IPL 2021 KKR vs MI: કલકત્તા સામે મુંબઈની પલટન 152 રન પર ઓલઆઉટ, રસેલની 2 ઓવરમાં 5 વિકેટ

ચેન્નાઈના એમએ ચિદંબરમ સ્ટેડિયમમાં IPL 2021ની પાંચમી મેચ મુંબઈ ઈન્ડીયન્સ અને કલકત્તા નાઈટ રાઈડર્સ (Mumbai Indians vs Kolkata Knight Riders ) વચ્ચે રમાઈ રહી છે.

  • Avnish Goswami
  • Published On - 21:29 PM, 13 Apr 2021
IPL 2021 KKR vs MI: કલકત્તા સામે મુંબઈની પલટન 152 રન પર ઓલઆઉટ, રસેલની 2 ઓવરમાં 5 વિકેટ

ચેન્નાઈના એમએ ચિદંબરમ સ્ટેડિયમમાં IPL 2021ની પાંચમી મેચ મુંબઈ ઈન્ડીયન્સ અને કલકત્તા નાઈટ રાઈડર્સ (Mumbai Indians vs Kolkata Knight Riders ) વચ્ચે રમાઈ રહી છે. મુંબઈ ઈન્ડીન્સે ટોસ ગુમાવીને હરિફ ટીમના નિર્ણય પર પ્રથમ બેટીંગ કરવા માટે મેદાને ઉતરવુ પડ્યુ હતુ. રોહિત શર્મા (Rohit Sharma)ની ટીમ મુંબઈની બેટીંગ આજે ધીમી રહી હતી. રોહિત શર્મા અને સૂર્યકુમાર યાદવ (Suryakumar Yadav)ને બાદ કરતા જાણે મુંબઈની બેટીંગ લાઈન કલકત્તાએ ધરાશયી કરી દીધી હતી. 20 ઓવરના અંતે મુંબઈ ઈન્ડીયન્સ અંતિમ બોલે 152નો સ્કોર કરીને ઓલ આઉટ થયુ હતુ. આંદ્રે રસેલે માત્ર 2 ઓવર કરીને મુંબઈની અડધી ટીમ એટલે કે 5 વિકટ પેવેલિયન મોકલી આપી હતી.

 

મુંબઈ ઈન્ડિયન્સની બેટીંગ

મુંબઈની શરુઆત ખરાબ રહી હતી. ઓપનર ક્વિન્ટન ડિકોક 2 રન કરીને જ વિકેટ ગુમાવી બેઠો હતો. ઈનીંગની બીજી ઓવરમાં 10 રનના સ્કોર પર જ તેની વિકેટના સ્વરુપમાં મુંબઈએ પ્રથમ વિકેટ ગુમાવી હતી. ત્યારબાદ સૂર્યકુમાર યાદવે બેટીંગમાં આવતા જ આક્રમક રમત રમવાની શરુ કરી હતી. રોહિત શર્માએ પણ તેને બેટીંગની વધુ તક આપવા પ્રયાસ કર્યો હતો. સુર્યકુમારે 36 બોલમાં 56 રન ફટકાર્યા હતા. રોહિત શર્માએ 32 બોલમાં 43 રન કર્યા હતા.

 

ઈશાન કિશન એક રન, હાર્દિક પંડ્યા 17 બોલમાં 15 રન, કિરોન પોલાર્ડ 5 રન અને માર્કો યાનસેન શૂન્ય પર પેવેલિયન પરત ફરતા ટીમ મુશ્કેલીમાં મુકાઈ હતી. ટીમના બેટ્સમેનો જાણે કે કલકત્તાના બોલરો સામે ટકી શકયા નહોતા. 12મી ઓવરમાં 88 રનના સ્કોર પર ત્રીજી વિકેટ ગુમાવ્યા બાદ 18 ઓવરમાં 126 રનના સ્કોર પર 7 વિકેટનો સ્કોર થઈ ગયો હતો. છ વિકેટ તો માત્ર 31 રનના અંતરમાં જ ગુમાવી દીધી હતી.

 

કલકત્તા નાઈટ રાઈડર્સની બોલીંગ

આન્દ્રે રસેલે બે ઓવર કરીને 15 રન આપીને 5 વિકેટ ઝડપી હતી. તેણે કમાલનો જોદુ કર્યો હતો. અડધી ટીમ મુંબઈને તેણે માત્ર બે જ ઓવરમાં પેવેલિયન પરત મોકલી હતી. કલકત્તાએ આત્મવિશ્વાસથી ભરપૂર હોય એમ બોલીંગ પ્રદર્શન કર્યુ હતુ. બોલરોએ શરુઆત થી જ મુંબઈને નિયંત્રણમાં લાવી દીધુ હતુ. વરુણ ચક્રવર્તીએ પ્રથમ સફળતા અપવ્યા બાદ નિયમિત અંતરે વિકેટો મેળવવામાં સફળતા મળી હતી. વરુણે 4 ઓવરમાં 27 રન આપીને એક વિકેટ મેળવી હતી. જ્યારે પેટ કમિન્સે 4 ઓરમાં 24 રન આપીને 2 વિકેટ ઝડપી હતી. પ્રસિદ્ધ ક્રૃષ્ણાએ 4 ઓવર કરીને 42 રન આપ્યા હતા, તેને એક વિકેટ મળી હતી.