 10 વર્ષ જૂનો રેકોર્ડ તુટ્યો
Bhuvneshwar Kumar (PC: TV9 Hindi)
TV9 GUJARATI

| Edited By: Adhirajsinh jadeja

Apr 11, 2022 | 11:51 PM

ટી20 ક્રિકેટ ઘણીવાર બોલરો પર ભારે પડે છે. ફાસ્ટ બોલર હોય કે સ્પિનર, બેટ્સમેનોને ફટકારવાનું ટાળવું કોઈપણ માટે આસાન નથી. બોલર ગમે તેટલો અનુભવી કે તદ્દન નવો હોય, આ ફોર્મેટમાં રાહત મળવાની શક્યતા ઓછી છે. ભુવનેશ્વર કુમાર એવા બોલરોમાંથી એક છે જેઓ આ કામમાં નિપુણતા ધરાવે છે. અનુભવી ભારતીય ઝડપી બોલર લાંબા સમયથી T20 ક્રિકેટ (આંતરરાષ્ટ્રીય અને IPL) માં તેની શિસ્તબદ્ધ બોલિંગ માટે જાણીતો છે. છતાં ક્યારેક એવો દિવસ આવે છે જ્યારે યોજના મુજબ કંઈ જ થતું નથી. આઈપીએલ 2022માં ભુવનેશ્વર માટે પણ કંઈક આવું જ બન્યું હતું. સનરાઇઝર્સ હૈદરાબાદ અને ગુજરાત ટાઇટન્સ (SRH vs GT) વચ્ચેની મેચમાં ભુવનેશ્વરે પહેલી જ ઓવરમાં બોલિંગનો એવો નજારો રજૂ કર્યો હતો કે તેની સામે ખૂબ જ ખરાબ રેકોર્ડ નોંધાયો હતો.

સોમવાર 11મી એપ્રિલે નવી મુંબઈના ડીવાય પાટિલ સ્ટેડિયમમાં રમાયેલી મેચમાં સનરાઈઝર્સે પ્રથમ બોલિંગ કરી અને હંમેશાની જેમ સ્ટાર ફાસ્ટ બોલર ભુવનેશ્વર કુમારે (Bhuvneshwar Kumar) ટીમ માટે બોલિંગની શરૂઆત કરી. ભુવનેશ્વરે તાજેતરના સમયમાં તેની જૂની ગતિ પાછી મેળવી હોય તેવું લાગે છે અને છેલ્લા બે વર્ષની સરખામણીમાં તે સારી બોલિંગ કરી રહ્યો છે. આવી સ્થિતિમાં, આ મેચની પ્રથમ ઓવરમાં જે જોવા મળ્યું તેના પર વિશ્વાસ કરવો મુશ્કેલ હતો.

પહેલી જ ઓવરમાં લાઇનથી ભટક્યો ભુવનેશ્વર

ભુવનેશ્વરના પહેલા જ બોલ પર ગુજરાતના ઓપનર મેથ્યુ વેડના બેટની કિનારી વાગી હતી અને બોલ 4 રનમાં ગયો હતો. અત્યાર સુધી બધું બરાબર હતું. પરંતુ તે પછી ભુવનેશ્વર પોતાની લાઇનથી ખરાબ રીતે ભટકી ગયો. તેનો આગામી બોલ લેગ સ્ટમ્પની બહાર હતો. જેને અમ્પાયરે વાઈડ આપ્યો અને કીપર રોકી શક્યો નહીં. એટલે કે વાઈડ સાથે વધુ 4 રન આવ્યા.

રવિન્દ્ર જાડેજાનો 10 વર્ષ જુનો રેકોર્ડ તુટ્યો

આ રીતે ગુજરાત ટાઇટન્સને પહેલી જ ઓવરમાં કુલ 17 રન મળ્યા. જેમાંથી 11 રન માત્ર વાઈડના રૂપમાં આવ્યા. અહીં ભુવનેશ્વરની શાનદાર કારકિર્દી પર ખરાબ રેકોર્ડ ચઢી ગયો. ભુવનેશ્વર હવે આઈપીએલમાં એક ઓવરમાં સૌથી વધુ રન બનાવનાર બોલર બની ગયો છે. આ ખરાબ રેકોર્ડના કિસ્સામાં, ભુવીએ રવિન્દ્ર જાડેજાનો 10 વર્ષ જૂનો રેકોર્ડ તોડ્યો હતો. જાડેજાએ 2012માં રાજસ્થાન સામેની ઓવરમાં વાઈડથી 10 રન આપ્યા હતા. જાડેજાના આ રેકોર્ડની વર્તમાન સિઝનમાં જ રોયલ ચેલેન્જર્સ બેંગ્લોરના મોહમ્મદ સિરાજે બરાબરી કરી હતી. તેણે પંજાબ કિંગ્સ સામે વાઈડમાં 10 રન આપ્યા હતા. જો કે, ભુવીએ આ મેચમાં 4 ઓવરમાં 37 રન આપીને 2 વિકેટ ઝડપી હતી.

આ પણ વાંચો : IPL 2022: યુઝવેન્દ્ર ચહલના આરોપો પર શરૂ થઈ કાર્યવાહી, આ ખેલાડીઓ રૂમમાં બંધ

આ પણ વાંચો : IPL 2022: ધોની-જાડેજા દરરોજ કેપ્ટનશિપ વિશે વાત કરે છે, CSKના બેટિંગ કોચનું નિવેદન

Follow us on

Related Stories

Most Read Stories

Click on your DTH Provider to Add TV9 Gujarati