IPL 2021: આજે કલકત્તાને વાનખેડેમાં રમતને લઇને ઉચાટ, રાજસ્થાનને ટોપ ઓર્ડરની ચિંતા સતાવી રહી છે
IPL 2021 માં શનિવારે કલકત્તા નાઇટ રાઇડર્સ (Kolkata Knight Riders) અને રાજસ્થાન રોયલ્સ (Rajasthan Royals) વચ્ચે ટક્કર થશે. એટલે કે ઇયોન મોર્ગન (Eoin Morgan) અને સંજૂ સેમસન (Sanju Samson) વચ્ચે નો આ પડકાર રહેશે.
IPL 2021 માં શનિવારે કલકત્તા નાઇટ રાઇડર્સ (Kolkata Knight Riders) અને રાજસ્થાન રોયલ્સ (Rajasthan Royals) વચ્ચે ટક્કર થશે. એટલે કે ઇયોન મોર્ગન (Eoin Morgan) અને સંજૂ સેમસન (Sanju Samson) વચ્ચે નો આ પડકાર રહેશે. આ મેચમાં રાજસ્થાનના કેપ્ટન સંજૂ સેમસન ને થોડી ચિંતા ઓછી છે. કારણ કે, તેને પોતાની જીતની ચિંતાને લઇ બે ફિકરાઇ હશે. ટોસ જીતાય કે ના જીતાય તેમના મેચ જીતવાને લઇને ચાન્સ વધારે છે. જેનુ મોટુ કારણ છે, આજની મેચ મુંબઇ ના વાનખેડે સ્ટેડિમયમ (Wankhede Stadium) માં રમાનારી છે.
આજે જ્યારે બંને ટીમો મેદાન પર ઉતરશે તો તેમની વચ્ચે આ સિઝનની પ્રથમ ટક્કર હશે. તો બંને ટીમો આજે સિઝનની પોત પોતાની પાંચમી મેચ રમી રહી હશે. આ પહેલા બંને એ ચાર ચાર મેચ રમી છે, જેમાં બંને એ 3-3 હાર મેળવી છે. એટલે કે ફક્ત એક જ મેચ બંને ટીમોએ જીતી છે. પોઇન્ટ ટેબલમાં પણ રાજસ્થાન રોયલ્સ સૌથી નિચેના સ્થાને છે. જ્યારે કલકત્તા તેના એક સ્થાન ઉપર એટલે કે સાતમાં ક્રમાંક પર છે.
24મી મુલાકાતમાં જીત લેશે કઇ કરવટ? IPL ની પિચ પર બંને ટીમો વચ્ચે આજે 24 મી વખત ટકરાવ થશે. આ પહેલા બંને વચ્ચે 23 વખત મેચ રમાઇ ચુકી છે. જેમાં જોકે બંને વચ્ચે મુકાબલા બરાબરના લાગી રહ્યા છે. કલકત્તાએ રાજસ્થાન કરતા 2 મેચ વધારે જીતી છે. રાજસ્થાને 10 મેચમાં જીત મેળવી છે, તો કલકત્તાએ 12 મચોમાં જીતમ મેળવી છે. ભારતીય મેદાનો માં આઇપીએલમાં બંને ટીમો 18 વખત ટકરાઇ છે, જેમાં રાજસ્થાન 8 મેચ જીત્યુ છે. જ્યારે કલકત્તાએ 9 મેચમાં સફળતા હાંસલ કરી છે.
મુંબઇમાં મેચ એટલે રાજસ્થાનની વાત બની ગઇ ! આજે બંને ટીમો વચ્ચેની મેચ મુંબઇમાં રમાનારી છે. આ એક વાત છે કે જે રાજસ્થાન માટે રાહત રુપ છે. જોકે આમ છતાં પણ તેણે તેના ટોપ ઓર્ડરને સુધારવો જરુરી છે. કારણ કે રાજસ્થાને આ સિઝનમાં પાવપ્લેમાં સૌથી વધુ દશ વિકેટ ગુમાવનારી ટીમ છે. રહી વાત મુંબઇમાં મેચ થી ટેન્શન ફ્રી થવાની તો, કલકત્તા નાઇટ રાઇડર્સનો વાનખેડેમાં અત્યાર સુધીનો રેકોર્ડ ખરાબ રહ્યો છે.
વાનખેડે પર કલકત્તાનો રેકોર્ડ કલકત્તા નાઇટ રાઇડર્સ એ મુંબઇ ના વાનખેડે સ્ટેડિયમમાં રમેલી 9 આઇપીએલ મેચમાં ફ્કત એક જ મેચમાં જીત મેળવી છે. કલકત્તા ની આ એક નબળી બાજુ પર રાજસ્થાન હુમલો કરીને પોતાની જીત આસાન કરી શકે એમ છે. જે જીતને રાજસ્થાનને ખૂબ જરુર પણ છે. પોઇન્ટ ટેબલમાં પણ ઉપર આવવા માટે હવે જીત મેળવવી રાજસ્થાન જ નહી પણ કલક્તાને પણ એટલી જ જરુર છે.