IPL 2021,RCB vs PBKS: પંજાબ સામે બેંગ્લોરે 165 રનનો પડકાર રાખ્યો, મેક્સલની આક્રમક ફીફટી, શામી હેનરીક્સની 3-3 વિકેટ
પંજાબ કિંગ્સ (Punjab Kings) માટે પ્લેઓફની અંત તરફ પહોંચેલી રેસમાં ટકી રહેવા માટે જીત જરુરી છે તો, RCB ને પણ પણ પ્લેઓફમાં સ્થાન નિશ્વિત કરવા માટે જીત જરુરી છે.
શારજાહના મેદાન પર આજે IPL 2021 ની 48 મી મેચ રમાઇ રહી છે. પંજાબ કિંગ્સ (Punjab Kings) અને રોયલ ચેલેન્જર્સ બેંગ્લોર (Royal Challengers Bangalore) વચ્ચે આ મેચ રમાઇ રહી છે. જેમાં વિરાટ કોહલી (Virat Kohli) એ ટોસ જીતીને પ્રથમ બેટીંગ પસંદ કરી હતી. RCB અર્ધશતકીય ઓપનીંગ ભાગીદારી સાથે રમતની શરુઆત કરી હતી. 20 ઓવરના અંતે RCB એ 7 વિકેટ ગુમાવીને 164 રન કર્યા હતા.
રોયલ ચેલેન્જર્સ બેંગ્લોરની બેટીંગ
કેપ્ટન વિરાટ કોહલી અને દેવદત્ત પડિક્કલે (Devdutt Padikkal) 68 રનની ભાગીદારી રમત રમીને સારી શરુઆત આપી હતી. વિરાટ કોહલીના રુપમાં આરસીબીએ પ્રથમ વિકેટ ગુમાવી હતી. કોહલીએ 24 બોલમાં 25 રન કર્યા હતા. આ દરમ્યાન 1 છગ્ગો અને 2 ચોગ્ગા તેણે લગાવ્યા હતા. દેવદત્ત પડિક્કલે 38 બોલમાં 40 રન કર્યા હતા. તેણે 2 છગ્ગા અને 4 ચોગ્ગા લગાવ્યા હતા. ડેનિયલ ક્રિશ્વન ગોલ્ડ ડક આઉટ થયો હતો.
પોતાના અંદાજ મુજબ ગ્લેન મેક્સવેલે તોફાની બેટીંગ રમી હતી. તેણે ચોગ્ગા અને છગ્ગા સાથે તેણે સિઝનનુ પાંચમુ અર્ધશતક ફટકાર્યુ હતુ. 33 બોલમાં 57 રન બનાવી મેક્સવેલ અંતિમ ઓવરમાં આઉટ થયો હતો. તેણે 4 છગ્ગા અને 3 ચોગ્ગા લગાવ્યા હતા. એબી ડિવીલીયર્સે 18 બોલમાં 23 રન કર્યા હતા. તેણે 2 છગ્ગા અને 1 ચોગ્ગો લગાવ્યો હતો. શાહબાઝ અહેમદે 5 બોલમાં 8 રન કર્યા હતા. શ્રીકર ભરત અણનમ રહ્યો હતો.
પંજાબ કિંગ્સ બોલીંગ
પંજાબના બોલર્સ વિકેટ માટે સંઘર્ષની સ્થિતમાં જોવા મળ્યા હતા. 17 ઓવરની રમત સુધી મોઇસ હેનરીક્સ સિવાય અન્ય કોઇ જ બોલર વિકેટ લેવામાં સફળ રહ્યો નહોતો. તેણે 4 ઓવરમાં માત્ર 12 રન આપીને 3 વિકેટ ઝડપી હતી. જ્યારે હરપ્રિત બ્રારે 4 ઓવરમાં 26 રન કર્યા હતા. રવિ બિશ્નોઇએ 4 ઓવરમાં 35 રન આપ્યા હતા. અર્શદિપ સિંહ 3 ઓવરમાં 42 રન આપી ખર્ચાળ સાબિત થયો હતો. માર્કરમે 1 ઓવર કરીને 5 રન આપ્યા હતા. મોહમ્મદ શામીએ તેની 4થી અને ઇંનીંગની અંતિમ ઓવરમાં 3 વિકેટ ઝડપી હતી.