IPL 2022: 14 વર્ષનો રેકોર્ડ તૂટ્યો, આ સિઝનમાં સૌથી વધુ સિક્સ ફટકારવામાં આવી, જાણો આંકડા

IPL 2022: 14 વર્ષનો રેકોર્ડ તૂટ્યો, આ સિઝનમાં સૌથી વધુ સિક્સ ફટકારવામાં આવી, જાણો આંકડા
Moeen Ali (PC: IPLt20.com)

IPL 2022: ચાલુ સિઝનને બાદ કરતા અત્યાર સુધી સૌથી વધુ છગ્ગા આઈપીએલ 2018ની સિઝનમાં લાગ્યા હતા. ત્યારે આઈપીએલ 2018માં કુલ 872 છગ્ગા ફટકાર્યા હતા.

TV9 GUJARATI

| Edited By: Adhirajsinh jadeja

May 15, 2022 | 7:23 PM

ઇન્ડિયન પ્રીમિયર લીગ (IPL 2022)ની 62મી મેચ ચેન્નાઈ સુપર કિંગ્સ અને ગુજરાત ટાઈટન્સ (CSK vs GT) વચ્ચેની મેચમાં ચેન્નાઈની ટીમે ટોસ જીતીને પ્રથમ બેટિંગ કરવાનો નિર્ણય કર્યો હતો. પ્રથમ બેટિંગ કરવા ઉતરેલી ચેન્નાઈ સુપર કિંગ્સ (Chennai Super Kings)ની શરૂઆત ખાસ રહી ન હતી. ટીમનો ઓપનર ડેવોન કોનવે ત્રીજી ઓવરના પ્રથમ બોલ પર 9 બોલમાં 5 રન બનાવીને આઉટ થયો હતો. આ પછી મોઈન અલીએ છઠ્ઠી ઓવરમાં રાશિદ ખાન પર 2 સિક્સ ફટકારી હતી. આ સાથે આ સિઝનમાં એક મોટો રેકોર્ડ બની ગયો છે.

ચેન્નઈ ટીમના સ્ટાર બેટ્સમેન મોઈન અલી (Moeen Ali)એ ગુજરાત ટીમના ઉપ સુકાની રાશિદ ખાન (Rasid Khan)ની ઓવરના ચોથા અને પાંચમા બોલ પર 2 સિક્સર ફટકારી હતી. આ સાથે IPLમાં એક ખાસ રેકોર્ડ નોંધાયો હતો. ખરેખર આઈપીએલના ઈતિહાસની વાત કરીએ તો અત્યારની 15મી સિઝન IPL 2022માં 873 સિક્સર ફટકારવામાં આવ્યા છે. આ ગત વર્ષ IPL 2020માં 734, IPL 2019માં 784, IPL 2018માં 872 અને IPL 2012માં 731 સિક્સર ફટકારવામાં આવી હતી.

એક આઈપીએલ સિઝનમાં સૌથી વધુ છગ્ગા

  1. આઈપીએલ 2022: 873 છગ્ગા (ચેન્નઈની ઇનિંગમાં 3 છગ્ગા લાગ્યા ત્યાં સુધી
  2. આઈપીએલ 2018: 872 છગ્ગા
  3. આઈપીએલ 2019: 784 છગ્ગા
  4. આઈપીએલ 2020: 734 છગ્ગા
  5. આઈપીએલ 2012: 731 છગ્ગા

તમને જણાવી દઈએ કે ગુજરાત ટાઈટન્સ (Gujarat Titans) પહેલા જ પ્લેઓફમાં પોતાની જગ્યા બનાવી ચૂકી છે. આ સિવાય ચેન્નાઈ સુપર કિંગ્સ (Chennai Super Kings)ની ટીમની વાત કરીએ તો તે પ્લેઓફની રેસમાંથી બહાર થઈ ગઈ છે. આવી સ્થિતિમાં ગુજરાત ટાઈટન્સની ટીમ પ્લેઓફ પહેલા પોતાની જાતને તૈયાર કરવાનો પ્રયાસ કરશે. આ સિવાય ચેન્નાઈ સુપર કિંગ્સ ટીમ પાસે યુવા ખેલાડીઓને પણ અજમાવવાની તક છે.

ટોસ જીત્યા બાદ ધોનીએ કહ્યું કે આ વિકેટ પર ઘણો ઉપયોગ કરવામાં આવ્યો છે. આ કારણે તે ધીમી રહેશે. અમે અમારી ટીમમાં 4 ફેરફાર કર્યા છે. જેમાંથી રોબિન ઉથપ્પા, અંબાતી રાયડુ, ડ્વેન બ્રાવો, તિક્ષાનાને આરામ આપવામાં આવ્યો છે. તેમની જગ્યાએ જગદિશન, પ્રશાંત સોલંકી, મિચેલ સેન્ટનર, મથીશા પથિરાના રમી રહ્યા છે. મહત્વનું છે કે મથીશા જગદિશન અને પ્રશાંત સોલંકી આઈપીએલમાં ડેબ્યુ કરી રહ્યા છે. આ ખેલાડીઓ પહેલીવાર લીગમાં રમી રહ્યા છે.

Follow us on

Related Stories

Most Read Stories

Click on your DTH Provider to Add TV9 Gujarati