IPL 2021: ટૂર્નામેન્ટ શરુ થયા પહેલા જ દિલ્હી કેપિટલ્સને થયુ મોટુ નુકશાન, આ સ્પિનર થયો બહાર
IPLમાં દિલ્હી કેપિટલ્સની ટીમે સારું પ્રદર્શન કર્યું છે. આ ટીમ છેલ્લી સિઝનમાં રનર અપ રહી હતી અને ટીમ IPL 2021માં પણ સારી રીતે રમી રહી છે.
IPL 2021ની શરૂઆત પહેલા જ દિલ્હી કેપિટલ્સ (Delhi Capitals)ને મોટો આંચકો લાગ્યો છે. તેનો સ્પિનર મણિમારન સિદ્ધાર્થ (Manimaran Siddharth) ઈજાને કારણે ટૂર્નામેન્ટમાંથી બહાર થઈ ગયો છે.
પોતાની ઈજા વિશે માહિતી આપતા દિલ્હી કેપિટલ્સે કહ્યું કે સિદ્ધાર્થને ટ્રેનિંગ દરમિયાન પાંસળી પાસે ઈજા થઈ હતી. આ કારણે તે ટુર્નામેન્ટમાં રમી શકશે નહીં. તેના સ્થાને ટીમે ડાબા હાથના મધ્યમ ઝડપી બોલર કુલવંત ખેજરોલીયા (Kulwant Khejroliya)નો સમાવેશ કર્યો છે. ખેજરોલીયા નેટ બોલર તરીકે ટીમ સાથે હતા. આમ તેમનો સમાવેશ કરવામાં આવ્યો. કુલવંત ખેજરોલીયા અગાઉ આઈપીએલ રમી ચૂક્યા છે અને રોયલ ચેલેન્જર્સ બેંગ્લોરનો ભાગ રહ્યા છે.
23 વર્ષનો સિદ્ધાર્થ ડાબોડી સ્પિનર બોલર
તે સ્થાનિક ક્રિકેટમાં તમિલનાડુ તરફથી રમે છે. IPLમાં તે દિલ્હી પહેલા 2020 સિઝનમાં કોલકાતા નાઈટ રાઈડર્સનો ભાગ હતો. જોકે તે હજુ સુધી આ ટુર્નામેન્ટમાં રમી શક્યો નથી. પરંતુ ડોમેસ્ટિક ક્રિકેટમાં તેણે ઘણી સંભાવનાઓ ઉભી કરી છે.
તેણે ચાર ફર્સ્ટ ક્લાસ મેચમાં 10, બે લિસ્ટ A મેચમાં ત્રણ અને છ T20 મેચમાં 16 વિકેટ લીધી છે. IPL દ્વારા, સિદ્ધાર્થને વ્યાપક સ્તરે પોતાની પ્રતિભા બતાવવાની તક મળી હતી, પરંતુ તે બન્યું નહીં. તેણે ટુર્નામેન્ટ પહેલા ક્વોરન્ટાઈન સમય પણ પૂર્ણ કર્યો અને પછી ઘાયલ થયો. સિદ્ધાર્થની બહાર નીકળવાની સાથે દિલ્હીએ અક્ષર પટેલનો વિકલ્પ ગુમાવ્યો છે.
🚨 INJURY UPDATE 🚨@Siddharth_M03 has sustained a quadriceps strain while training and has been ruled out of #IPL2021 as a result.
We wish him a speedy recovery 💙#YehHaiNayiDilli pic.twitter.com/M78l5WiYfQ
— Delhi Capitals (@DelhiCapitals) September 15, 2021
🚨 SQUAD UPDATE 🚨
Left-arm pacer @KKhejroliya, who was already a part of the DC bio-bubble as a net bowler, joins the roster for the remainder of #IPL2021 as @Siddharth_M03‘s replacement.
Official Statement 👉🏼 https://t.co/ZSH8HxiZVP#YehHaiNayiDilli pic.twitter.com/0zdh7PLfR5
— Delhi Capitals (@DelhiCapitals) September 15, 2021
ખેજરોલીયા દિલ્હીનો ક્રિકેટર છે
ખેજરોલીયાની વાત કરીએ તો તે 29 વર્ષનો છે અને ઘરેલુ ક્રિકેટમાં દિલ્હી તરફથી રમે છે. તેણે 14 ફર્સ્ટ ક્લાસ મેચમાં 32 વિકેટ, 27 લિસ્ટ A મેચમાં 57 અને 15 T20 મેચમાં 17 વિકેટ લીધી છે. તે IPLમાં મુંબઈ ઈન્ડીયન્સ અને RCB સાથે રહ્યો છે. તેને મુંબઈ તરફથી રમવાની તક મળી નહોતી, પરંતુ તેને RCB તરફથી પાંચ મેચમાં મેદાનમાં ઉતારવામાં આવ્યો હતો. જેમાં તેણે ત્રણ વિકેટ પોતાના નામે કરી હતી. તે IPL 2018 અને 2019માં RCB તરફથી રમ્યો હતો.
જો આપણે દિલ્હી કેપિટલ્સની વાત કરીએ તો આ સિઝનમાં પણ આ ટીમનું પ્રદર્શન સારું રહ્યું છે. આઠમાંથી છ મેચ જીતીને ટીમ પોઈન્ટ ટેબલમાં ટોચ પર છે. દિલ્હી હજુ સુધી IPL ટાઈટલ જીતી શકી નથી, પરંતુ છેલ્લી ત્રણ સિઝનથી સારું રમી રહી છે. 2019માં તેણે પ્લેઓફની યાત્રા કરી હતી અને 2020માં ફાઈનલ રમી હતી.
આ પણ વાંચોઃ IPL 2021: ધોની બાદ રવિન્દ્ર જાડેજાએ ફેન્સ સમક્ષ ચેન્નાઇ સુપર કિંગ્સના કેપ્ટન બનવાની ઇચ્છા દર્શાવી ! જાડેજાની ઇચ્છાએ જગાવી ખૂબ ચર્ચા
આ પણ વાંચોઃ Cricket: બુમરાહ, શામી અને સિરાજની ત્રિપુટીએ આ ઈંગ્લીશ બેટ્સમેનને પરેશાન કર્યો, કહ્યું તેમની સામે બેટીંગ કરવી ખૂબ મુશ્કેલ
Latest News Updates
