IPL 2021: KKR પાસેથી જીત ઝુંટવી લેનાર મુંબઈને માટે સહેવાગે WWEનો વીડિયો શેર કર્યો, થઈ ગયો વાયરલ
ઈન્ડીયન પ્રિમિયર લીગની 14મી સિઝનમાં મુંબઈ ઈન્ડીયન્સે કલકત્તા નાઈટ રાઈડર્સ (Kolkata Knight Riders vs Mumbai Indians)ને મંગળવારે 10 રનથી હરાવ્યુ હતુ. આમ તો મેચની બીજી ઈનીંગની શરુઆતથી લાગી રહ્યુ હતુ કે, મેચને આસાનીથી કલકત્તા જીતી લેશે.
ઈન્ડીયન પ્રિમિયર લીગની 14મી સિઝનમાં મુંબઈ ઈન્ડીયન્સે કલકત્તા નાઈટ રાઈડર્સ (Kolkata Knight Riders vs Mumbai Indians)ને મંગળવારે 10 રનથી હરાવ્યુ હતુ. આમ તો મેચની બીજી ઈનીંગની શરુઆતથી લાગી રહ્યુ હતુ કે, મેચને આસાનીથી કલકત્તા જીતી લેશે. મેચ કલકત્તાની બેટીંગ ઈનીંગ દરમ્યાન એકતરફી બની ગઈ હોવાની સ્થિતી હતી. જેને લઈને કલકત્તાની છાવણી ઉત્સાહ અને મુંબઈની છાવણી નિરાશામાં હતી.
પરંતુ અંતમાં મેચનું પાસુ પલટાઈ ગયુ હતુ. મુંબઈના બોલરોએ એવો ચમત્કાર સર્જયો કે મેચ જોનારાઓ બસ જોતા જ રહી ગયા હતા. મુંબઈ ઈન્ડીયન્સની આ જબરદસ્ત ઈનીંગ પર ટીમ ઈન્ડીયાના પૂર્વ ક્રિકેટર વિરેન્દ્ર સહેવાગે (Virender Sehwag) સોશિયલ મીડિયા પર એક વીડિયો શેર કર્યો હતો. જેમાં WWEના રેસલર અંડરટેકર (Undertaker) અને રેંડી ઓર્ટન (Randy Orton) જોવા મળી રહ્યા છે.
આ વીડિયોમાં અંડર ટેકરે કબરમાંથી નિકળીને રેન્ડી ઓર્ટનની જે હાલત કરી છે તે જોવા જેવી હતી. સહેવાગે આ વીડિયોને મુંબઈ ઈન્ડીયન્સની જીત સાથે તુલના કરી છે. આ વીડિયોને શેર કરતા સહેવાગે લખ્યુ હતુ કે, મુંબઈ ઈન્ડીયન્સ કેકેઆર સાથે આખરી પાંચ ઓવરમાં આ કર્યુ, મોત બાદ પરત ફર્યુ. સહેવાગે શેર કરેલો આ વીડિયો ખૂબ વાયરલ પણ થવા લાગી ગયો હતો. કારણ કે મેચનો રોમાંચ પણ મુંબઈના ફેંસ અને ક્રિકેટના ચાહકોને માટે જોરદાર મનોરંજક હતો.
View this post on Instagram
કેકેઆરએ ટોસ જીતીને મુંબઈ ઈન્ડીયન્સને પ્રથમ બેટીંગ કરવા માટે મેદાને ઉતાર્યુ હતુ. આંન્દ્રે રસાલે પાંચ વિકેટ ઝડપી હતી તો મુંબઈની ટીમ પણ 152 રનના સ્કોર પર જ સમેટાઈ ગઈ હતી. જવાબમાં કેકેઆરની ટીમને 31 બોલમાં 31 રનની જરુર હતી અને હાથ પર 7 વિકેટ હતી. મુંબઈ ઈન્ડીયન્સના બોલરોએ ત્યારબાદ જે પ્રકારે બોલીંગ આક્રમણ કર્યુ હતુ, તેનાથી કલકત્તાના બેટ્સમેનો અંતિમ ઓવરમાં 4 વિકેટ ગુમાવી બેઠા હતા અને પાંચ ઓવરમાં માત્ર 21 રન કરી શક્યા હતા. આમ 10 રનથી કલકત્તાએ મેચને ગુમાવવી પડી હતી.
આ પણ વાંચો: IPl 2021: કલકત્તાને હરાવી મુંબઇ પોઇન્ટ ટેબલમાં બીજા સ્થાન પર, દિલ્હી ટોચ પર, ચેન્નાઇ તળીયા પર