IPL 2021, DC vs SRH: હૈદરાબાદનુ ટોસ જીતી કંગાળ પ્રદર્શન, 9 વિકટ ગુમાવી 135 રનનો દિલ્હી ને પડકાર આપ્યો, રબાડાની 3 વિકેટ

દિલ્હી કેપિટલ્સ અને સનરાઇઝર્સ હૈદરાબાદ (Delhi vs Hyderabad) વચ્ચે આજે દુબઇમાં મેચ રમાઇ રહી છે. ડેવિડ વોર્નરને ટીમમાં સ્થાન અપાયુ છે. ટોસ જીતીને મેદાને ઉતરેલી હૈદરાબાદની ટીમની શરુઆત ખરાબ રહી હતી.

Delhi vs Hyderabad

TV9 Gujarati | Edited By: Avnish Goswami | Updated on: Sep 22, 2021 | 9:19 PM

ઇન્ડીયન પ્રિમીયર લીગ 2021 (IPL 2021) ની 33મી મેચ દુબઇમાં રમાઇ રહી છે. દિલ્હી કેપિટલ્સ અને હૈદરાબાદ (Delhi Capitals vs Sunrisers Hyderabad) વચ્ચે રમાઇ રહેલી મેચમાં ટોસ જીતીને હૈદરાબાદે બેટીંગ પસંદ કરી હતી. ખરાબ શરુઆતને લઇને હૈદરાબાદને માટે બીજા તબક્કાની પ્રથમ મેચ સંઘર્ષ ભરી બની ગઇ હતી. દિલ્હીના બોલરોએ હૈદરાબાદની ટીમને શરુઆતથી જ પરેશાનીમાં રાખી દીધુ હતુ. 20 ઓવરના અંતે હૈદરાબાદની ટીમે 9 વિકેટ ગુમાવીને 134 રનનો સ્કોર કર્યો હતો.

ડેવિડ વોર્નર (David Warner) ને ટીમમાં સ્થાન આપવામાં આવ્યુ હતુ પરંતુ તે નિષ્ફળ નિવડ્યો હતો. આ ઉપરાંત હૈદરાબાદ તરફ થી મોટી ઇનીંગ રમવામાં અન્ય મહત્વના બેટ્સમેનો સફળ રહ્યા નહોતા. ઋષભ પંત (Rishabh Pant) ની આગેવાની ધરાવતી દિલ્હી કેપિટલ્સના બોલરોએ શાનદાર બોલીંગ વડે હૈદરાબાદને મુશ્કેલીમાં રાખ્યુ હતુ. હૈદરાબાદની ટીમના બેટ્સમેનોને અનેકવાર આસાન કેચ છુટવાના જીવત દાન મળ્યા હતા. તેમ છતાં તેઓ ઇનીંગને લંબાવવામાં સફળ રહ્યા નહોતા.

સનરાઇઝર્સ હૈદરાબાદની બેટીંગ ઇનીંગ

હૈદરાબાદની ટીમમાં પૂર્વ કેપ્ટન ડેવિડ વોર્નરનો પ્લેયીંગ ઇલેવનમાં ઓપનર તરીકે સમાવેશ કરવામાં આવ્યો હતો. પરંતુ તેઓએ સ્કોર બોર્ડ રન થી ખોલવાને બદલે મુશ્કેલ માર્ગ ખોલી દીધો હતો. વોર્નર ઇનીંગની પ્રથમ ઓવરના ત્રીજા બોલ પર નોર્ત્ઝેનો શિકાર થયો હતો. તે અક્ષર પટેલના હાથમાં કેચ ઝીલાયો હતો. તે ખતે ટીમનો અને તેનો વ્યક્તિગત સ્કોર શૂન્ય હતો.

Web Stories View more

હેલિકોપ્ટર 1 લીટર ઈંધણમાં કેટલી માઈલેજ આપે, ઊડે છે આ ખાસ ઈંધણ વડે

જાણો પરસેવો થવો તમારા સ્વાસ્થ્ય સારો છે કે ખરાબ !

લગ્નન પત્રિકા પર ભગવાનનો ફોટો છાપવો જોઈએ કે નહીં? પ્રેમાનંદ મહારાજે જણાવ્યું

ડાયાબિટીસમાં ખાઈ શકો છો આ 8 મીઠી વસ્તુ, જુઓ લિસ્ટ

કથાકાર જયા કિશોરીને રસોઈ બનાવતા આવડે છે? જાતે આપ્યો જવાબ

રિદ્ધીમાન સાહા 17 બોલમાં 18 રન કરીને આઉટ થયો હતો. કેપ્ટન કેન વિલિયમસન 26 બોલમાં 18 રન કરી શક્યો હતો. તેને જીવતદાન મળ્યા હતા. મનિષ પાંડે 16 બોલમાં 17 રન કરી શક્યો હતો. કેદાર જાદવ એલબીડબલ્યુ આઉટ 3 રનના વ્યક્તિગત સ્કોર પર થયો હતો. જેસન હોલ્ડર 9 બોલમાં 10 રન કરીને આઉટ થયો હતો. અબ્દુલ સમદે 21 બોલમાં 28 રન કર્યા હતા. રાશિદ ખાને 19 બોલમાં 22 રન કર્યા હતા. ભૂવનેશ્વર કુમાર 5 રન અને સંદિપ શર્મા શૂન્ય પર અણનમ રહ્યા હતા.

દિલ્હી કેપિટલ્સની બોલીંગ ઇનીંગ

કાગીસો રબાડા એ 3 વિકેટ ઝડપી હતી. તેણે જબરદસ્ત બોલીંગ કરી હતી. અક્ષર પટેલે 2 વિકેટ ઝડપી હતી. તેણે 4 ઓવર કરીને 21 રન આપ્યા હતા. એનરિક નોર્ત્ઝેએ 2 વિકેટ મેળવી હતી. તેણે અને અક્ષરે કરકસર ભરી બોલીંગ કરી હતી. અશ્વિને એક વિકેટ ઝડપી હતી. માર્ક્સ સ્ટોઇનીસને અનફીટ લાગતા 1.1 ઓવર કરીને મેદાનની બહાર ચાલ્યો ગયો હતો. તેણે 8 રન આપ્યા હતા.